HOSEA 11:8 - PATHIAN LEKHABU IRTHIANG C.L. Bible (BSI)

⁸ O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

HOSEA 11:8 ပူးပေါင်းရင်းမြစ်များ

JEREMIA 31:20

Efraima chu ki nâipa indit tak, ki inhlu ngôi ngôi a ini loi ma ni? Hnôl ki tum khomin ki milunga a om maia, ama chu kin hriat maia lung ki inkham sabak a ni.

MATHAIA 23:37

“O Jerusalem, Jerusalem! Deipuhai thattu, Pathianin ni kuanga itîra omhai lei dêng thattu! Ârpuinu’n a têhai a mitha hnuaia a iop khôm angin ni nâihai voi iza mo op khôm ki tuma, nuam mak che?

HOSEA 6:4

O Efraima, itin mo nang ki ilô hrang? O Juda, itin mo nang ki ilô hrang? ni lungthungna kha zîng sûmphâi angin, inrang taka irdo irhmang nôk angin a ni.

DÂN INHNINA 32:36

Rengpa khan a mihai san a ta, a siahlohai dongtum siatzia hai, mi ngar khom ngar loi khom a thi ban tômzia a hmuin inren nôk a ti.

DÂN INHNINA 29:23

nin loihai chu ram chôp, kât le chi tamna ram ni a ta, ite phun thei ni no ni, hloisûl ten khom mông thei no ni. Nin ram chu Sodom le Gomora hai, Adma le Zeboim, Rengpa ningmur irkhêl tak sika a insiat tâk khuahai ang kha ni a ti.

JUDA 1:7

Khaang dêna khan Sodom le Gomora khua hai kha, an kôlvêla khua hai leh hurna porinchea an irpumpêk zoi tâk sikin, mi tin le inhriattirna’n anni chu kumtuang meia hrem an ni tâk a ni.

2 PETERA toc2 2 PETERA 2:6

Sodom le Gomora khua khom a’rvuttir chita, Pathian uksak loihai a ihrem lam hrang entîrna hrangin a insiat chittir a ni khate.

AMOSA 4:11

Sodom le Gomora khua kha Pathianin an chimtir lai angin, nin laia mi senkhat kin chimtira, thing kâng sabak loi lâksuak ang nin ni: kha tena khom khan ki kuang hong kîr mak chêi, Rengpa thu suak khan a ti.

CHAP HLA 1:20

Rengpa ki ituang lam hi ni en ro, Ki lum hlut hluta ite invol thei ma ung, Ki sual hrai sika a ni; Ki’rsîr tatak ta, Khandaia ni that hrang lak ki kôla hin an pung maia, In sûng tiang lak hripuiin a ni bôm.

2 RÊNGHAI 13:23

Khannisianlân, Rengpa’n lung a thunghaia, insiat chit an ini hrang a nuam no sikin, Abrahama, Isaka le Jakoba hai kuanga a thuthung chu a’rngaiinnatin, irnghil thei maka, atûn ten hin a la irngaisâng a ni.

2 SAMUELA 24:16

Rengpa vântirtôn khan insiat hrangin Jerusalem tiang a kut a hor leka, khan Rengpa’n a mihai kuttum tho hrang a iti kha a milung a’rthûltira, mi thattu vântirtôn kuang khan, “A ruk ta, ni kut irlek ta no ro,” a tia. Rengpa vântirtôn kha Jebus mi Arauna hruizôl kôla khan a oma.

ROIRÊLTUHAI 10:16

Khanchu, an kôla pathian dang irlimhai chu an paia, Rengpa chu chubai an mûk tâka; Israelhai inriang zia a hmu’n chu a sân lung an khamhaia.

IRPHUTNA 14:8

Khanchu Sodom khuaa rênghai Gomora khuaa rênghai, Adma khuaa rênghai, Zeboim khuaa rênghai, Bela khuaa rênghai an suaka, (Bela chu Zoar khua a ni ta.) Khan Sidim hualsûnga khan annihai doi hrangin irnak an lâk irruala,

THUPHUANG 18:18

a ikângna meikhu kha an hmu’n chu, “Hi kho roiinpui anga hi chu la om viat ngai mah!” tiin an khêka.

THUPHUANG 11:8

An ruak kha an Rengpa hembea a omna Jerusalem lamliana khan om a ti. Kha kho roiinpui kha irtha tiang thua chu Sodom le Aigupta ti a ni.

ZEFANIA 2:9

Khanchu, a nuna kin nun sûng chu, Moab kha Sodom ang ni a ta, Amon nâihai kha Gomora ang ni ngêt ngêt an ta, an ram kha hloisûla sip, michi khur le kumkhua lualoi ang ni a ti: Ki mi la’rkholhai khan anni kha râllâk an ta, ki nam la omsunhai khan lua an ta, tih hi Sipaihai Rengpa, Israelhai Pathian thu suak a ni.

AMOSA 7:6

Hi thu tiang hin Rengpa kha ar heikîra; Rengpa khan, “Hihai khom hi zuang tung no ni” a tia.

AMOSA 7:3

Hi thu tiang hin Rengpa kha ar hei kîra Rengpa khan, “Ni nôk ta no ni”, a tia.

CHAP HLA 3:33

Mihriamhai beiindongtir le sôlhai hi a nuamlam ni mah.

JEREMIA 9:7

Hi sika hin Rengpa Pathianin a ti, “Thîr angin ki mihai irthît ki ta, anni ki ifiahai hrang a ni. Ki mihaiin sual an isin a nia. Imo ki la itho pehai thei hrang?

JEREMIA 3:12

Israel kuang fe hrangin a nin hrila, keima kuang, “Iamom loi Israel ki kuang hong kîr nôk roh. Kei chu khonzâna sip ki nia, ki ninginmur no ni, kumtuangin ninginmurtir mai no ning.

ISAIA 63:15

Ni omna hmun irthiang le hoi, irvân irsâng lai ata khan, zuang thîrin lân, ni zuang en ro, ni sathnem irngaina le hrâtna, ni khonzana le inrenna kha a idâi zoi ma ni ta?

INPÂKNA HLAHAI 106:45

A thuthung kha anni an hriat pehai maia, A lungkhamna irkhêl sikin an lungrîl a’rlet tâka.

1 RÊNGHAI 3:26

Nâipang a la dam nutak khan chu, a nâi kha lung a thung hrai sikin rêng kuang khan, “Ka pu, lungkham takin nâite chu hi nu hi pe chian ro: that no ro,” a tia. Inkhatnu khan chu, “Bonghni inchangtirin lân, tûte’n kin dong no khoma,” a tia.

ISAIA 16:11

Khasikin ki sûnga rîlhai khom Moabhai inrenna sikin perkhuang irhâi angin ar hâi a oma, ki phîng khom Kir-heres inrenna sikin perkhuang irhâi angin a om zoi ta.

JEREMIA 18:8

kha namhai khan an sualna an irletin chu, an chunga thil saloi tho ki itum kha irlêk nôk ki ti.

JEREMIA 42:10

‘Hi rama om mai nin nuamin chu, khaangin nangni siam loiin nangni san inding ki ta; nangni phôi loiin phunindet ki ti. Nin chunga siat ripna kin tungtir sikin, ki milung a ina a ni.

CHAP HLA 3:32

A nin renin lung a ni ithung ngêt hrang a ni.

EZEKIELA 6:9

Nin laia khaanga thi loihai chu sala man ni an ta, ram tina hruai indarh zit an ti. Nam dang laia an irthekindarh hnunga chu nin hresuak an ti, an millim tianga a ni irheisanna ki insiat penahai kha inhriat an ti, khan an thil porinche tho insual murdi, an mâni mithmu ngêta an lei itho tâk thua khan intirom an ti.

EZEKIELA 33:11

Khan an kuang khan Rengpa Pathian hring ki ini ang hin hiang hin ki iti a nih ti pehai roh. Mi sual thina hin lômna zel nei ma unga, kha nêkin chu a sual sinhai mâka, a ihring hi ki ilôm ual a ni. O Israel ni thilsual thohai kha ma ta ro: Itho sika thi ni inuam mai ma ni?

HOSEA 7:1

Israel indam ki tumin Efraima sualna a hong inlanga, Samari sualna le huang an uara, sûng tiang inru a hong lûta, pên tiang hrâtlâksong pâlin an roka.

MIKA 5:3

Khasikin nâiha irveitu khan a nei mâka chu anni kha irheisan a ti; khanchu a nâi la omsunhai kha Israela irchihai kuang kîr nôk an ti.

DÂN INHNINA 29:22

Sôttak hnunga chu, nin irchihai le nam danghai, ram hlatak taka omhai khan nin rama siatna le tuangna Rengpa intungtir chu hmu an ti;

2 THURCHI SUINA 36:15

Tempil le a mihai chu a san nuamhai sikin, mipuihai irchutir hrangin an irchihai Pathian khan deipuhai a tîrhai maia.

JEREMIA 9:6

Tho’nchâina chu tho’nchâinain a zuia, irhuangna chu irhuangnain a zui ngai, a san chu nin hriat zel an tum no sika a ni, Rengpa’n a ti.