HOSEA 12:2 - PATHIAN LEKHABU IRTHIANG C.L. Bible (BSI)

² Rengpa khan Juda chunga khom hnôlna hrang a nei saa, Jakoba chu a omdân zia ang dênin hrem a ti; a thiltho ang zia dênin thuanin.

HOSEA 12:2 ပူးပေါင်းရင်းမြစ်များ

MIKA 6:2

O tâng lianhaio, Rengpa sêlna kha irngai unglân, nangni irnêng irnghatsan dethaio, irngaitua roi. Rengpa kha a mihai leh an irsêla, Israelhai kha dem a ti.

HOSEA 4:1

Israel irchihaio, Rengpa thu kha irngaitua u ta; hi rama hin thutak le lungkhamna le Pathian inhriatna a om no sikin, Rengpa khan ram luatuhai beina hrang a nei.

ISAIA 10:6

Pathian inhre loihai nam doi hrangin ki tîra, ki ninginmurtirhai thatpaihai hrangin, va huanga van ru pe hrangin, kholâi dialdôk anga sirpol hrangin.

GALATIA 6:7

Ihuangin om no roi, Pathian chu hmusit zât ni mah. Mi’n a itû chu, a i-ât nôk ngêt hrang a ni.

ROM KHUAA MIHAI KUANGA TÎRTÔN PAULA LEKHATHON 2:6

Pathianin chu mi tin an sintho ang takin a irêl hrang a ni.

MATHAIA 16:27

Mihriam Nâipa hi vântirtônhai le a Pa roiinpuina le, a izuang hrang a nia; kha tika chu mi tin an sintho ang zêlin thuan seng a ti.

HOSEA 8:13

Ki ta hranga thil inhlan irbôlnahai chu hmê an inhlana, an fâka; khahai kha Rengpa’n pom mah: khanchu an pualoina an hriat maia, an sual a hrema, anni kha Aigupta rama kîr nôk an ti.

HOSEA 4:9

a mipui a ochaiin hmunkhata hrem ni an ta, an lampuihai sika khan anni kha hremhai ki ta, an thil thohai thuan ki ti.

HOSEA 2:13

Mirimhoi a hâl pe ngai Baal nikhuahai kha a chunga thuan ki ti, kha lai khan a bômzoihai le a irvônahai ar bela, ar ditpuihai a pana, keima a ni irnghil a nih ti hi Rengpa thu suak a ni.

JEREMIA 25:31

an irhâi intông kha kôlkil dên chit a ti. Rengpa namhai doiin thubuai a neia, mi tinhai rêl infelhai hrangin hong hruaihai a ta, mi pualoihai chu thi hrangin rêl ni a ti,’ ti hi Rengpa’n a iti a ni,” a tia.

ISAIA 59:18

An sintho ang takin thuanhai a ta, ama doituhai chu ningmurna’n thuanhai a ta, a râlhai chunga chu phuba la a ti, chômbung hmuna omhai khom thuanhai ving a ti.

ISAIA 24:21

Kha tena chu chung tianga sinthotheinahai le irnênga rênghai Rengpa’n hremhai a ti.

ISAIA 10:12

Rengpa’n hiang hin a ti, “Zion tâng le Jerusalem khua chunga ki itho nuam ki tho zoi tika chu, Assuria chu a lârirpâkna le a’rsongna sikin soisak ki ti,” a tia. Assuria rêngin:

ISAIA 3:11

Mi sualhai chung chu a rik, an siat hrang sikin. An itho angin an chunga khom tho ni a ti.

HOSEA 9:9

Gibea khuaa om lai nikhuahai ang khan a sate’n anni kha an tho’nsuala. An pualoina kha inhre mai a ta, an sualnahai kha thuan a ti.

HOSEA 7:2

An sualna murdi kin hrât mai ti an milungin ngaitua mahai: atûn chu an thilthohai ngeiin a ngîm khak tâka. ki hmâi makunga an iom a ni.

HOSEA 9:15

An sualna murdi kha Gilgal-a an tho irphuta, kha khan anni kha ki khôkmâka. An thiltho sual sika khan ki in ata inhnot suak ki ti. Annihai hi lungthung ta no ning; an hruaitu murdihai kha tehel zong an ni.

AMOSA 2:4

Rengpa khan hiang hin a ti: “Juda tho’nchâina inthum sikin, a ni, minli sikin, a hremna kha inboi no ning; Rengpa dân kha a hnôla, a thupêkhai vong mahaia, an pahai ibiak ngai pathian irlimhai khan a hruai irhmang sikin.

2 RÊNGHAI 17:4

Kum khat chu Hosea’n Aigupta rêng Soa kuang palai a tîra, a changpui hrangin a ngêna, a kum tin khâzana chôia Assuria kuanga a ipêk ngai kha pe nuam ta maka. Salmanesera’n kha thu kha an hriatin, Hosea a chela, zêl ina a khum tâka.

JOBA 15:2

Mi vâr inhriatna tep loi mai mai ata sâmna siamin, Nisua tianga phâivua’n a pum a insip thei hrang ma ni?

INPÂKNA HLAHAI 78:36

Khannisianlân ama chu an bâiin an inpâk pa paia, An mileiin an kuang milak thu an insîr ngai.

THUHRILTU 5:15

A nu phîng sûng ata a zuang isuak ang khan, korong ngêtin a fe nôk tâka; a sin sôlna ra khom chu a kuta a ichôi thei ite om mah.

ISAIA 30:6

Sim tianga ramsa chungchâng chu: Ram intak le ichiom, kâmkeibaknei nu le pa omna ram, rûlngannei le rûlvânkâi tamna rama, an irchômhai chu sakuartung an inpêltirhaia, a sumhai chu saringsei vuna an thuna. An irngeipui thei loihai nam an pêk hrang a ni.

HOSEA 7:1

Israel indam ki tumin Efraima sualna a hong inlanga, Samari sualna le huang an uara, sûng tiang inru a hong lûta, pên tiang hrâtlâksong pâlin an roka.

HOSEA 7:11

Efraima kha vasu milung chô, inhriat thiamna nei loi ang a lei nia; Aigupta tiang an khêk mura, Assuria tiang an fe mura,

HOSEA 8:9

Ram sakuartung inkhât tak angin Assuria rama an kâia, Efraima khan arditpuihai ar hloppui e.

HOSEA 8:10

A ni, nam danghai irhloppui khomsian, irkhôm ki ta, rêng le hruaitu hriak an ipol ngai kha inmongtir bak ki ti.