HAGAIA 2:5 - PATHIAN LEKHABU IRTHIANG C.L. Bible (BSI)

⁵ Aigupta ram ata nin hong suak laia thu nangni ki inkungpui ang khan nin laia ki’rtha a la iom mai a ni, chi no roi.

HAGAIA 2:5 ပူးပေါင်းရင်းမြစ်များ

FESUAKNA 34:10

Rengpa’n Mosia kha hiang hin a ti pea, “Israel mihai le thuthung atûn hin kin isiam a ni. Rammual kho hmuna le tu nam chunga ki la itho ngai loi thil roiinpuihai an mit hmu ngeia tho ki ti. Thil irkhêl tak nin ta hrangin ki itho hrang a ni sikin, nin omna hmuna mi tinin keima Rengpa’n thil roiinpui tak ki itho thei lam hi hmu an ti.

NEHEMIA 9:20

Annihai irchutir hrangin irtha diktak ni pêkhaia, Mana hai le nin fâhaia, dangchârhai tui ni pêka.

ISAIA 41:13

Rengpa ni Pathian hin nang chel mai ki ta, “Chi no ro, nang san ki ti,” Keima’n ki iti a ni.

ZAKARIA 8:13

O Juda le Israel mihai, tiana khan chu ram dang mihaiin, ‘Israel le Juda chunga siatna a itung ang hi ni chunga khom tung ri se’ tiin khomâk an irsâm ngaia. Khannisian nang saninzôk ki ta, ram dang mihaiin, ‘Israel le Juda chunga satvurna a itung ang hi ni chunga khom tung ri se,’ tiin la hril an ti. Khasikin ngam takin omin lân, chi no ro,” a tia.

ZAKARIA 8:15

Khannisian atûn chu Jerusalem le Juda mihai chu satvur hrangin ki ngaitua tâka, khasikin chi viat no roi.

TÎRTÔNHAI SINTHO 27:24

‘Paula, chi no roh, Kaisara makunga ni ingîr hrang a ni. Irngai ta, irkuanga ni inzinpui murdi kha nangma sikin Pathianin a inzôk hrang a ni,’ a ni zuang tia.

ISAIA 41:10

Chi no ro, nang ompui mai ki ti, Ni charindong viat no ro, ni Pathian kêng ki ni, hrâtna nang pe ki tia, nang san ki ti. Ki kut chang tianga hrât tak leh hin nang chel ki ti.

THUPHUANG 1:17

Ama kha ki hmu le chu, a ke bula ithi ang dôrin kin rîla. Ama khan a kut chang tiang ki chunga irnghatin ki kuang, “Chi no roh! kei hi a maton tak le a hnungkhôn tak.

MATHAIA 28:5

Vântîrtôn khan nupanghai kuang, “Nangni chu chi no roi, Jisua an ihêmbetu kha nin izong a nih ti kin hriat.

ZAKARIA 4:6

Khataka khan ki kuang, “Hihai hi Jerubabela kuanga Rengpa thu kha a nia; hrâtna ni loiin, thiltho theina ni ual hliak loiin, ki’rtha’n kêng, tiin sipaihai Rengpa khan a ti e.

NEHEMIA 9:30

Khannisian kum tamtak anni chu ni donhaia, irtha tianga deipuhai hmangin nir chutirhaia; khannisian an mikuar sêt angin an oma; khasikin kha rama mihai kuta khan ni pêk ta.

2 THURCHI SUINA 20:17

Hi irdoinaa hin nin idoihai nang no ni, nin omna hranga khan lei inruanghai phot roi. Rengpa’n nangni inhnêtir a ti. Judai ram le Jerusalema mihaio, chi no roi, ngîkhai viat no roi, doi hrangin irthoksuak roi, Rengpa chu nangni tiang kop a ti,” a tia.

JOSUA 8:1

Rengpa’n Josua kuang, “Chi no unglân, beidong no roi; Israelhai laia irdoi thei mi hruai zitin lân, Ai khua doi hrangin fe roi. Ai khua rênghai, a mihai, a koppuihai le a ramhai chu ni kuta nang ki pêk tâk a ni.

FESUAKNA 34:8

Mosia chu inrang takin khûksadelin a kûna, chubai a mûka.

FESUAKNA 19:4

Aigupta chunga ki sinthohai le irmupuiin a tê a mitha chunga a ichôi ngai ang khan nangni ki chôia, ki kuanga nangni ki hruai intung lam nin hmua.

FESUAKNA 19:6

Khanchu ki tah hrangin ochai chu, nam irthiang ni nin ti; iti hril roh. Hi hi Israelhai laia ni insîr hrang chu a ni, a tia.

FESUAKNA 24:3

Mosia kha a zuang chuma, Rengpa thupêkhai le an ivong hrang dân a irêl murdi an hril vinga, mi tinin, “Rengpa’n a iti murdi chu tho kin ti,” tiin an tia.

FESUAKNA 24:8

Kha hnung chu Mosia khan thisen kha a lâka, mipuihai kha an thekhaia, “Thupêkhai nangni a pêk laia Rengpa’n Thuthung nangni le a isiam namindettu chu hi thisen hi a ni,” a tia.

JOSUA 1:9

Hâitakin irnak la roh ki iti kha inhriat mai ro, chi no’n lân, rot no ro; kei Rengpa hin ni fena tina nang ki ompui mai a ni,” a tia.

1 SAMUELA 12:20

Khan Samuela’n mipuihai kuang, “Chi no roi, hi thil saloi hi a tho chu nin lei tho tâka, khannisianlân Rengpa nin izui hi pêtsan ual no unglân, nin milung murdi’n Rengpa sin chu tho mai roi.