HLAHAI HLA 4:9 - PATHIAN LEKHABU IRTHIANG C.L. Bible (BSI)

⁹ O lungdi le ki rualnu, ni mitsîr leh ni ni ikâp le ni hner chokhai khan ki lungrîl chu ni lâkpai ving ta.

HLAHAI HLA 4:9 ပူးပေါင်းရင်းမြစ်များ

IRPHUTNA 20:12

Khakhêla, ka pa tianga ki farnu khom a ni. Ka pa farnu nâi a nia, dôngma’n ki inei a ni ta:

IRPHUTNA 41:42

Khanchu Faroa kuta kutsabi kha lâkin Josefa a’rbuntira, puanirphân tukrivo pêkin a’rbeltira, a ringa rângachak irthei a’rhlitir ta.

INPÂKNA HLAHAI 45:9

Ni nupang sahai laia khan rêng nâinuhai an kop saa; Ni chang tiang chu Ofir rângachaka irvo’n rêngnu chu a ngîra.

THUVÂRHAI 1:9

An irchûtirna khan ni lua hrangin lukhum roiinpui tak le ringa irthei enhoi tak angin ni nunchan inlang a ti.

THUVÂRHAI 6:25

An satnahai chu irzuk no’n lân; an mit meng ir-âi khan nang in-ôktir no ri se.

HLAHAI HLA 1:10

Ni bianga sam kâia khan en an hoitira, ni ringa lunghlu irtheihai leh khan.

HLAHAI HLA 1:15

O, lungdi ni hmêl sa lam dân hi chu o! Ni mit khom vasu mit ang a nia;

HLAHAI HLA 3:11

O, nangni Zion nâinuhai, hong unglân, Rêng Solomona hi hong en roi, ama chu dôngma a nei nî, a lôm nia le a raifân nia, a nu’n rênglukhum a inkhumtir kha a khuma.

HLAHAI HLA 4:10

O ki lungdi le ki rualnu, ni lungkhamna khan ki râi nin fântira, ni lungkhamna chu uain nêkin a thum uala, mirim dang tin nêkin a hoitak chu a ni.

HLAHAI HLA 4:12

O ki lungdi le ki rualnu, nang chu irhuan sûnga irkhum ang ni nia, Irhuan sûnga tuihnâr le irhuan sûnga tuirîlpût suak ang chu ni ni.

HLAHAI HLA 6:12

Khanchu ki’rtûng no lai takin, Ki’rtha’n ki rêng tâlia khan a nin toitir tâka.

HLAHAI HLA 6:5

Ni mithai leh khan ni en no ro, Suak anga omin a ni’rhmutir ngai sikin, ni samhai chu Gilead tâng panga kêl rual chum angin an chânga.

HLAHAI HLA 7:10

Ki lungdi chu ki ta a nia, keima hi a irngai tak chu ki ni.

ISAIA 54:5

Nang a siamtu chu ni pasal ni a ta, A’rhming chu itinrêng Rengpa a ni. Israelhai irtantu, mi irthiang, irnêng pumpui Pathian iti a ni.

ISAIA 62:5

Dôngmate irthiang ruathar inlâr takin a ilua ang hin, a siamtu khan nang pom a ti. Moineitu’n a moi a ilôm ang hin, ni Pathianin nang lôm a ti.

EZEKIELA 16:11

Irvôna thilin nang ki’rvôtira, ni kuta bânhrial hai, ni hroka rângachak zîngziri irthei hai,

EZEKIELA 16:8

Khan, ni kuanga ki honga nang ki ena, irngai ta, inditom ni ni tâka, ki puan ki lâka, ni korongboi chu ki’rkhû tâka: khanchu ni kuang irkhâmna ki siama, thuthunga ki lûtpui tâka, ki ta tak ni ni tâka, ti hi Rengpa pathian thusuak a ni.

DANIELA 5:7

Rêng chu Mitvai dôithei Kaldai mi tasân theihai hruai hrangin a khêka. Rêng khan Babulon mi vârhai kuang; “Mi tukhom hi irziak hi tepa a hrilfiana ni hril thei chu puan senduk insiltir ni a ti, a ringa rângachak zîngziri inhlitir ni a ta, a ram sûnga roirêltu inthumhai laia thuneitu tak ni a ti,” tiin a hrila.

ZEFANIA 3:17

RENGPA ni Pathian kha ni chunga a om e, Saninhringtu hrang mi hrât tak kha: Lômin ni chunga raiinfân a ta, a lungthungna inthartir a ta, hla sakin ni chunga lôm a ti.

MATHAIA 12:50

Tukhom ka Pa irvâna mi nuamlam thotuhai hi ki urênghai, ki farnuhai, ka nuhai an ni,” a tia.

JOHANA 3:29

Moi pasal chu moineitu kha a ni, moi neitu rual, a thu hong uksak maitu khan moineitu irhai an hriatin a lôm ngai, khaang khan kei khom ki lôm ar kip tâk a ni.

1 KORINTH 9:5

Tirtôn danghai le Rengpa urênghai le Petera hai anga khan kin zinnaa Kristian dôngma hruai hrangin ircham ki inei loi ma ni?

2 KORINTH 11:2

Pathian hnarsâna angin kêng nang ki hnarsa; dôngmate irthiang ang nin nia, pasal ruathar inkhat, Krista ngei kha, nangni innei hranga ki lei inkung pehai nin ni.

THUPHUANG 21:2

Khabana, Khopui Irthiang, Jerusalem thar kha, moiin a pasal don hranga a irvô ngai ang khan irzoi diamin Pathian kuang irvân ata zuang chumin ki hmua.