HOSEA 1:4 - PATHIAN LEKHABU IRTHIANG C.L. Bible (BSI)

⁴ Khan, Rengpa khan a kuang, “A’rhmingin ‘Jezreela’ phua ro; ir-ial loiin Jezreel thisen phuba kha Jehua sûngkuahai chunga la ki ta, Israel sûngkuahai ram kha inkingtir ki ti.

HOSEA 1:4 ပူးပေါင်းရင်းမြစ်များ

2 RÊNGHAI 10:1

Samari khuaa khan Ahaba nâipasal sômsari an oma. Samari khuaa a pahai leh hruaitu Ahaba nâi enkoltuhai kuanga Jehua’n lekha a thona hiang hin a’rziak.

2 RÊNGHAI 10:17

An va tungin chu, Ahaba urêng murdi chu inkhat lua hôi loiin a thathai vinga. Elija kuanga Rengpa ihril kha a itung a ni ta.

2 RÊNGHAI 15:29

Pekahia inlal zoro hin Assuria rêng Tiglat Pilesera hin Ijon khua, Abela Bethmaka, Janoa, Kades le Hazor khua hai lâkin, Gilead ram, Galili ram le Naftalia ramhai a lâk saa, mipuihai chu Suria rama a thonhaia.

2 RÊNGHAI 15:8

Uzia chu Judai rama kum sômthum kum riat an lal kumin, Jeroboama nâipa Zekaria chu Israel rêng a hong nia, Samari khuaa tha ruk an lala.

ISAIA 7:14

Rengpa ngêtin irsinsiana nang irhmutir a ti: Irngai ro, dôngmate’n nâi vong a ta, nâipasal nei a ta, a’rhming hrangin ‘Immanuel’ phua a ti.

ISAIA 8:3

Khan, deipunu kuang ki fea, khanchu, nâi a vonga, nâipasal a neia, Rengpa’n a’rhming hrangin, “Maher-salal-khas-Baza” ti roh.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

JEREMIA 20:3

Pasura khan zînga chu, thîrhrui ata a nin sua’n chu a kuang, “Rengpa nir hming chu Pasura ti ta no nihai, ‘Hmun tina ichiom’ nang a iti tâk a ni.

JEREMIA 23:2

Hi hi Rengpa Israelhai Pathianin a mihai a ienkol hranga hruaituhai chungthua a iti chu a ni: “Ki mihai enkol mak chea, irthekindarin nin irzûlpaihai a ni. Nin thil sual thôna sikin, atûn hin dûk nangni tho ki ti.

JEREMIA 3:8

Kha Juda khom khan notizuar a chang tâk sika khan Israel kha ki mâka, ki irzûl dân kha a hmua. Khan, Israel zuarpuinu iamom loi Juda khan ki zui ngai chu ti maka. Ama kha notizuarin ar siama,

EZEKIELA 23:10

Ama chu bomboiin an siaa, a nâipasalhai le nâinupanghai an sutpaia; kha hnung chu khandai leh an thata. Nupanghaiin hmun tina a thurchi an hril vêl tâka.

EZEKIELA 23:31

Ni unu lampuihai ni hro sikin, hremna khilât ir-ang mai kha nang pe ki ti,” a tia.

HOSEA 1:6

Khan, nâi a vong nôka, nâinupang a neia. Khan, Rengpa khan a kuang, A’rhminga Lo-ruhamai phua ro: Israel sûngkuahai kha inrenhai ngai ta no ning, ki ingaidamhai ta loi hrang a ni.

HOSEA 1:9

Khan, Rengpa khan hiang hin a tia, “A’rhminga Lo-ammia phua ro: nangni hi ki mihai ni mak chêia, khan, kei nin Pathian ni no ning.

HOSEA 2:13

Mirimhoi a hâl pe ngai Baal nikhuahai kha a chunga thuan ki ti, kha lai khan a bômzoihai le a irvônahai ar bela, ar ditpuihai a pana, keima a ni irnghil a nih ti hi Rengpa thu suak a ni.

HOSEA 2:22

Khan, irnêng khan bu mani, uain mani, hriak mani chongpui an ta; khan, anni khan Jezreel chongpui an ti.

HOSEA 9:17

Ki Pathian khan anni kha pai irhmang a ti, ama an uksak no sikin. Khanchu, nam danghai laia chaninvâiin om an ti.

AMOSA 9:8

Rengpa thu suak khan, ‘Irngai u ta, Rengpa Pathian mit kha hi Israel ram sualhai chunga hin a chum tâka, irnêng chung ata ki inboipaihai ving hrang a ni. Aniachu, Jakoba insûng mihai kha inboipaihai zit no ning,’ a tia.

MATHAIA 1:21

Nâipasal nei a ta, ar hming Jisua phua ni ti, Ama khan a mihai kha an sualhai ata a isaninhring hrang a ni,” a tia.

LUKA 1:13

Khannisianlân, vântîrtônin chu, “Zakaria, chi no roh, ni chongchaina kha inhriat a ni, ni dôngma Elizabeti’n nâipasal nang nei pe a ti, ar hming Johana phua ni ti.

LUKA 1:31

Inrâi ni ta, nâipasal nei ni ta, ar hming Jisua phua ni ti.

LUKA 1:63

Zakaria’n, irziakna hrang lekha phêk a zonga, a’rhming chu Johana a nih tiin a’rziaka, a sân an irngai ar khêl tâka.

JOHANA 1:42

Khan, Jisua kuang a hong hruaia. Jisua’n ama a lei ena, “Johana nâipa, Simona ni ni, Kifa nang ti ta an ti”. (Kifa chu Petera ti le hmunkhat, a omzia chu lungpui tihna a ni.)

JOSUA 19:18

Hihai hi an ram sûnga ihuam chu a ni: Jezreel, Kesulot, Sunem;