HOSEA 12:6 - PATHIAN LEKHABU IRTHIANG C.L. Bible (BSI)

⁶ Khanchu, nangin chu ni Pathian kuang tiang irheiin lân, lungkhamna le roirêlna hmangin lân, ni Pathiana khan irnghat mai roh.

HOSEA 12:6 ပူးပေါင်းရင်းမြစ်များ

MIKA 6:8

O mihriam, satna kha a inentir tâk a ni; Rengpa’n nangni a inphût kha i ma ni? Dik taka tho le lungkhamna irngaiinna le ni Pathian leh thuhnuairôl taka lêngsuam a ini loi ma ni?

MIKA 7:7

Keima rêkin chu Rengpa tiang en ki ta; ki saninhringna Pathian kha nghâk ki ta; ki Pathian khan a ni irngaitua hrang a ni.

HOSEA 14:1

O Israel, Rengpa ni Pathian tiang khan kîr nôk ro, ni pualoina sika ngei ni itûk tâk a ni.

ZAKARIA 7:9

“Matona ki mihai chu hiang hin thu ki pêkhaia: roirêlna dik chu inlangtir unglân, khonzâna le inrenna khom inlangtir sa roi.

JAKOBA toc2 JAKOBA 2:13

Mi chunga za’rngaina nei loia thilthotu chu za’rngaina boiin a chunga roirêl pe ni a ti; khannisian, za’rngaina hin chu roirêlna an hnê ngai.

JAKOBA toc2 JAKOBA 1:27

Pathian mit hmua sakho biak dân irthiang le sual kop loi chu hi hi a ni: fara le meithâihai an intak laia donsui le rammual porinche kop loia irvong insa hi a ni.

TÎRTÔNHAI SINTHO 26:20

Khanchu, Damaska mihai kuanga insîr irphutin Jerusalema mihai kuang, Judai rama mi murdihai le Jentailhai kuang khom an sualna ata irleta Pathian tiang an irheia, an irlet tak tak a nih ti an langna hranga, sin an thôna hrangin thu ki ihril ngai a ni.

TÎRTÔNHAI SINTHO 2:38

Petera’n, “Irlet unglân nin sualhai ngaidam a nina hrangin Jisua Krista irhmingin baptisma chang chit roi; khanchu, hi thilpêk, Irtha Irthiang hi, dong nin ti.

ZAKARIA 8:16

Hi thilhai hi nin itho tum hrang chu a ni: Thudik irhril unglân, roirêlna hmuna khom irngeina intungtir thei ngai, thudik chu târinlang roi.

ZAKARIA 1:3

Khasikin hiang hin an kuang van sîr ro: Sipaihai Rengpa khan hiang hin a ti, keima tiang hong irhei unglân, kei khom nangni tiang zuang irhei ki ti, ti hi sipaihai Rengpa thu suak a ni.

ZEFANIA 3:8

Khasikin râllâk la hranga ki thoi ni dênin ni nghâk roi, ti hi Rengpa thu suak a ni. Ki thil tum kha an chunga ki ninginmurna ichiom tak kha insum hranga inlalna ramhai irbuktira namhai koi buk hi a nia; irnêng murdi hi ki khôkmâkna meia a la ikâng fâi zit hrang a ni.

HABAKUKA 2:3

Inlârna hi zoro inkung sûng hrang vai a ni lelea, A king nikhua anai tîr tîra, mâkana ni no ni. Sôt viat khomsian nghâk ro; A zuang tung ngêt hrang sikin inhnung ual no ni.

AMOSA 5:24

Khannisianlân, roirêlna dik kha vadung angin luang sianlân, felna kha ivapui kang ngailoi angin luang ri se.

JOELA 2:13

nin puan ni loiin nin milung thêr unglân, Rengpa nin Pathian tiang khan irhei roi: ama kha lunginkham thei tak le inrennaa sip, milung irnêm le khonzâna nei intam, thil saloi ata hong kîr ngai a ni,” a tia.

HOSEA 10:12

Mâni ta hrangin felna tû unglân, lungkhamna ât roi; nin irnêng hoihai choiirlet unglân, Rengpa zong zoro a nia, a honga satvurna nangni a vur mâka chu.

HOSEA 4:1

Israel irchihaio, Rengpa thu kha irngaitua u ta; hi rama hin thutak le lungkhamna le Pathian inhriatna a om no sikin, Rengpa khan ram luatuhai beina hrang a nei.

JEREMIA 22:15

Sidar thing leh in sin thei sikin, rêng sa ualin nang a isiam ma ni? Ni pa khan diktak le fel takin sin a thoa, a inuam murdi a fâkin a ina, a itho tinrêng chung a tuar pe ngai a ni.

ISAIA 58:6

“Bu nghei hrang dân ki inuam lam chu, dik loitaka mi dang nin intumnahai mâksana, an ringkol hrui insatpaia, mi dengintheitirhai ngai irletna le, an puak rik murdi inzângtirna hi kêng a ini.

ISAIA 40:31

Rengpa nghâktuhai rêk chu, hrât inthar nôk an ta, Irmupui angin mitha leh vuang kâi an ta, Intân an ta, sôl no nihai, fe an ta, sôl inhre viat no nihai.

ISAIA 31:6

O Israel mihaio, “A sân tehel pe khom unglân hong kîr nôk ta roi.

ISAIA 30:18

Rengpa inrenna’n nangni a la nghâka, a khonzâna’n nangni a la hrung lai hin, Rengpa’n diktakin roirêl a ti. Ama nghâktuhai chu hoi pehai a ti.

ISAIA 8:17

Keima’n chu Rengpa hi ki nghâk maia, Jakoba irchihai laia a ni la irbîk pe viat a ni hi; keima’n chu ki sabeina hi ama vai hin ki’rnghat maia.

ISAIA 1:16

Irsil unglân, fâi ta roi, thilsual nin itho ngai hi ma ta unglân, thilsual tho ta ngai no roi.

THUVÂRHAI 21:3

Irbôlna nêkin dikna le felna sin hi Rengpa lôm lam a ni.

THUVÂRHAI 1:23

Nangni ki hrilna tiang hin nin mikuar sung roi; thu sa nangni irchûtir ki ta, kin hriatna nangni lei sem hi rong.

INPÂKNA HLAHAI 123:2

Irngai ta, siahlohai mitin an pu kut tiang an en ngai ang le, Siahlonu mitin a pi kut tiang a ien chian ngai angin, Keini mit khomin Rengpa kin Pathian tiang a ien chian a ni, Lung a nin kham mâka chu.

INPÂKNA HLAHAI 37:7

Rengpaa khan irngamin lân, ama chu nghâk zâm zâm roh; Ni om lama vânneina dongtu sikin beiindong no roh. Ngaituana sualhai puiinhlingtu sika khan.

INPÂKNA HLAHAI 27:14

Rengpa kha nghâk mai roh; Hrât takin omin lân, ni milung kha inhâitir ri se; A ni, Rengpa chu nghâk mai roh.

IRPHUTNA 49:18

Khasikin Rengpa ni saninzôkna ki nghâk mai. Gada hi râlin doi an ta.

EZEKIELA 18:30

Khasikin, O Israel mihaio, mi tin an omdân ang zêlin roirêl ki ti, ti hi Rengpa pathian thusuak a ni. Irlet unglân, nin sualna murdihai chu masan zit roi; khanchu, nin sualnaa khan siatna tok ta no chin ni.

JOELA 2:12

Rengpa khan, “Khaang ten khomin atûn nin milung murdi’n, bu ngheiin, chapin, chardongin ki tiang hong irhei unglân:

FESUAKNA 3:15

Khanchu Pathianin Mosia kuang khan, “Nangin Israel irchihai kuanga khan, Rengpa nin irchibulhai Pathian Abrahama Pathian, Isaka Pathian le Jakoba Pathianin nin laia hin a ni zuang itîr a ni, hi hi kumtuanga ki’rhming hrang chu a ni, nin irchihai tenin nin nin hriat mai hrang a ni ti roh.

AMOSA 4:13

Irngai ta, tânghai inding suaka, phâivua siama mihriam kuanga khan a ngaituana imo a ni hril suak pea, zîng kha inthimtira, irnêng hmun irsânghai chîltu kha ar hming Rengpa, Sipaihai Pathian kha a ni.