HOSEA 12:7 - PATHIAN LEKHABU IRTHIANG C.L. Bible (BSI)

⁷ Kanaan-hai angin Israel khan vârna dik loi an leka, ihuang ringot a irzuk ngai a ni.

HOSEA 12:7 ပူးပေါင်းရင်းမြစ်များ

IRPHUTNA 49:18

Khasikin Rengpa ni saninzôkna ki nghâk mai. Gada hi râlin doi an ta.

THUVÂRHAI 11:1

Irtêna dikloi hmanghai chu Rengpa’n a hnôla; irtêna dik hmanghai chu a lôm ngai.

THUVÂRHAI 16:11

Vârna le irkhîna dik hi Rengpa nuamlam a nia; a ni, vârna tinrêng a idik hrang a ni.

ISAIA 3:5

Mipui ir-ep sup sup an ta, pasal le pasal irsual an ta, rual le rual irdoi an ti. Ruatharhaiin an ulianhai chitna nei no nihaia, mi chîntehaiin mi inzakomhai ite bêin bê no nihai.

ISAIA 56:1

Rengpa’n hiang hin a ti: Diktakin roirêl unglân, diktakin sintho roi, nangni sansuak lat hrang ki ni ta, ki fel lam chu hong inlang ta a ti.

EZEKIELA 16:3

‘Rengpa pathian khan Jerusalem kuanga khan hiang hin a ti, ti ro: Ni suakna ram le ni’rzirna ram chu Kanaan mihai ram a nia, ni pa chu Amor mi a nia, ni nu chu Hit mi a ni.

EZEKIELA 22:29

Mi lianhaiin mi huangin an lâkpai pehai ngaia, ram dang mihai chunga nuamningin an om ngai.

EZEKIELA 28:5

Vâr takin sum bepârhai tho pumin, irchon tamtak ni bûma, nir chonhai sika khan ni milung chu omlianna’n a sip zoi ta.

HOSEA 14:2

Rengpa kuanga khan kîr nôk unglân, a kuanga khan hiang hin insîr ro: a tho’nsualna murdi kha la paiin lan a sa ka kai kha pom ro; khanchu ei hmûr rahai kha sehrât chalpa irthûlin ki hong inhlan e.

JOELA 2:12

Rengpa khan, “Khaang ten khomin atûn nin milung murdi’n, bu ngheiin, chapin, chardongin ki tiang hong irhei unglân:

AMOSA 2:7

mi inrianghai lu chunga pildi ten khom an hnarsaa, inrianghai an inrûkpai pea, pa le nâipa’n dôngmate inkhat an inmai irhlôma, ki’rhming irthiang an porinchetir a ni.

AMOSA 3:9

Asdod khua rêng inhai le Aigupta ram rêng inhaia khan hril unglân, Samari tâng chunghaia irbuk unglân, kha khan buaina lian tak omhai leh kha laia opbea omhai kha enhai roi, tiin.

AMOSA 4:1

Nangni Samari tânga lêng nuhai, Basan sehrât infa’n mar anghaio, inrianghai manêpa, irsamhai hnenga, pasalhai kuang, “Hong la unglân, in ei ti,” tituhaio, hi thu hi inhre roi.

AMOSA 5:11

Khasikin mi’nrianghai sirpha’n nakhrâtin bu nin lâkpai pea: lung irchuan inhai nin sina, khannisianlân a sûnga lêng no chin ni; grep irhuan hoihai nin siama, khannisianlân a uain in no chin ni.

MIKA 2:1

An zâlhmuna pualoina ngaituatuhai le thil saloi ngaitua suaktuhai kha an chung a rik e! Zînga khua a hong vârin an itum ang ngei khan an tho tâka.

MIKA 7:2

Pathian uksak mi chu irnêng ata ar hmanga, mihriam laia mi diktak zel om mahai: thisen insua hrangin an inchân zita; mi tinin mâni urêng kha lênin an ivôr a ni.

ZAKARIA 14:21

Jerusalem le Judai ram murdia bêl le bûrhai chu Rengpa Pathian biakna hranga ison ni ta a ti. Thilinhlan inhlantuhaiin thilinhlan hmêhai suangna hrangin hmang an ti. Kha zoro kha a hong tung tena chu Rengpa Pathian tempila khan Kanaan mihai rêng rêng om ta no nihai.

ZAKARIA 5:8

Khanchu vântirtônin, “Hi nupang hin pualoina chu an entîr a ni,” a tia. Khanchu nupang kha bôm sûnga khan a nam inlût nôka, a sîng leh khan a sîng nôk tâka.

ZAKARIA 7:9

“Matona ki mihai chu hiang hin thu ki pêkhaia: roirêlna dik chu inlangtir unglân, khonzâna le inrenna khom inlangtir sa roi.

MALAKIA 3:5

Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

JOHANA 2:16

Khanchu phervali zuartuhai kuang khan, “Hi hi la suak roi, Ka Pa in hi bazar hmunin siam no roi,” a tia.

JAKOBA toc2 JAKOBA 5:4

Irngai u ta, nin loia sinthotuhai hlo nin khit pehai kha an khêka, bu âttuhai khêk irhai kha Itinrêng Rengpa mikuar inhriata a tung ta.

1 SAMUELA 12:3

Tho’nchâi ki lei nei duai khomin, hi hmuna hin ki om Rengpa makunga le a inthang rêng makunga hin ni sêl roi, mi sial mani, mi sakuartung mani ki lei lâk ngai khomin, mi huangin mani, dengintheitirin mani ki om ngai mo? Ki mit inchotir hrangin tu kuanga mo fâkinrûk ki itho? mihai kuang ata minlak ki thôna a omin chu a rêngin tuam nôk ving ki ti,” a tia.