“Rengpa ni Pathian hnuk irhâi kha ngûk takin irngaiin lân, a mit hmua a sa a iti murdi ni sina, ni pomin chu Aigupta mihai chunga hri ki inlêngtir ang khan ni chunga inlêngtir no ning. Keima hi Rengpa nang an damtirtu ki ni,” a tia.
Rengpa’n thu a hril hi, “Irvânhaio, irngai unglân, irnêng khom ni mikuar lei sung roh. Nâi le te kin fâhaia, kin liantirhaia, khannisian, an ni tehel pe zoi ta.
A mihai sâbe tuam pehai a ta, an popnahai a dam zoi tena chu, tha khi misa nêkin vâr a ta, misa khom vâr irkhêlin hapta khat vâr irthûl sûn khatin vâr hrât a ti.
Ramchâra nin fe sûng khom khan lam tinrênga nangni a hruaia, pa’n a nâi a ipuak angin hi hmun hi nangni a ipuak intung a nih ti nin inhriat mai a ni,” ki tia.
Kum sômminli sûng ringot Rengpa nin Pathian khan ramchâra nangni a inchaitir kha inhre mai roi; deng nangni an theitira, nangni a fiaa, a thupêkhai kha nin izôm hrang mo zôm loi hrang nin lungrîl inhriat a inuam a ni.