HAGAIA 2:2 - PATHIAN LEKHABU IRTHIANG C.L. Bible (BSI)

² Sealtiela nâipa, Judai ram optu Zerubabela kuang le Jehozadaka nâipa, ochai inlaltak Josua kuang le mi la omsunhai kuanga khan hiang hin insîr ro ba, a tia.

HAGAIA 2:2 ပူးပေါင်းရင်းမြစ်များ

EZRA 1:8

a isiahai kha Persia rêng Kura’n a enkoltu Mithredata kha an kêlsuatira, a tepa, Judahai hruaitu Sesbazara kuang a pêka.

EZRA 2:63

Ram optuin Urim le Thumim hmang hranga ochai a om mâka chu bu irthiang nêk an khapa.

EZRA 3:2

Khanchu Jozadaka nâipa Jesua le a sangpa ochai le Sealtiela nâipa Zerubabela le a urênghai an hong thoia, Pathian mi Mosia dâna chuang angin hâlirvôm thil irhlanna’n Israelhai Pathian maichâm an siama.

NEHEMIA 8:9

Khan ram optu Nehemia le ochai lekha irziat thei Ezra le mipui irchutirtu Levi haiin mipuihai laia khan, “A vuan hin Rengpa nin Pathian hrangin sûn irthiang a nia; nin milung indûk no unglân, chap khom chap no roi,” an tia. Dân thu kha an inhriatin chu mipuihai an chap chi chiana.

HAGAIA 1:1

Rêng Daria inlal kum hnina, a tha rukna, kha tha nikho masa taka khan, deipu Hagaia kuanga Rengpa thu kha, Sealtiela nâipa Judai ramoptu Zerubabela kuang le Jehozadaka nâipa ochai intaltak Josua kuang a zuang tunga, hiang hin a ti.

HAGAIA 1:12

Khanchu Sealtiela nâipa Zerubabela le Jehozadaka nâipa ochai inlal tak Josua le mi la omsun murdihai khan Rengpa an Pathian irhâi le Rengpa an Pathianin a itîr anga hong, deipu Hagaia thu kha an irngai tâka; mihai khan Rengpa kha an chi tâka.

HAGAIA 1:14

Khan, Rengpa khan Sealtiela nâipa, Judai ram optu Zerubabela lungrîl le Jehozadaka nâipa, Ochai inlaltak Josua lungrîl le mi la omsun murdihai lungrîl kha a kai har tâka; khanchu an honga, Sipaihai Rengpa an Pathian ina khan sin an tho tâka;