HLAHAI HLA 2:4 - PATHIAN LEKHABU IRTHIANG C.L. Bible (BSI)

⁴ Khanchu a hruaithena hmuna a ni hruaia, Ki chunga lungkhamna puanzâr chu a târa.

HLAHAI HLA 2:4 ပူးပေါင်းရင်းမြစ်များ

ESTHERI 7:7

Reng chu a ninginmurin uain a in laiin a thoia, rêng irhuana khan a zu fea. Hamana chu rêngin hrem hrang a ni tih a lei inhriata, khasikin in sûnga khan a oma, rêngnu kuang a hringna inzôk hrangin a ngên a ni.

JOBA 1:10

Ama chu a in le, a inei murdi kil tina ni pêk sika ni ma mo? A kut sintho sat ni vura; a sâhai khom ram an ibit pe a ni ta.

INPÂKNA HLAHAI 20:5

Ni saninhringnaa khan raifânin zâi ei ta, Ei Pathian irhmingin ei puan zârhai hi la zâr ei ti. Rengpa khan ni zongna murdi kha hlo nang inchuktir pe ri se.

INPÂKNA HLAHAI 60:4

Nangma chituhai kuang chu puanzâr ni pêk tâka, Thutak sika zâr a ni theina hrangin.

INPÂKNA HLAHAI 84:10

Ni biak in hualsûng kholâia sûn khat om hi, sûn sângkhat nêkin a sa uala. Pualoina puan inhaia om nêkin chu, Kin Pathian ina mikot enkoltu ni khom ki nuam ual a ni.

HLAHAI HLA 1:1

Hlahai hla Solomona iphua chu.

HLAHAI HLA 1:4

Ni kuang ni hruaiin lân, rot zel ei ti; ki ta hrangin rêng nin lân, ni tentana ni hruai lût ro, Ei raiinfân suam ei ta, lungirthungna uain irhnik takin insuam ei ti, dôngmate murdi’n lung nang inkhamhai khom sian.

HLAHAI HLA 5:1

O ki lungdi le ki rualnu, ki’rhuan sûnga ki lûta, rimhoi le mura-hai chu ki’rkhôma; Ki uain tui le ki sehrât irhnutui chu ki ina. Rual lungthung takhaio! fa unglân, in unglân, lungkhamna nin inrui mâsenga chu.

HLAHAI HLA 6:4

O ki lungdi nang chu Jerusalem angin en ni hoia, Tirza khopui angin en hnông zât ni mak chea, sipai puanzâr le irvoa roiinpui takhai ang ni ni.

ISAIA 11:10

Kha ni tena khan chu Jesaia irchia rêng hong suak kha nam tinhai hranga irsinsiana ni a ta, a omna hong pan an ta, chôiindôm an ti.

THUPHUANG 3:20

Irngai ta! mikota ngîrin ki intôk hi, tukhomin ki’rhâi an hriata; mikot an hongin chu, a ina lûtin a kuang bu nêk ki ta, ama khomin ki kuang nêk a ti.