HOSEA 10:6 - PATHIAN LEKHABU IRTHIANG C.L. Bible (BSI)

⁶ Ama ngêt khom kha inlaltak Jareba kuanga pêk hrangin Assuria rama rotpui ni a ti. Efraima khan inzakna hmu a ta, Israel khan ama thu’nkung ngêt kha inzakpui a ti.

HOSEA 10:6 ပူးပေါင်းရင်းမြစ်များ

2 RÊNGHAI 17:3

Assuria rêng Salmanesera’n a doia, Hosea khom a le’rpêk saa, kum tin khâzana a chôipuihaia,

JOBA 18:7

Kalchôi hrâtna chu a’rzala, Ama ngaituana ngêt khan paithâk ni a ti.

ISAIA 1:29

Sesua thinga siam Biak In khârnahai kha lan zak nin ti, Irhuan ser nin isiamhai khom inzakpui nin ta,

ISAIA 30:3

Khasikin, Faroa hrâtna chu nin mualinphoina ni ta a ta, Aigupta raifân nin itûng hih nin inzakna ni ta a ti.

ISAIA 45:16

Millim siamtuhai chu inzak irla tak tak an ta, an rêngin mualphoi irla an ti.

JEREMIA 48:13

Kha tena chu Moab mihaiin an pathian Khemosa chu iamzoi ta no nihai, an irnghatna pathian chu, Israelhaiin Bethel chunga an irnghat zoi loi ang khan.

JEREMIA 7:24

Khannisianlân zôm nuam loiin uksak ta maka. Kha nêkin an lungrîl insêtin tho loi hrang ti an tho nuam ual tâka, sa ual nêkin an isiat ual tâk a ni.

EZEKIELA 16:28

Mumalboia, Assuria mihai kuanga khom notizuara ni lei irsiam tâka; a ni, an kuang notizuar thil chu ni lei tho khomin ni milung la chuk mah.

EZEKIELA 36:31

Nin omdân pualoihai le nin sin siat thohai kha inhre suak nin ta, khanchu nin porinchenahai le nin sualnahai sikin nin mithmu ngêta khan nin bingin irtir irhlôm nin ti.

DANIELA 11:8

Khan an pathianhai, an irlim siamhai le an sumru le rângachak bêlbûr sahai leh khan Aigupta rama chôipai ving a ta, kum idôr vêl mani chu hmâr tianga rêng ata lei irngam ni a ti.

HOSEA 4:19

Phâivua isêm angin sêm invuangin la om an ta, an sonong irbôlnaa khan lan zak ngêt an ti.

HOSEA 4:7

An hong rikip le ki chunga an sual sit sit saa, an roiinpuina kha mualinphoinaa inchangtir ki ti.

HOSEA 5:13

Efraima khan a natna a hmua, Juda khan a pop a hmua. Kha khan Efraima kha Assuria kuang a fea, inlaltak Jareba kuanga khan mi a tîra: khannisianlân ama khan nangni indamtir thei maka, nin ipop kha nangni a indamtir thei sa loi a ni.

HOSEA 8:6

Israel kut theithiamhai millim siam kha, Pathian ni ma. A ni, Samaria sehrâtte irlim kha inkhoipai zit ni a ti;

MIKA 6:16

Omria thu’nkunghai kha vong mai a nia, Ahaba sûngkua thiltho murdihai leh an inkungnahai khan nin ife a ni: khanchu hmun irama nangni ki isiam hrang a ni, a sûnga omhai hi nuiza siamna’n om an ta, khan, ki mihai irhming siatna kha pêl ni ti.