HLAHAI HLA 1:13 - PATHIAN LEKHABU IRTHIANG C.L. Bible (BSI)

¹³ Ki lungdi chu ki rôpsuama a zâla, ama chu Mura mirimhoi tak ang a ni.

HLAHAI HLA 1:13 ပူးပေါင်းရင်းမြစ်များ

IRPHUTNA 43:11

An pa Israela’n an kuanga khan, “Khaang kha a ni tâkin chu, hiang hin tho ta roi, nin phurhaia khan hi rama neinun sa, thinghnâi, hloihai, khuaituihai, mirimhoi le Mura, theipui rahai ama lômna hrangin chôi unglân,

INPÂKNA HLAHAI 45:8

Ni silkai murdi chu mura mirimhai, aloe mirim hai thingzungthum mirimhai an nam veng vunga; Saihâhaia siam rêng inhaia perkhuang chi dang dang irhâi hong suakhai khan nang a inlômtir a ni hi.

HLAHAI HLA 2:7

O, Jerusalem nâinuhai nangni ki ngên, Sarza le sazuktuaihai irhmingin chong inkung roi; kin irditna nin buai loi hrangin.

HLAHAI HLA 3:5

O, Jerusalem nâinuhai, nangni ki ngên, Sazukpuihai le sakhihai irhmingin chonginkung roi, kin irditna hi nin buai loi hrangin.

HLAHAI HLA 3:6

Tu mo bepârthohai lai ata bero le mura lâka mirimhoi innam chot chota, ramchâr ata meikhu inding hlot hlota hong tâk so?

HLAHAI HLA 4:14

Spiknard le pâr mirimhoi dipar le thingzungthum thing mirimhoi tinrêng le; mura le Aloe rimhoi chi tinrênghai leh.

HLAHAI HLA 4:16

Tho’n lân, o hmâr tianga khorthi, nang sim tianga khorthi hong sa ro; Ki’rhuan hi hong sêmin lân, a mirimhoihai a vuang indarh ual theina hrangin. Ki lungdi chu hong sianlân, irhuana thei tinrêng rahai hi hong fa ri se.

HLAHAI HLA 4:6

Zîng khorthi dâi a hong thoa, zân inthim a hong vâr mâka chu, mura le bero tâng chunga om mai ki ti.

HLAHAI HLA 5:1

O ki lungdi le ki rualnu, ki’rhuan sûnga ki lûta, rimhoi le mura-hai chu ki’rkhôma; Ki uain tui le ki sehrât irhnutui chu ki ina. Rual lungthung takhaio! fa unglân, in unglân, lungkhamna nin inrui mâsenga chu.

HLAHAI HLA 5:13

A bianghai chu mirimhoi bil, rimhoi vuang ang a ni, a hnerhai chu lili pârhai mura tui leh indui ang chu a ni.

HLAHAI HLA 5:5

Khanchu, ki lungdi inhong pe hrangin ki thoia, ki kuthai chu mura tuiin a zunga, Inkhâr kalna chunghaia khan, ki kutpâr ata mura rimhoihai a zunga.

JOHANA 19:39

Nikodema, zâna a kuanga hongtu kha mura le aloe irpolsai, her sômthum dôr chôiin a honga.

EFESI 3:17

iamna sikin Krista chu nin milunga châm sianlân, lungthungnaa irzung kaiin phûm indet nin ini hrang a ni.