HOSEA 10:2 - PATHIAN LEKHABU IRTHIANG C.L. Bible (BSI)

² A sûngril kha irsentirin a oma, atûn chu thiamloi changin om ta an ti. An maichâmhai kha Rengpa’n zêm insim a ta, an lung incher phunhai kha insiat a ti.

HOSEA 10:2 ပူးပေါင်းရင်းမြစ်များ

1 RÊNGHAI 18:21

Elija chu mipui lai ata a ngîra, an kuang, “Sirirkain i dôr ten mo nin iom hrang? Rengpa hi Pathian nin iti a ni’n chu biak unglân, Baal nin biakin chu biak sabak roi,” a tia. Mipuihai chu an ngûi chit tâka.

FESUAKNA 23:24

an pathianhai chubai nin mûk hrang ni ma; an sakhua khom nin ilâk hrang ni mah. An pathian chu nin insiat chit hrang a nia, an lung chopui khom nin ivîk siat pehai hrang a ni.

THUVÂRHAI 11:18

Mi siahai chu irhuangna hlo an man ngaia, felna inthektu rêkin chu lômman an dong ngêt ngai.

ISAIA 44:18

Annihai anga mihai kha chu an inmôl hrai ta, ite inhre loi an ni; an ihmuhai an chia, an mit an insîng ngaia, an inhriat thei loina hrangin lungrîl pe ngai mahai.

JEREMIA 43:13

Aigupta ram Heliopolis khopuia inhriat maina lungphun irthianghai chu insiat chit a ta, Aigupta pathian biak inhai chu hâlpai ving a ti.

EZEKIELA 14:5

Israel insûngkuahai chu an millim sika an ni irheisan tâk sikin an lungrîl tak ki man theina hrangin zuang sâmhai ki ti.

HOSEA 12:11

Gilead kha pualoina a ini loi ma ni? ite ni loi chian an ini kêng; Gilgal-a khan sehrâtchal an inhlan ngaia; a ni, an maichâmhai kha irnêng tuk irlet châng kuanga lung dêng khôm ang chian an ni.

HOSEA 13:16

Samaria ram ata a Pathian chunga tehel a zonga, khandaia intûktirin om an ta, an nâitesenhai kha pai inthek zit ni an ta, an nupang, nâivong laihai kha kaithêr ni an ti.

HOSEA 3:4

Israel, irchihai kha nikho tamtak inlaltak le milian le lungphun ser le ochai songkol mani, millimhai mani nei loiin an iom hrang a ni.

HOSEA 7:8

Efraima lak kha, nam danghai laia ar zêl saa, Efraima kha bai irlet loi a ni.

LEVI DÂN 26:30

Nin millim pathian biakna hmun irsânghai kha insiatpai ki ta, nin mirimhoi hâlna maichâmhai kha insiat ki ta, nin ruakhai chu nin millim biakhai chunga pai ki ta, ki hringna khan nangni khôkmâk a ti.

MIKA 5:13

Nangma ata ni millim siam chophai le ni lungphunhai kha inboipai ki ta; ni kut suak thil kha biak ta no chi ni.

ZEFANIA 1:5

In chung sîpa irvân tiang thilhai kuanga kûn ngaihai, Rengpa kuang khomâksâma Malkama sâla insam saa kûn ngaihai,

ZAKARIA 13:2

Kha tena chu keiin hi ram sûng ata hi millimhai irhming chu inboipai ta ki ta, tukhomin anni chu inhre mai ta no nihai. Deipua irtipu kai chu sâtthâkhai ki ta, millim biak nuamnahai chu lapai pehai ta ki ti.

MATHAIA 6:24

“Tûte’n hruaitu inhni sin irkop thei no nihai, inkhat hnôlin, inkhat indit an ta; aninole inkhat irngaiinnat an ta, inkhat hmusit an ti. Pathian sin le sum sin irkop thei no chin ni.

LUKA 16:13

Siahlo tukhomin hruaitu inhni sin tho irkop thei ni no ni, inkhat hnôl ni a ta, inkhat pom ni a ta, a ninole inkhat kha irngaiinnat a ta, inkhat hmusit a ti. Pathian Sin le sum sin tho irkop thei no chin ni,” a tia.

JAKOBA toc2 JAKOBA 4:4

Iamna boihaio! Rammual rual irchangpui hi Pathian râl nina a nih ti nin inhriat no ma ni? Rammual rual ni hi a nuam murdi’n chu Pathian râla a irsiam a ni.

1 JOHANA 2:15

Rammual hi lungthung no unglân, rammuala thil omhai khom lungthung sa no roi, Tukhomin rammual hi lung a thungin chu, Pa lungthungna a inei loi a ni.

1 SAMUELA 5:4

Zîng nôka zînga an thoiin chu Rengpa Thuthung Bôm kôla khan Dagon millim kha a khubtakin a len rîl nôka. Hi zoro hin chu Dagon lu le a bân khampaiin kotbâi kôla khan a lei om raka; a takpum vai kha a lei om rak tâka.