HOSEA 11:11 - PATHIAN LEKHABU IRTHIANG C.L. Bible (BSI)

¹¹ Aigupta irthokin chongzong angin, Assuria irthok khan vasu angin mitha zâp lop lopin hong an ti: khan, an in lum inluatir ki ta, ti hi Rengpa thusuak a ni.

HOSEA 11:11 ပူးပေါင်းရင်းမြစ်များ

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 60:8

Sûm irlôi angin le phervali vuang sup angin irkuang hor kôihai so, kho tianga mi mo an ini?

JEREMIA 31:12

Râifân taka khêkin Zion tâng sîpa hong an ta, Rengpa satna sikin an hmêl raifân takin om a ti. Buhai, uainhai, hriakhai, belra le sahai sikin lôm an ta. Anni chu inhnê taka tui leh buak ngai irhuan ang ni an ta, an chardong ta no ni.

EZEKIELA 34:27

Thingkunghaiin ra insua an ta, loimânin bu le bâl insua a ti, mi tin chu mâni ram sûnga lungthi takin om an ti. Khan ki mipuihai khitna hrui sût ki ta, suaka siamtuhai ata kin sua zalêntirhai tena chu, Rengpa ki nih ti chu inhre thei ta an ti.

EZEKIELA 34:28

Pathian nei loi namhaiin longindarh ta no nihaia, ramsahai khomin anni chu thatin fa ta ngai no nihai. Anni chu lungthi takin om an ta, tukhomin insî thei ta no nihai.

EZEKIELA 37:21

Khanchu Rengpa Pathianin hiang hin a ti, tiin hrilhai roh. Ki mipuihai chu, nam tinhai laia an lei fena hmunhai ata kha hruaisuakhai ki ta, bukhai ki ta, anni rama ngêt hong hruaihai ki ti.

EZEKIELA 37:25

Khanchu an irchibulhai omna ram, ki sinthotu Jakoba kuanga ki lei ipêk rama khan om ta an ta, khataka khan kumkhontuangin anni le an nâi le tehai le an irchi suanpârhai chu om ta an ti. Ki sinthotu rêng Davida angin an chunga kumtuangin roirêl ta a ti.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

HOSEA 7:11

Efraima kha vasu milung chô, inhriat thiamna nei loi ang a lei nia; Aigupta tiang an khêk mura, Assuria tiang an fe mura,

OBADIA 1:17

Zion tânga rêk chu, irtansuakhai kha om an ta, irthiang a ti. Khan, Jakoba insûng mihai khan an irchon donghai kha chang an ti.

ZAKARIA 10:10

Aigupta le Assuria ramhai rengata khom hruai khômhai ki ta, an rama inomtirhai ki ti. Gilead le Lebanon-ah khom inomtirhai sa ki ta; ram murdi chu mihriamin la sip an ti.

ZAKARIA 8:7

Ki mihai chu an ihruaihaina ram ata kha saninzôkhai ki ta,

ZAKARIA 8:8

Jerusalema om hrangin nisua tiang le nitâk tiang ata la hong hruaihai ki ti. Anni chu ki mihai ni an ta, kei chu an Pathian iamom tak le diktaka an chunga roirêltu ni ki ti.