FILIPI 3:3 - PATHIAN LEKHABU IRTHIANG C.L. Bible (BSI)

³ Eini Pathian Irtha zâra Pathian biak le Krista Jisua songa pên tiang thila irnghat loihai hi sertan dik tak ei ni ual a ni.

FILIPI 3:3 ပူးပေါင်းရင်းမြစ်များ

INPÂKNA HLAHAI 105:3

A’rhming irthiang kha song roi. Rengpa zongtuhai milung kha raiinfân ri se.

ISAIA 45:25

Keima Rengpa hin Jakoba irchihai chu saninhringhai ki ta, anni’n ni chôiindôm an ti.

JEREMIA 4:4

Nangni Judai rama mihai le Jerusalem mihai, keima nin Rengpa leh nin Thuthung kha vong indet roi, ki kuang inhlan roi. Nin inhlan no’n chu thil saloi nin ithohai sika khan ki ninginmur chu mei angin a ichok hrang a ni. Chok a ta, a that thei tûte om no nihai,” a tia.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

ROM KHUAA MIHAI KUANGA TÎRTÔN PAULA LEKHATHON 1:9

Ki chongchainahai khan nangni kin hriat mai ngai a ni, a dik taka a Nâipa Thurchi Sa insîrin ki lungrîl murdi’n a sin ki tho ngai, Pathian kha nin hriatpuitu a ni.

ROM KHUAA MIHAI KUANGA TÎRTÔN PAULA LEKHATHON 15:17

Krista Jisuaa khan Pathian sin ki tho hi a sân ki isong a ni.

ROM KHUAA MIHAI KUANGA TÎRTÔN PAULA LEKHATHON 7:6

Atûn hin chu, a ni khit ngaitu kha ei thisan tâka, dân ata ei irkiang ta: Dân thu irziak milui anga ni loiin Irtha dân tharin sin ei itho ual a ni.

ROM KHUAA MIHAI KUANGA TÎRTÔN PAULA LEKHATHON 8:15

Nin Irtha dong kha suak anga ichia nangni inomtir nôk hrang ni loiin nâia nangni siam hranga Irtha a ni ual; khasika khan, “Abba! ka Pa” tiin ei ikhêk suak ngai a ni.

ROM KHUAA MIHAI KUANGA TÎRTÔN PAULA LEKHATHON 8:39

irsângna’n mani, inthûkna’n mani, thil siam dang rêng rênghai khomin ei Rengpa Krista Jisuaa om Pathian lungthungna ata chu ni sen thei no ni, ti kin hriat infel a ni.

ROM KHUAA MIHAI KUANGA TÎRTÔN PAULA LEKHATHON 9:6

Pathian thu chu mâkana a ni ta tihna chu ni viat mah; Israel irchi murdi Israel mi ni zit mahai.

2 KORINTH 11:18

Khannisianlân, mi tamtak mihriam nitna song an om sikin, kei khom song ki ti.

GALATIA 5:25

Irthaa hringna ei ni tâkin chu Irtha ni ihruai ang dênin om ei ti.

GALATIA 6:16

Hi thu zômtu murdi chunga irngeina le za’rngaina om ri se, Pathian Israelhai chunga khom.

EFESI 6:18

Chongchai mai unglân, Pathian chu nin innang rikipin zong unglân, Irtha hruai ang takin, itiklai khom chongchai roi. Nin chongchainaa khan mi irthiang murdi hrangin mongloiin zong roi.

DÂN INHNINA 10:16

Khanchu, atûn hin chu Rengpa thu kha zôm unglân, nin tukul inlian ta no roi.

DÂN INHNINA 30:6

Rengpa nin Pathian khan nin irchihai leh thu zôm theina milung nangni pe a ta; khanchu, ama kha a sân lungthung nin ta, kha rama khan nin iom mai thei hrang a ni.

FILIPI 1:1

Paula le Timothea, Krista Jisua suakhaiin chu, Krista Jisua mi irthiang Filipi khuaa om murdi le Koiindang hruaituhai le sinthotuhai chubai kin mûk.

FILIPI 3:12

Ki hmu tâk irti ni ma unga, ki’rkip tâk irti khom ni ual ma ung, “Krista ni man nasan hi ki man rôi mo,” tiin irzûlin ki irzûl mai a ni.

FILIPI 3:14

Krista Jisua Pathian chung tianga koina lômman, hringna kha, hmu ngêt hrangin inkungna tiang ki pan ngut ngut a ni.

KOLOSA 2:11

Kristaa khan sertan nin ni tâk, mihriam kuta tan ni loiin, sual sinthotheina ata kêlsuana hrangin Kristaa sertan nin ni ta.

JUDA 1:20

Inditom takhaio, nangni’n chu iamna irthiang taka khan mâni irrual khak unglân; Irtha Irthianga chongchaiin,