HLAHAI HLA 5:2 - PATHIAN LEKHABU IRTHIANG C.L. Bible (BSI)

² Ki zâl lai khomin, ki milung chu a harkanga, Ki lungthung tak khan a hong intôk e! Ni hon hong pe ro, ki irngaiinnat ki lungthung, ki vasu sêlna boi, Ki lu irdo’n an duia, ki samhai chu zân irzilin a’rdap zoi ta, tiin.

HLAHAI HLA 5:2 ပူးပေါင်းရင်းမြစ်များ

IRPHUTNA 29:20

Khanchu Jakoba chu Rakili neiin kum sari samâk a chang tâka; a indit tak a ni sikin zoro sôtnote angin a bê tâka.

INPÂKNA HLAHAI 119:1

A hringnuna mi sa irkiphai chu an vân a sa, Rengpa dân zômtuhai chu.

INPÂKNA HLAHAI 81:10

Kei, Rengpa nin Pathian kha ki ni, Aigupta ram ata nangni hruai kâitu kha: Nin bâi âng irzat unglân, nangni insip pe hrang a ni.

THUVÂRHAI 23:26

Ki nâipa, ni lungrîl ni pe’n lân, ki hringnun hi ni enton ni ri se.

HLAHAI HLA 1:16

O, ki irngâitak, ni hmêl sa lam dân hi chu o! A sân ki râi nin fântir, ei zâlhmun chu durba hring ang ni a ti.

HLAHAI HLA 2:10

Ki indit takin hiang hin a tia. Hong roh ki indittak ki lungthung, ki kuang hong roh.

HLAHAI HLA 2:14

Nang chu lungpui kâra vasu irbîk ni anga, ni hmêl inditom tak ni’rhmutirin lân, ni hnuk hoitak nin hretir ta roh.

HLAHAI HLA 2:8

Ki lungdi hla inhnina irhâi ki inhriata, keima tianga hongin, mualpui lianpahai khom paltanin a ni hong pana.

HLAHAI HLA 3:1

Zân sôt ki zâlhmun chunga, ki lunginkham tak chu ki zonga, a ni ki zong ngota, Khannisianlân hmu ma unga.

HLAHAI HLA 4:7

Ki lungdi ni savinga, ite zel hi demna hrang zel om mak che.

HLAHAI HLA 4:9

O lungdi le ki rualnu, ni mitsîr leh ni ni ikâp le ni hner chokhai khan ki lungrîl chu ni lâkpai ving ta.

HLAHAI HLA 5:11

A lu chu rângachak irthiangtak ang a nia, a sam khom vaâk anga duk zon zon a ni.

HLAHAI HLA 5:6

Khanchu ki lungdi ta hrangin, inkhâr chu kin hong pea; Khannisianlân a lei fe tâka; O, a’rhâi ki irngai nuam lam dân chu o! Ama ki zonga, hmu ta ma unga, Khanchu kin sama, khannisianlân ite ni don ta maka.

HLAHAI HLA 6:9

Khannisianlân inkhat vai ki lunginkhama, ama chu vasute ang dôra sa a ni, nupang murdi’n ama chu an inpâk ngaia, Rêngnuhai le lâksîrnuhai khomin, ama chu an inpâk ngai.

HLAHAI HLA 7:9

Ni bâi chu uain satak ang a ni. Khaang kha a lei nia ni’n chu, Uain kha ki lungdi kuang luang sianlân, a hmûr le a kehaia va luang pe ri se.

HLAHAI HLA 8:7

Tui tamtakin lungkhamna chu inboi thei no nia, tuilian khomin tânpai thei no ni; Mi’n a irchon murdi leh lungkhamna chu irchôk a tumin chu, hmâimôkna ti no chu ite a dang hmu no ni.

ISAIA 50:6

Vîk hrangin ki hnung zâng ki doa, ki hnerkamulhai khom an phôia, an nin chilthuana; khannisian inzakin ki hmâi thup ma ung.

ISAIA 52:14

Ama an hmu tena chu mi tamtakhaiin, ar khêl ti tak tak an ti. A hmêl an insîr insiat tak taka, mihriam hmêl lua irput mah.

DANIELA 8:18

A ni chongpui lai hin ki lei izâl pial a nia, a ni hon thema, a nin ngîrtira.

ZAKARIA 4:1

Khan, vântirtôn ni chongpuitu kha a hong nôka, mi inmusu kaithoi angin a ni hong kaiinhara.

MATHAIA 7:8

A nghi murdi’n an hmu ngai, a zong murdi’n an hmu ngai; tukhom an tôk chu inhong pe ni a ti.

MATHAIA 8:17

Deipu Isaia’n, “Ama’n chu ei hrât loinahai a lâka, ei natna a pêl ta,” tia insîr kha a hong tung indik theina hrangin kha kha a itho a ni.

MARKA 1:35

Khan zînga khua a la vâr mân a thoia a suaka, hmun fianriala, a va chongchaia.

LUKA 22:44

A zâm a’rzal tak taka, a’rthân kha thisen zung lian tak angin a zunga.

LUKA 6:12

Kha zoroa khan Jisua chongchai hrangin tânga a fea, zân khovârin Pathian kuang a chongchaia.

LUKA 9:32

Petera le a rualhai chu an lei ina, an hong harin chu Jisua roiinpuina le a kuanga mi inhni ngîr an hmua.

JOHANA 10:4

A ta murdi an suaktir zoiin chu an maton a hruaia, belrahai khan ama an zui ngai, a hnukirhai an inhriat sikin.

GALATIA 2:20

Keima hringna pangaia hring ni ta ma unga, keimaa hin Krista kha a hring tâk a ni. Atûna taksaa ki ihring hi, a ni lungthungtu ki ta hranga hringna pêktu, Pathian Nâipa iama hring ki ni.

EFESI 5:14

Khasikin Pathian thua khom: “Nang inmusu, harin lân, Mithi lai ata thoi roh, Krista khan nang êl invâr a ti,” ti a ni kha.

THUPHUANG 14:4

Kha mihai kha nupang leh porincheloi, a’rthiangliai an ni. Belrate fena tina an zui ngai. Pathian le Belrate kuang inhlan masa tak ni hranga rammuala mi murdihai laia irthoka irtan an ni.

THUPHUANG 3:20

Irngai ta! mikota ngîrin ki intôk hi, tukhomin ki’rhâi an hriata; mikot an hongin chu, a ina lûtin a kuang bu nêk ki ta, ama khomin ki kuang nêk a ti.

THUPHUANG 3:4

Khannisianlân, Sardis-ah khan an puanhai innimloi, mi tômte nin om. Anni kha puan chek silin ki kuang om ngai an ti, khaanga tho inruk an ni ngai sikin.