HOSEA 12:10 - PATHIAN LEKHABU IRTHIANG C.L. Bible (BSI)

¹⁰ Deipuhai kuanga khom thu kin sîr ngaia, inlârnahai kin pungtira; Deipuhai hmangin ki lei hala.

HOSEA 12:10 ပူးပေါင်းရင်းမြစ်များ

2 RÊNGHAI 17:13

Rengpa’n Israelhai le Judahai hril hrangin a tirtôn le deipuhai a tîr ngaia, “Nin omdân intirom hi masan unglân, nin irchibulhai laia ki dân pêkna lekhabua chuang ki siahlo deipuhai ihril; ki thupêk le ki inkunghai zôm unglân, tiin.

EZEKIELA 20:49

Khan, keiin chu, “Ni mak e, Rengpa Pathian, kha kha chu nin thotir no ro; kei hi chu mi tinin thukhir ringot hril ngai kêng an ni ibe,” ki tia.

JOELA 2:28

Kha zoi tika chu hiang hin ni a ta, mi murdi chunga ki’rtha buak ki ta; khanchu nin nâipahai, nin nâinuhaiin ki thu hril an ta, nin putarhaiin irmanga phan an ta, nin ruathartehaiin inlârnahai hmu an ta:

JEREMIA 19:1

Rengpa khan hiang hin a ti: “Fe’n lân, bêl suktu pil bêl va’rchôkin lân, mipui laia hruaituhai, ochai laia hruaituhai hruai roh.

JEREMIA 7:25

Nin irchibulhai Aigupta ata an suak nia irthokin hi nikhua dên dapin, a ni zui deipuhai nin laia ki tîrhai ngai.

2 KORINTH 12:7

Thilirkhêl tamtak ki ihmuhai sika khan irpâkna’n ki sip loina hrangin, taksa a satêna dam loina tak pêkin ki iom a ni, kha kha ki’rpâk loina hranga Setana tirtôn anga sinthoa ni zêm ngai a ni.

2 KORINTH 12:1

Ki irsong hrang rêng rêng a ni, ite ar fêna a om no hrang khomin. Khannisianlân, atûn Pathianin inlârna a ni irhmu le thu phuang hrang a ni ipêkhai kha insîr ki ti.

TÎRTÔNHAI SINTHO 2:17

Pathianin, ‘Sûn hnungkhôna chu hi hi la tho ki ti: Mi murdi chunga Irtha la buak ki ta, Nin nâipahai le nin nâinuhaiin ki thu lan sîr an ta, Nin ruathartehaiin inlârna la hmu an ta, Nin tarhaiin irmangin phan an ti.

AMOSA 7:14

Khan, Amazia kuang Amosa khan, “Deipu ni ma unga, deipu nâipa khom ni ual ma ung; sâ pâl enkoltu le theipui thing enkoltu ki ni ual a ni.

HOSEA 3:1

Khan, Rengpa khan ki kuang, “Fe nôk tan lân, nupang, mi dang indit lai, uirenu kha lung va thung roh, Israel irchihai khan Pathian dang kuang tiang irheiin grephai irngaiinhlu khomsian, Rengpa’n lung nangni a ithung mai ang hin,” a tia.

JEREMIA 25:4

Rengpa’n a deipuhai a zuituhai a zuang tîrhai mai ngai khoma chu, irngaiin mo, nin iuksak nuam loi a ni.

JEREMIA 19:10

Khanchu Rengpa’n ki ifepuihai mithmua bêl kha inkhoi hrangin a ni hrila,

NEHEMIA 9:30

Khannisian kum tamtak anni chu ni donhaia, irtha tianga deipuhai hmangin nir chutirhaia; khannisian an mikuar sêt angin an oma; khasikin kha rama mihai kuta khan ni pêk ta.

1 RÊNGHAI 19:10

“Itinrênga hin Rengpa tah hrangin sathnem ki’rngaia, khannisianlân, Israelhaiin ni thuthung an zôm no sikin, ni maichâm an insiata, ni deipuhai khom khandaiin an thathaia, keima vai hi a dam sun ki ni tâka, kei khom hi ni that hrangin an ni izong mai a ni,” a tia.

1 RÊNGHAI 17:1

Gilead rama Tisbe mi Elija’n Ahaba kuang khan, “Rengpa Israelhai Pathian a sin ki itho pe ngai irhmingin nangni kin hril, kum hni kum thum sûng chu keima ircham ni loiin irnêng chunga hin irdo le rua ite tho viat no ni,” a tia.

1 RÊNGHAI 13:1

Jeroboama chu maichâm bula thilinhlan hranga a ngîr laiin, Rengpa itîr deipu, Judai ram ata Bethel hmuna a hong tunga.

NAMBAR 12:6

Ama’n, “Ki thu hi irngai roi, nin laia deipu nin oma ni’n chu, keima chu an ni kuang inlâr ki ta, an irmang tiang chongpuihai ki ti.

EZEKIELA 17:2

“Mihriam nâipa, Israelhai kuanga thukhir le chongirkhek thu hril ro,

FESUAKNA 20:2

“Suaka nin omna Aigupta rama irthoka nangni hruai suaktu, Rengpa nin Pathian chu ki ni.

LEVI DÂN 23:42

Israel mi murdi chu hi nikhua sari sûng hin dângdia an iom hrang a ni.

HOSEA 13:4

Kei rêk hi chu Aigupta ram ata kha, Rengpa ni Pathian kha ki nia, kei ti no chu Pathian dang inhre ngai mak chea, keima ti no hi chu saninhringtu dang om mahai.