8 A mongna taka chu urênghaio, a dik le mahripom murdi, a fel le irthiang murdi, inditom le a thanginsat murdi, satna a oma inpâk ruk a om photin chu, khahai kha ngaitua roi.
Rengpa hnung an zui theina hrangin a hnunga a nâihai le a in mihai, thil fel le roirêl indik hrangin kin kung tâk sikin, khanchu ama chungchânga hrila Rengpa’n Abrahama chunga a tung theina hrangin,” a tia.
Saula le Jonathana chu inditomin an sa vang na! An hring khomin, an thi khomin, irsen ngai mahai. Irmupuihai nêkin an hrât uala, kâmkeibakneihai nêkin an ihrât ual a ni.
Khan, an irchutir senkhathai le Heroda pâla mi senkhathai a kuang an tîra, kha mihai khan, “Irchutirtu, thutak nin sîr ngai ti kin inhriat tukhom uksak ual ngai mak chea, tukhom theibîk loiin mihriam ta hranga Pathian lungdo thutak kha nir chutir ngai.
Heroda’n Johana kha mi dik le mi’rthiang a nih ti an hriat sikin a chia, a inzôk ngai a ni. Johana thu’nsîr an hriat rikipin a sân a buai ngai khomin, a thu’nsîr irngai a nuam ngai a ni.
Jisua’n an kuang, “Mi mit hmu’n mi fel anga inlang mai mai nin ni; khannisian, Pathianin nin lung sûng an hriata. Mihriamhai irngaisâng hi Pathian mit hmu’n intirom a ni.
Jerusalema khan mi inkhat, ar hming Simeona a oma. Ama kha mi fel le sakhua mi tak a nia, Israelhai irtharngamtir hrangtu kha a thîr maia; a chunga Irtha Irthiang a om.
Khan, Judai rama Arimathai khuaa mi, ar hming Josefa a oma. Ama chu mi fel tak, mi mahripom tak, le Pathian Ram zuang tung hrang lei nghâk mi a nia. Roirêlpuhai laia mi ni sa khomsian, an roirêlna le an sintho kha sa tipuihai maka.
Tukhom mâni iphuachôpa thu insîrtu chu mâni roiinpuina a izong a ni. Khannisian a tîrtu roiinpuina zongtu chu iam a oma, amaa dik loina rêng rêng om mah.
Anni khan, “Pathian chi mi, Juda nam murdi’n an inpâk, sipai irza hruaitu fel tak Kornelia chu vântîrtôn irthiangin a chongpuia, ni thu’nsîr a’rngai theina hrangin, a ina nangma kha fial hrangin a hrila, keini hi a ni hong itîr a ni,” an tia.
Roirêltu chu thil sa thopu hrangin chu ichiom ma, thil sual thotu hrangin chu ichi a iom a ni. Roirêltu chi loia om mo ni nuam? Thil sa tho’n lân, inpâk hlo ni ti.
aniachu, sûngrîla Juda mi ni chu, Juda tak tak chu a nia, sertan tak tak khom kha milung tianga a nia, Lekha thu ringota ni loiin irtha tiang a ni ual. Khaang mi chu mihriamin chôiindôm nohai khomsian Pathianin chôiindôm a ti.
Khanchu Rengpa zuang nôk mâka chu a zoro loia tûte insîr insiat no roi. Rengpa zuang mâka chu, ama’n inthima thup irhmanghai chu ivâra hong inlang an ta, lungrîla tumna irthuphai khom inlang sa a ti. Khanchu, mi tinin mâni irphu tôka Pathian inpâk hlo seng an ti.
Ite thil nin tho’nsual loina hrangin Pathian kuang kin nghi ngai, hlo kin chuk tih inlangna hranga ni loiin, hlosam khom inlân, nangni’n thil dik nin tho theina hranga a ni ual.
Itiklai khomin a’rhoi tôk tak le dik takin thiltho ngai om tôk tak le dik takin thil tho ngai roi; khanchu, Rengpa nin Pathianin ram nangni a ipêk hi dam takin lua mai thei nin ti.
Pathian mit hmua sakho biak dân irthiang le sual kop loi chu hi hi a ni: fara le meithâihai an intak laia donsui le rammual porinche kop loia irvong insa hi a ni.
Chung tiang ata vârna zuang suak chu a maton taka a’rthianga, kha zoiin irngei a nuama, a milung ar uaia, changpui a hoia, lungkhamna le ra saiin a sipa, theibîkna le vârirletna nei ngai mah.
Atûn chu thutak nin zôm sikin nin lungrîl nin irthiangtira, urênghai lungirthung ta takin lung nin irthung tâka, nin lungrîl takin lung irthungirhlôm roi.
Jentailhai lai ata satakin lêng unglân, thil sual thoa nangni an bê khomin nin sintho sahai anni ngêtin hmu an ta, Pathianin nangni a zuang hro tika ama chôiindôm thei an ti.
Inditom takhaio, voihni lekha nangni ki hong ithon a ni ta. Nin inhriat sai tâk nangni ki hong inhriat nontir nôk; nangnia lungrîl irthiang kaiinhar hrangin voihni nangni ki hong ithon a ni.
Inditom takhaio, irtha narân hi iam no roi, irtha chu Pathian ata zuang suak a ni le ni loi fia bak ngai roi; deipu dol tamtak rammuala an hong suak tâk sikin.
Atûn hin, ki nâinu, chi no ro; ni izong ang lam takin ni chunga nang tho pe ki ti. Kin khuaa mi murdihaiin nupang fel tak ni nih ti nang an inhriat ving kêng.