HEBRAI toc2 HEBRAI 2:9 - PATHIAN LEKHABU IRTHIANG C.L. Bible (BSI)

⁹ Khannisianlân, Jisua sôtnote hranga vântîrtônhai nêka irhnuai uala siam kha ei ihmu a ni, Pathian lungkhamna sika mi tin ta hranga thi hrangin. Thina a tuangna sika khan roiinpuina le chôiindômna inkhumin atûn hin ei ihmu tâk a ni.

HEBRAI toc2 HEBRAI 2:9 ပူးပေါင်းရင်းမြစ်များ

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.

1 JOHANA 2:2

Krista kha ei sual ngaidamna a ni, eini sual vai ni loiin rammuala mi murdi sual ngaidamna khom a ni.

ROM KHUAA MIHAI KUANGA TÎRTÔN PAULA LEKHATHON 5:18

Khanchu, mi inkhat sual sikin mi murdi thiamno inchangtir an nia, khaang dênin mi inkhat fel sikin mi murdi thiam changin an ihring thei tâk a ni.

TÎRTÔNHAI SINTHO 2:33

Pathian chang tiang chôiindôm a ni tâka, Pa kuang ata Irtha Irthiang inkung kha a donga, nin ihmu le nin inhriat hi a thilpêk a zuang ibuak chu a ni hi.

JOHANA 3:16

Pathianin rammual lung a thung tak taka, khanchu, a Nâipa khât neisun a pêka, ama iam tâk ka chu irhmang loia kumtuang hringna an neina hrangin.

2 KORINTH 5:15

Khan, a hringhai khan anni ta hrangin hring ta loia, an ta hrang sika thia thoinôktu ta hrang vaia an iam theina hrang takin a ni, mi murdi ta hrangin a ithi kha.

HEBRAI toc2 HEBRAI 10:5

Khasikin, Krista’n rammuala a zuang hrang laiin Pathian kuang, “Irbôlnahai le thilpêkhai nuam mak chea, Keima ta hrangin takpum ni ni irfûk pe ual tâk.

ROM KHUAA MIHAI KUANGA TÎRTÔN PAULA LEKHATHON 5:8

Aniachu Pathianin lung a ni ithungna an langna chu, mi sual ei ni lai ata Krista kha ei ta hrangin a zuang thi tâka!

JOHANA 1:29

A tûka chu Johana’n Jisua khan ama a hong ipan kha a hmua; “En u ta, Pathian Belrate, rammual sual pêl hrangtu so,” a tia.

JOHANA 12:32

Keima irnêng ata inkhâia ki omin chu, mi murdi keima tiang kaihruaihai zit ki ti,” a tia.

HEBRAI toc2 HEBRAI 7:25

Khasikin amaa Pathian kuanga honghai chu atûn le itiklai khomin a saninhring thei, anni ta hranga Pathian kuang ngên pe hrangin kumtuangin an hring mai sikin.

IRPHUTNA 3:15

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

1 PETERA toc2 1 PETERA 1:21

Ama zâra mithi lai ata kaithoitu le roiinpuina pêktu Pathian kha, nin iam tâka, khanchu Pathian kha nin iamna le sabeina nin irnghatna tak a hong ni ta.

HEBRAI toc2 HEBRAI 8:3

Ochai inlalhai ka chu thilpêk le irbôlna Pathian kuang inhlan hranga phun an nia, khasikin ei ochai Inlaltak khom hin inhlanrua mani chu a nei ngêt a inang a ni.

1 TIMOTHEA toc2 1 TIMOTHEA 2:6

Mi murdi irtanna hrangin ama kha ar pêka, saninhringna thu chu a zoro a iti taka a zuang inpuang ta.

2 KORINTH 5:21

Krista khan sual nei mah, Khannisian, ama leh irzoma Pathian felna kha ei dong sa theina hrangin Pathianin ei sual a indong a ni.

ROM KHUAA MIHAI KUANGA TÎRTÔN PAULA LEKHATHON 8:32

Ama Nâipa ngei khom hôi loia ei rênga hranga pêktu khan itinrêng manboiin a ni ipêk sa loi hrang ma ni?

GALATIA 4:4

A zoro tak a hong tungin chu Pathianin a Nâipa kha a zuang tîra.

TÎRTÔNHAI SINTHO 3:13

Abrahama, Isaka le Jakoba Pathian, ei irchibulhai Pathian khan a tîrtôn Jisua kha a ichôiindôm tâk a ni. Ama kha nin incheltira, Pilata’n insua a tum khomin nin sêl ngot kha a ni.

ISAIA 7:14

Rengpa ngêtin irsinsiana nang irhmutir a ti: Irngai ro, dôngmate’n nâi vong a ta, nâipasal nei a ta, a’rhming hrangin ‘Immanuel’ phua a ti.

ROM KHUAA MIHAI KUANGA TÎRTÔN PAULA LEKHATHON 8:3

Taksa hrât loina sika dânin a itho thei viat loi kha Pathianin a zuang tho tâka; mihriam taksa sual ang irputin a Nâipa ngêt kha, sual irbôlna’n Pathianin a zuang tîra; taksaa sual om chu thiamno an changtir tâka;

JOHANA 10:17

“Hi sika hin Pa’n lung a ni ithung a ni, la nôk hranga ki hringna ki pêk hrang sikin.

JOHANA 8:52

Judahaiin a kuang, “Atûn chu ramilhli ichel ni nih ti kin inhriat infel ta; Abrahama a thi tâka, deipuhai khom an thi tâka, nang lakin, ‘Tukhom ki thu zôm chu kumkhua’n thina irtem no ni,’ ni tia.

MATHAIA 16:28

Thudik nangni hril ki ti, hitaka ngîr senkhathai hi, Mihriam Nâipa, inlal taka a zuang an hmu mâka chu thina irtem loi hrang an om,” a tia.

THUPHUANG 19:12

A mithai kha meichok angin a oma, rênglukhum tamtak a khuma. A chunga irziak irhming ama bana chu tûte’n a omzia an inhriat loi, a nei sa.

HEBRAI toc2 HEBRAI 2:7

Ama chu vântîrtônhai nêka irhnuai ualin ni siama, Roiinpuina le chôiindômna nin khumtira,

LUKA 9:27

Dik takin nangni ki hril, hitaka ngîr senkhathai hi Pathian Ram an hmu mâka chu thiloi hrang an om,” a tia.

MARKA 9:1

Khan, ama ngêtin a irchutirhai kuang, “A dik takin nangni ki hril, nangni hitaka ngîr senkhathai hi chu Pathian Ram kha a sinthotheina leh a zuang tung an hmu mâka chu thi no nihai,” a tia.

MATHAIA 6:28

Silkai thua ithoa mo lung nin inkâng? Rama tûktin pâr irsôn lamhai hi ngaitua u ta, sin tho mahaia, pat kai mahai,

ISAIA 11:1

Thing phûrna bul a hong incher nôk ang hin, Jesaia irchi ata rêng thar hong suak a ti:

JOHANA 8:51

Thudik nangni ki hril, tukhom ki thu zômpu chu thi viat no ni,” a tia.

HEBRAI toc2 HEBRAI 1:9

Thudik nir ngai inhlua, thudikloi ni hnôl ngai. Khasikin Pathian, ni Pathian khan nang inthangin ni hmêlhai nêkin chôiirsâng raifânna nang a ipêk ual ok tâk a ni hi,” ti le.

HEBRAI toc2 HEBRAI 11:5

Iamna’n Enoka kha thina irtem loi hrangin Pathianin chung tiang a hruaia, tûte’n hmu ta mahai. Pathian Thubu’n, “Enoka kha chung tiang hruaiin a om mâka khan Pathian an lômtir ngai,” a tia.

HEBRAI toc2 HEBRAI 12:2

Jisua, ei iamna irphutna le mongna tiang kha en ngit ei ti. Ama khan a matona raifânna sika khan mualinphoina kha ngainêpin Krosa khan a tuanga, atûn chu Pathian rêngtoihmun chang tiang a hong toi ta.