HLAHAI HLA 3:11 - PATHIAN LEKHABU IRTHIANG C.L. Bible (BSI)

¹¹ O, nangni Zion nâinuhai, hong unglân, Rêng Solomona hi hong en roi, ama chu dôngma a nei nî, a lôm nia le a raifân nia, a nu’n rênglukhum a inkhumtir kha a khuma.

HLAHAI HLA 3:11 ပူးပေါင်းရင်းမြစ်များ

ISAIA 62:5

Dôngmate irthiang ruathar inlâr takin a ilua ang hin, a siamtu khan nang pom a ti. Moineitu’n a moi a ilôm ang hin, ni Pathianin nang lôm a ti.

JEREMIA 2:2

“Fe’n lân, Jerusalem mihai inhriat hrangin thu insîr roh. Dôngmate ni chang laia ni iamomzia, ei irnei zoia lung ni ni thungzia, chîmu ite song loina hmun ramchâra ni ni izui dânhai kha ki inhriat mai a ni.

THUPHUANG 1:7

En roi, ama kha sûm laia khin a izuang hrang a ni! Mi tinin hmu an ti, ama suntuhai ngei khomin hmu an ti. Irnêng chunga mi murdi’n ama kha châ an ti. Khaang tak khan la ni a ti! Amen.

HEBRAI toc2 HEBRAI 13:13

Tho, khasikin khopui pên tiang fe ei ta a mualinphoina lei irkoppui rei.

MATHAIA 12:42

Roirêl Nia chu Seba rêngnu kha ngîr a ta, atûnlai mihai leh hin thoi a ta, thiamno inchangtir a ti; rêng Solomona vârna irngaitua hrang luan kôlkung ata a honga; irngai u ta, Solomona nêka roiinpui ual hin a iom kêng!

ZEFANIA 3:17

RENGPA ni Pathian kha ni chunga a om e, Saninhringtu hrang mi hrât tak kha: Lômin ni chunga raiinfân a ta, a lungthungna inthartir a ta, hla sakin ni chunga lôm a ti.

INPÂKNA HLAHAI 9:14

Nangma inpâkna murdi chu kin hriattir theina hrangin; Zion nâinu mikothaia chu, Ni ni saninhringna hin râiinfân ki ti.

THUPHUANG 19:12

A mithai kha meichok angin a oma, rênglukhum tamtak a khuma. A chunga irziak irhming ama bana chu tûte’n a omzia an inhriat loi, a nei sa.

THUPHUANG 19:7

Râifân le lôm takin a roiinpuina chôiindôm ei ti! Belrate dôngma nei zoro a ni ta, a moi khom ar siam zoi ta.

HEBRAI toc2 HEBRAI 2:9

Khannisianlân, Jisua sôtnote hranga vântîrtônhai nêka irhnuai uala siam kha ei ihmu a ni, Pathian lungkhamna sika mi tin ta hranga thi hrangin. Thina a tuangna sika khan roiinpuina le chôiindômna inkhumin atûn hin ei ihmu tâk a ni.

KOLOSA 1:18

Ama kha Koiindang hi a takpum a ni sa; ama kha itinrêng bul a nia, itinrênga inchungtak a nina hrangin mithi laia thoinôkna mahruaitu a ni.

JOHANA 15:11

“Ki lômna hi nangnia a om mai theina hrang le nin lômna ar kip theina hrangin hi thu hi nin kuang ki insîr a ni.

JOHANA 3:29

Moi pasal chu moineitu kha a ni, moi neitu rual, a thu hong uksak maitu khan moineitu irhai an hriatin a lôm ngai, khaang khan kei khom ki lôm ar kip tâk a ni.

LUKA 15:32

Hi ni sangpa thi tâk hi, a ihong hring nôk ta a ni, ar hmang tâk kha ei ihmu nôk ta a ni hi te,’ raifân taka om hrang kêng ei ini,” a tia.

JEREMIA 32:41

Thil sa an ta hranga tho chu raifân om sinin nei ki ta, hi rama hin det mai hrangin indinghai ki ti.

ISAIA 53:11

A sinthôna ra a hmu tena chu, a tuangna chu man boi ni mah ti inhria a ti. Ki siahlo feltakin, mi tamtak saninzôkhai a ta, an sualnahai pêl pehai a ti.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

ISAIA 4:4

Rengpa irtha’n Zion mihai chungchâng rêl infelin an porchenahai infâi a ta, mei ikâng angin irtha khan Jerusalema thisenhai chu infâi a ti.

HLAHAI HLA 8:5

Ramchâr rengata lungdi irhnêlmata hong so tu mo a ini? Apple theikung hnuaia khan nang ki kai thoia, ni’rzirna hmun ngeia khan.

HLAHAI HLA 7:11

O ki lungdi, hongin lân, so rama son va fe ei ti, thingtâng khuahaia lei riak rei.

HLAHAI HLA 2:7

O, Jerusalem nâinuhai nangni ki ngên, Sarza le sazuktuaihai irhmingin chong inkung roi; kin irditna nin buai loi hrangin.

HLAHAI HLA 1:5

O, Jerusalem nâinuhai, ki duk nâkin ki hmêl chu a sa, ramchâra Kedara puan in le Solomona puanzârhai angin ki isa a ni.

INPÂKNA HLAHAI 48:11

Ni roirêlna sikin Juda nâinuhai chu raifân takin om ri sehai.

ZAKARIA 6:11

Khan sumtak le rângachak an thilpêkhai ata kha rênglukhum kha siamin lân, ochai uliantak Jehozadaka nâipa Josua inkhumtir roh.