FILIPI 3:19 - PATHIAN LEKHABU IRTHIANG C.L. Bible (BSI)

¹⁹ Khahai mongna hrang chu siatna a ni, fâk hrang hi Pathiana an bêa, an inzakpui hrang thilhai kha an song uala, rammual thil ringot an ingaitua a ni.

FILIPI 3:19 ပူးပေါင်းရင်းမြစ်များ

INPÂKNA HLAHAI 17:14

O Rengpa, ni kutin mihriamhai ata, Rammual mihriamhai ata hi saninzôk roh; Anni dongtum chu atûn hring sûnga an inei hi a nia, An phîng chu nir chon hrangin nin siptir pe ngaia, nâi le te lungchuk takin an neia, An sum hmang ban chu an nâitesenhai an thisan pe ngai.

INPÂKNA HLAHAI 52:1

O, mi hrât, ithoa mo thil tho’nsual ni isong? Pathian lungkhamna chu a iom mai a ni.

JEREMIA 44:17

Tho hranga kin iti kai chu tho hrang a ni. Irvân rêngnu kin pathiannu kuang irbôlna inhlan kin ta, uain thilinhlan a ta hrangin bunthuan kin ti, keini le kin irchibulhai kin rênghai le kin hruaituhaiin Judai ram khopuihai le Jerusalem kotsuahaia kin itho ngai ang khan. Kha laia khan bu nêk hrang kin nei hluka, vâng kin saka, ite buaina tong ngai ma ung.

EZEKIELA 13:19

Barli tômte le bai tiam hmu hranga thi loi hrang inthotir hrang le hring loi hrang inhringtir hrangin nin milak insîr hi mihaiin an iam sikin ki mihai laia ki’rhming nin porinchetir a ni.

EZEKIELA 34:3

Nangni’n chu irhnutui nin ina, samul silkaihai nin irbela, belra satakhai chu thatin nin fâk ngai, khannisian belrahai chu donsuihai ngai mak chêi.

HOSEA 4:7

An hong rikip le ki chunga an sual sit sit saa, an roiinpuina kha mualinphoinaa inchangtir ki ti.

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

MIKA 3:5

Pêk hrang neihai kuang, irtharngamna tia khêka, pêk hrang nei loihai irdoina om a ti, tia insîrtu deipuhai khan ki mihai an huanga, an chungchâng thu Rengpa’n hiang hin an sîr:

MALAKIA 1:12

Nangni rêk chu, Rengpa maichâm kha a porinche a ni, A thei ra a bu ngei kha hmusitom, nin itia khan a ni. A porinchetirtu nin ni.

MATHAIA 16:23

Khan, Jisua kha a’rheia, Petera kuang “Setan, rot roh; a ni khâltu ni ni; Pathian nuamlam ngaitua loiin mihriam nuamlamin ni ingaitua a ni hi,” a tia.

MATHAIA 25:41

“Kha zoia chu, a vei tianga mihai kuang khom khan, ‘Khosâl tonghaio, kumkhuaa mei, diabola le a siahlohai ta hranga lei siama khan ni rotsan roi.

LUKA 12:19

Khanchu, ki’rtha kuang, “Irtha, kum tamtak hrangin sum tamtak ni buk ta; irngamin lân, fa’n lân, inin lân lungthi takin om ro, irti ki ti,” a tia.

LUKA 16:19

“Mi irchongpa inkhat a oma, puan man tamhai silin a nitin a hoihôka lêngin a om ngai.

LUKA 18:4

Ama khan i dôr ten mani chu lei nuam maka, nakan tena chu a lungrîlin, “Pathian chi loiin mihriam uksak no khom inlân,

ROM KHUAA MIHAI KUANGA TÎRTÔN PAULA LEKHATHON 16:18

Khaang mihai khan ei Rengpa Krista sintho mahai, mâni phîngpui sintho chian an ni. An chong hmang thiam le chong hoiin mi’nmôlhai kha an huanghai ngai a ni.

ROM KHUAA MIHAI KUANGA TÎRTÔN PAULA LEKHATHON 6:21

Atûna nin inzakpui tak, thil nin lei itho ngai kha, nin inlâppui mo? Kha khan a mong taka chu thina an tunga.

1 KORINTH 3:3

Taksa mi nin la ni sikin. Nin laia irhnarsâna le ir-êngna a om kâr ka chu taksa mi, mihriam taka la om nin ni tihna mo ni ma?

1 KORINTH 5:2

Khan khomin nin la irsong thei mai? Irsong nêkin, kha mi kha nin lai ata nin inhnot theina hrangin chardongin nin isip ual hrang a ni.

1 KORINTH 5:6

Nin irpâk hi dik mah, chol tômte’n bai tang kha a pumpuiin a thoizit ngai ti nin inhriat mo ni ma?

2 KORINTH 11:12

Atûn hin sin tho mai ki ti, tirtôn danghai kha an irsong thei loina hrang le keini sintho lam ang takin sin an tho, an ti thei loina hrangin.

2 KORINTH 11:15

Khasikin a tirtônhai khomin felna tirtônhai anga inlang hranga an irsiam hi thilirkhêl ni mah. A hnungkhôna chu an sintho ang takin la hmu an ti.

GALATIA 6:13

Sertanhai khom hin Dân kha zôm irkip bîk ngai mahai. Nin taksaa irsinsiana om kha an irsongpui theina hrangin, ser nangni intantir an itum a ni.

FILIPI 2:21

Mi danghaiin chu Jisua Krista ta hrang ngaitua loiin mâni ta hrangin an zong ngai.

KOLOSA 3:2

Chung tiang thila nin lungrîl irnghat khak unglân, irnêng thila chu irnghat no roi.

2 THESALONIKA toc2 2 THESALONIKA 1:9

Kha mihai kha Rengpa makunga le a sinthotheina roiinpui taka irthokin kumkhua siatnaa khan pai ni an ti.

2 THESALONIKA toc2 2 THESALONIKA 2:12

Thutak iam loia fel loina lôm ualhai murdi’n thiamno an ichang zit hrang a ni.

2 THESALONIKA toc2 2 THESALONIKA 2:8

Kha zoro tika chu Dân insiatpa kha hong inlang a ta, khannisian ama kha Rengpa Jisua’n hong that a ta, a zuang nôkna roiinpui taka khan zuang irhmangtir a ti.

1 TIMOTHEA toc2 1 TIMOTHEA 6:5

Lungrîl siat tâk, thudik man phâk ta loi, sakhua hi irchongna hranga hmang tumhai an ni.

2 TIMOTHEA toc2 2 TIMOTHEA 3:4

Vârirlet hai, milung hrât hai, irngaiinhlu hai Pathian lungthung nêkin mâni lômna vai lungthung ualhai la suak an ti.

JAKOBA toc2 JAKOBA 4:16

Atûn hin chu lârirpâk takin nin irsora. Khaanga lârirpâk taka om kha sual a ni.

2 PETERA toc2 2 PETERA 2:1

Mipuihai laia deipu dol an iom ngai ang khan nangni laia khom irchutirna dikloi la hong om a ti; mi insiat thei irchutirna dikloi inrûkin la hong lûtpui an ta; Inlaltak anni irtantu kha, hnôlin mâni siatna inrang takin intungtir an ti.

2 PETERA toc2 2 PETERA 2:13

an sual man kha tuang an ti. Sûn sosôta a hoihôkna uar ngai an ni, nin laia mi intirom le mi porinche irphûm an nia, nin hruaithêna an hong kopa hin nangni an ihuang a ni.

2 PETERA toc2 2 PETERA 2:3

Sum an hmu theina hrangin huatirham takin an thu phuachôp khan bepârna hrangin nangni an hmanga; khannisianlân, tiana an chunga roirêl sai tâk chu om chian chian no ni, anni irhmangtirtu hrang kha a ihar chian tâk a ni.

JUDA 1:10

Hi mihai hin an inhriat thiamloi murdi an insîrinsiat ngaia; ngaituana neiloi ram sahaiin an isuakpui inhriatna an izui ang dênin anni khom hin an izuinaa khan a insiattirhai a ni.

JUDA 1:16

Kha mihai khan chiar le mi hrilsiat vai an hrâta, anni irzukna sual vai an irzûla, bâi nghal songin irpâkin an irsora, inlâpna irzûlin mi huang an hrât tak tak a ni.

JUDA 1:4

Mi senkhat Pathian nei loihai, inrûkin ei laia hong lût an oma, kha mihai khan ei Pathian lungkhamna kha hurna an inchangtira, ei Hruaitu le ei Rengpa neisun Jisua Krista khom pom mahai. Kha mihai khan thiamno an chang hrang dân chu tianlai ata Pathian Thubu’n a lei inpuang sai diam tâk a ni.

THUPHUANG 18:7

Roiinpui a irti le a hoihôkhai ang takin hremna le beidongna’n thuan roi. A lungrîlin, ‘Rengnu’n ki toia! Meithâi ni ma ung. Beidongna tong viat no ning!’ a iti kêng.

THUPHUANG 19:20

Sahrâng kha an chela, deipu dol, a mit hmua sinirkhêlhai sin ngaipu kha an chel saa. (Kha sinirkhêlhai sika khan sahrâng irsinsiana neihai le a’rlim chubai mûkhai kha a ihuang ngai a ni). Sahrâng le deipu dol kha an ruaiin an hring pumin kâta kâng mei laia khan an paithâk tâka.

THUPHUANG 21:8

Khannisianlân, mi thâidôphai, iamloihai, irdit saloi thohai, mi thathai, felloihai, dôi hmanghai, millim biakhai, milakhai murdi omna hrang hmun chu mei le kâta kâng dîl kha a ni; kha kha thi inhnina chu a ni,” a tia.

THUPHUANG 22:15

Khopui pên tiang chu uihai, dôi theihai, irdit saloihai, mi thathai, millim biakhai, chong le sinthoa milakhai kha om an ti.

1 SAMUELA 2:29

Itho sika mo ki omnaa inhlan hranga ki inkung, ki kuanga irbôlna le ki dongtum thilinhlan kha nin sirbea? keima nêkin ni nâipasalhai ni inhlu ual, nangni irvâi marna hrangin mo ki mi Israelhai irbôlnaa sahai nin ihmang hi?