HAGAIA 1:6 - PATHIAN LEKHABU IRTHIANG C.L. Bible (BSI)

⁶ Tamtak nin songa, tômte nin inlût ngaia; nin fâka, khop ual mak chêi; nin ina, khop mak chêi; nin sila, lum ual hliak mak chêi; irhlo fâk khan zêp cheta tha hrang piala a ihlo a ni.

HAGAIA 1:6 ပူးပေါင်းရင်းမြစ်များ

2 SAMUELA 21:1

Khan Davida inlal lai khan kum thum châm a tâka. Khanchu Davida khan kha thua khan Rengpa a chongpuia, Rengpa khan, “Saula le a in mihaiin thisen an insuaa, Gibeon mihai an that sika a ni,” a tia.

1 RÊNGHAI 17:12

Meithâinu khan, “Rengpa ni Pathian hring irhmingin nang kin hril, bai chu nei ma ung, bêla baidi kut kângkhat le sahriak a chînte vai ki nei. ki nâipa leh kin fâk hrang sin siamna hrangin thingchâr ki’rfuanga, kha kin ineite kha kin fâk zoiin chu phîngchâmin la thi ta ro ung,” a tia.

NEHEMIA 5:2

“Keinihai hi kin nâihai le kin tama, fâk nêk khom kin neia,” an tia.

JOBA 20:22

A’rchongna a’rsâng lai takin, a dinghmun siat pe a ta, vânduainain a chunga chum a ti.

JOBA 20:28

Tuilianin a in tânpai pe a ta, Pathian ningmur ni tena a inei murdi hekpai pe ving a ti.

INPÂKNA HLAHAI 107:34

Ram satakhai chu a mi omhai sual sikin, ram inponin an changtira.

THUVÂRHAI 11:24

Mi tikhoi thil phalna’n ar chongtir sit sita; mi tiksia intikna chu inriangna a ni.

ISAIA 5:10

Grep irhuana a ra tîn sôm suakna hmuna, tîn hni vai a ra hmu ni ti, phur sôm suakna hmuna, phur khat vai ra suak a ti,” a ti.

JEREMIA 12:13

Ki mihai chu bu an inrîtin, hloisûl an irtika; an sinsôl bâk ngaia, khannisian ite an ra om ngai mah. Ki ningmur irkhêl tak sika khan, an chîmuhaiin ra an insua thei loi a ni,” a tia.

JEREMIA 14:4

Rua a tho no sikin irnêng a châr zoi tâka, loi thotuhai lungzîngin an hmâi en sa ta maka.

JEREMIA 44:18

Khan irvân rêngnu kuang irbôl le a ta hranga uain thilinhlan kin mâk nia irthokin, ite zel nei ta ma unga, kin mihai chu khandai le châmin an ithi a ni ta,” an tia.

HOSEA 4:10

Fâk an ta chu khop no nihai, notizuar uar an ta chu pung no nihai, Rengpa ngaisakna an nei no sikin.

HOSEA 8:7

phâivua an songa, phâivua saloi an i-ât hrang a ni: a kung inding nei maka, a’rzîk khan ra insua no ni; a ra insuak khom sianlân, mikhualhaiin fa zoi an ti.

LEVI DÂN 26:20

Môk sin sosôl ni nin ti, nin loia ât hrang om no nia, nin thei kunghai khom ra ual no ni.

LEVI DÂN 26:26

Nin fâk irvaina inpingtir ki ta, lungthu sôm hmanga fâk le nêk suang nuhai khan lungthu inkhat vai hmangin fâk le nêk suang ta an ti. Sem viviat a ta, an dongtum an fâk zoi hnung khom an phîng la châm dên a ti.

HAGAIA 1:10

Khasikin irvânin irdorfîm tâk hrang nangni a khappai pea, irnêngin a ra nangni a khappai pe sa a ni.

HAGAIA 1:5

Atûn chu sipaihai Rengpa khan hiang hin a ti: Nin lampuihai ngûk takin sût infel roi.

HAGAIA 1:7

Sipaihai Rengpa khan hiang hin a ti: Nin lampuihai kha ngûk takin sût roi.

HAGAIA 1:9

Hmu nghek nin sabeia, irngai u ta, tômte a lei ni; ina nin hong tunga, ki lei sêm irhmangpaia. Itho sika mo? ti hi Sipaihai Rengpa thu suak a ni. Nangni mâni in tiang pan senga nin intân lat ngaia, ki in kha chu a ram chian sika a ni.

HAGAIA 2:16

Kha zoro lai murdi khan bu khamphulu sômhni irting thei ômtak buk khômnaa mi a hongin sôm vai a kâia; uain sômna hmun bûr sôm ringa thâl suak tuma a hongin, sômhni vai a lei irting ngai.

HAGAIA 2:17

Nin itho suakna murdi chârna hai, irngêhai le irialin nangni ki hrema; khannisianlân, ki tiang hong irhei ual mak chêi, ti hi Rengpa thu suak a ni.

ZAKARIA 5:4

Khanchu sipaihai Rengpa’n, ‘Hi khosâlna hi tîrsuak ki ta, inruhai ina le khomâkirsâma minlak thotuhai ina lût a ta, khanchu an inhaia khan om maiin, inramhai chit a ti,’ a ti” a tia.

ZAKARIA 8:10

Kha nikhuahai khan chu mihriam ta hrangin irhlofâkna hrang hi om maka, sâ ta hrang khomin irhlofâkna hrang rêng rêng hi om mah; mi tin chu mâni tualbôm seng doiin kin omtirhaia.

MALAKIA 2:2

Ki’rhming roiinpuitirna hrang nin irngaitua noa, milunga nin vong no’n chu, nin chunga khuasâlna zuang intungtir ki ti, Sipaihai Rengpa’n a ti, nin satvurna donghai kha khuasâlna ki ti: A ni, nin laia milunga vong nin om no sikin khua nangni ki isâl chian tâk a ni.

DÂN INHNINA 28:17

Rengpa khan nin bêm le nin bu khêng nangni irletpai pe a ti.