FILIPI 3:20 - PATHIAN LEKHABU IRTHIANG C.L. Bible (BSI)

²⁰ Eini chu irvân khua le tuihai ei nia, irvân ata a ni saninhringtu Rengpa Jisua Krista zuang hrang kha nghâkhmo takin ei ithîr a ni.

FILIPI 3:20 ပူးပေါင်းရင်းမြစ်များ

INPÂKNA HLAHAI 16:11

Nangin hringna lampui kha nin hretir ni ta, ni makunga chu râifâna sip lêtin a oma; ni kut chang tiang chu kumkhuaa lômna hrang a om.

INPÂKNA HLAHAI 17:15

Keima’n chu felna neiin ni hmêl ki hmua: Nangma angna neia ki meng tika chu lunginchuk ta ki ti.

THUVÂRHAI 15:24

Mi vârhai chu hringna panna lampuia an fea; thina panna lampui chu an mâk ngai.

MATHAIA 19:21

Jisua’n a kuang, “Satirkipa om ni nuamin chu fe’n lân, ni inei murdi zuarin lân, kha sum kha inrianghai kuang pe roh, khanchu, irvâna irchon nei ni ti; kha hnung chu, hongin lân, ni hong zui roh,” a tia.

LUKA 12:21

Khan, Jisua’n, “Pathian tiang irchon buk loia, mâni ta hrang vaia irchon buk chu khaang khan nih an ti,” a tia.

LUKA 14:14

Khanchu, satvurna dong ni ti, nang thuanna hrang nei no nihaia; mi fialhai thoinôkna tika Pathianin nang thuan a ti,” a tia.

TÎRTÔNHAI SINTHO 1:11

Kha mihai khan, “Galili mihaio, ithoa mo irvân tiang enin nin ingîr mai? Hi Jisua nin kuang ata irvâna lâkpai hi irvâna a ikâi nin hmu ang takin zuang nôk a ti” an tia.

1 KORINTH 1:7

ei Rengpa Jisua Krista inlârna nin inghâk angin satvurna tinrêng hmu loiin om mak chêi.

1 KORINTH 15:48

Irnênga siamhai chu irnênga Siamtu ang kha an nia, irvâna mihai chu irvâna Mi ang kha la nih ei ti.

2 KORINTH 4:18

Thil hmu theihai chu thîr mak mea, thil hmu theiloihai chu ei ithîr ual a ni. Thil hmutheihai chu boi nôk zôi a ta, thil hmu theiloihai chu kumtuangin om a ti.

2 KORINTH 5:8

Ir-ial takin ei om, ki iti, taksaa om loia Rengpa kuanga om ei nuam ual a ni.

GALATIA 4:26

Chung tiang Jerusalem chu suak ni mahai, kha kha eini nu hi a ni.

EFESI 2:19

Khanchu, atûn hin mikhual le mi châm mai ni ta mak chêia, mi irthianghai leh khan tualkhat le Pathian in sûngkua nin ni sa tâk.

EFESI 2:6

Krista Jisua leh ei irzomna sika khan irvân Rama ama leh roirêl hrangin ama pâlin a ni kaithoi tâka.

FILIPI 1:10

Khanchu, thil sa ualhai kha inthang thei nin ta, Krista Nikhuaa khan irthiang le sêlnaboi lei ni nin ta,

FILIPI 1:27

Mi danghai leh nin om dânhai kha Krista Thurchi Sa leh irhme bak ri se, ki hong mo hong no mo irtha hmunkhata ngîrindetin, lungrîl hmunkhat irputin Thurchi Sa iamna kha nin thop irrual ti inhriat thei ki ti.

KOLOSA 1:5

Thurchi Sa thutak nin inhriat ata sabeina nin lei nei tâk sika a ni, kha sabeina kha nin ta hrangin irvâna sia insa a ni.

1 THESALONIKA 1:10

A Nâipa Jisua, mithi lai ata kaithoi, ningmurna zuang tung hrang ata ni sansuakpu kha, irvân ata zuang nghâka nin omhai an insîr sup sup a ni.

1 THESALONIKA 4:16

Rengpa ngei kha thupêk khêk irhai le, vântîrtôn roiinpui tak irhai le, Pathian bekul irhai le irvân ata zuang chum a ti, Kristaa thi tâkhai kha thoi masa an ti.

2 TIMOTHEA toc2 2 TIMOTHEA 4:8

atûn chu, thiamchangna, chôiindômna lukhum kha, dong hrang vai ki hmabâk a ni ta; kha kha roirêl dik, Rengpa khan, kha Nikhuaa khan ni pe a ta, keima vai ni loiin ama lungthunga, a zuang inlang nôk lei nghâkhai murdi kuang khom pe sa a ti.

TITA toc2 TITA 2:13

Ei Pathian roiinpui taka a zuang inlangna nikho lômom ei isabei hi hlo’nchuk zoro ei inghâk a ni.

HEBRAI toc2 HEBRAI 12:22

Nangni chu Zion Tâng, Pathian hring khopui, vân Jerusalem le Vântîrtôn sâng tamtakhai omna nin ingîr a ni.

HEBRAI toc2 HEBRAI 9:28

Khaang dênin Krista khom kha mi tamtakhai sual inboi hrangin voikhat irbôlna’n inhlan a ni tâka. Sualhai lapai hrang ni ta loiin ama lei nghâktuhai saninhringnaa hruai lût hrangin a izuang nôk hrang a ni.

THUPHUANG 1:7

En roi, ama kha sûm laia khin a izuang hrang a ni! Mi tinin hmu an ti, ama suntuhai ngei khomin hmu an ti. Irnêng chunga mi murdi’n ama kha châ an ti. Khaang tak khan la ni a ti! Amen.