HOSEA 12:9 - PATHIAN LEKHABU IRTHIANG C.L. Bible (BSI)

⁹ Khannisian, kei hi Aigupta ram ata kha Rengpa ni Pathian ki nia, kût zoro lai ang khan puan ina nang ki la inomtir hrang a ni.

HOSEA 12:9 ပူးပေါင်းရင်းမြစ်များ

IRPHUTNA 25:27

Khan nâipanghai kha an hong lian tâka, Esaua chu sa kâp thei mi a nia; Jakoba rêk chu mi phûkdâi, puan ina om ngai a nia;

2 SAMUELA 7:2

Kha hnung chu rêng khan deipu Nathana kuang, “Hin keima chu, sidar thinga siam ina ki oma, nikhomsianlân Pathian Thuthung Bôm kha chu puan in ma maia a oma,” a tia.

EZRA 3:4

An irziak angin Kairêng kût an hmanga, a nitina tho hranga inkung angin a dôn te’n a nitin thil chu an irhlana.

INPÂKNA HLAHAI 49:7

Tukhomin an urêng khom irtan thei viat no nihaia, Pathian kuang irtanna pêk pe thei ual hliak no nihai:

INPÂKNA HLAHAI 81:10

Kei, Rengpa nin Pathian kha ki ni, Aigupta ram ata nangni hruai kâitu kha: Nin bâi âng irzat unglân, nangni insip pe hrang a ni.

FESUAKNA 20:2

“Suaka nin omna Aigupta rama irthoka nangni hruai suaktu, Rengpa nin Pathian chu ki ni.

THUVÂRHAI 30:12

Mi senkhat anni irngaiin irthiang an irtia, an porinche thei dôra porinche an om.

JEREMIA 35:7

Kha vai kha ni loiin, sin zong le loi tho loi hrangin a ni tia, grep irhuan khom sin loi hrangin le ircho loi hrangin a ni ihril a ni. Hi ram mikhual anga kin omna ram hin kin om mai theina hrangin itiklai khomin puan ina om mai hrangin thu a ni ipêk a ni.

JEREMIA 5:27

Sekâr thotuhaiin kok sûnga vatehai an ithun insip angin, an inhai chu inru thilin an insip a ni. Khasika khan kêng sin tho thei le irchong an nia,

HOSEA 11:1

Israel nam kha a nâiinpang lai ata lung ki thunga, Aigupta ram ata ki nâipa hrangin ki ikoisuak a ni.

HOSEA 13:4

Kei rêk hi chu Aigupta ram ata kha, Rengpa ni Pathian kha ki nia, kei ti no chu Pathian dang inhre ngai mak chea, keima ti no hi chu saninhringtu dang om mahai.

HOSEA 2:15

Khan, kha tena khan chu, a grep irhuanhai kha a kuang pe ki ti, Akor irhôr khom sabeina mikot hrangin: khataka khan a thoibop lai nikhuahai le Aigupta ram ata a zuang suak nikhua ang khan, sâm a ti.

LEVI DÂN 19:36

Irtêna diktak, varna lung diktak, phalla diktak hmang ngai roi. Aigupta ram ata nangni hruaisuaktu Rengpa nin Pathian ki ni.

LEVI DÂN 26:13

Kei Rengpa, nin Pathian hin, suak ni ta loi hrangin Aigupta ram ata nangni hruai suak ki ta, nin ringkolhai kha nangni inkhiakpai pea, irthiphiaiin nin lêng thei ta a ni.”

MIKA 6:4

Aigupta ram ata kha nangni ki hruai suaka, suak ata nangni ki’rtansuaka; nin mân tiang Mosia, Arona-hai le Miriami hai ki zuang itîr kha.

ZAKARIA 11:5

A’rchôktuhaiin an thathaia chu, hremin om mahai, a zuartuhai lakin, ‘Rengpa chu inpâkin om ri se, ei irchong tâk sikin’ an tia. An belrapuhai ten lua’n an chunga inrenna nei mahai,” a tia.

NAMBAR 15:41

Nin Pathian ni hranga Aigupta ram ata nangni hruai suaktu Rengpa nin Pathian chu ki ni, kei hi Rengpa nin Pathian chu ki ni.

JOHANA 7:2

Judahai kairêng kût kha anai tâka.