HLAHAI HLA 2:13 - PATHIAN LEKHABU IRTHIANG C.L. Bible (BSI)

¹³ Theipuihai khom a hong hmin irphut thiai tâka, phâivua chu grep pârvâng mirimin a sipa, Khasikin o, ki indit tak ki lungdi, hong roh ki kuang hong roh.

HLAHAI HLA 2:13 ပူးပေါင်းရင်းမြစ်များ

HLAHAI HLA 2:10

Ki indit takin hiang hin a tia. Hong roh ki indittak ki lungthung, ki kuang hong roh.

ISAIA 61:11

Irnênga chîmu a hong ikêi ang hin, Irhuana thil phun a hong incher ngai ang hin Rengpa kin Pathianin inhnêna intungtir a ta, Nam tinrêngin inpâk an ti.

2 KORINTH 5:20

Khasikin Krista hranga palai kin ni. Pathianin nangni a ngênna kha keinia a ibâng a ni. Krista irthûlin nangni kin ngên: Pathianin râl nin nina irthokin a rualhaiin nangni siam ri se.

LUKA 19:42

“O nang lua’n a vuan ten hin irtharngamna lampui hi inhre tan lân chu! khannisianlân, atûn chu ni hmu loi hrangin ar thup ta.

MATHAIA 24:32

“Khanchu, theipui kung om lam ata hi irchu hrang nin nei; a ôn a hong irnoia, a hna a hong incherin chu kholum a hong nâi tah ti nin inhriat ngai.

HAGAIA 2:19

A chi kha fasiara a la iom ma ni? Grep hruihai, theipui kunghai, dalim le oliv thinghai kha la ra mah; a vuan ata hi sat nangni vur ki ti.

HOSEA 14:6

A zarhai kha inbûk ngêt an ta, a satzia kha Oliv thing ang dên ni a ta, Lebanon tâng angin a mirim hoi a ti.

ISAIA 18:5

Grep pâr a hong chila, a ra tâka, khannisian a ra a hmin mâna chil angin Ethiopia mihai chu an râlhaiin soisakhai an ti.

HLAHAI HLA 7:8

Kha tûm thing kha luiin, a rahai irhmal ki nuama, keima ta hrangin chu ni’rhnuhai kha grep ra irbôr ang a nia, ni mirim khom apple thei mirimhai ang a ni.

HLAHAI HLA 6:11

Almond thing irhuana ki zu fea, Irhôra thing chiakhai en hrang le, grep rânghai mo an cher nôk ta ti leh, dalim kunghai pârvângin mo an fîm tah ti en hrangin.

HLAHAI HLA 1:15

O, lungdi ni hmêl sa lam dân hi chu o! Ni mit khom vasu mit ang a nia;

HLAHAI HLA 2:15

Sihalhai, sihal chînhai chelpaihai roh, ei grep irhuan pâr vâng lai tak hi an insiat mân hin.