FILIPI 3:13 - PATHIAN LEKHABU IRTHIANG C.L. Bible (BSI)

¹³ Urênghaio, hlochuk tâkin irbe ma unga, thil inkhat ki tho ngai, thil fe tâkhai kha irnghilin mân tiang thilhai kha ki thîr ual a ni.

FILIPI 3:13 ပူးပေါင်းရင်းမြစ်များ

LUKA 9:62

Jisua’n a kuang, “Tukhom âl kainaa kut irnghata, hnung tianga en chu Pathian Rama mi ni inruk ni mah,” a ti pea.

FILIPI 3:12

Ki hmu tâk irti ni ma unga, ki’rkip tâk irti khom ni ual ma ung, “Krista ni man nasan hi ki man rôi mo,” tiin irzûlin ki irzûl mai a ni.

INPÂKNA HLAHAI 27:4

Rengpa kuang thil inkhat ki ngêna, Kha vai kha zong ki ti, Rengpa satzia hmu hrang le, a biak ina thu irdon hrangin. Ki hring sûngin Rengpa ina ki om mai theina hrangin.

FILIPI 3:8

Kha vai kha ni mah, ki Rengpa Jisua Krista inhriat hi a sân a hlua, itinrêng hi inchânna ki bê tâka, Krista kha ki nei theina hrang le ama leh pumkhat kin ni theina hrangin, ama sikin itinrêng kin chân tâka.

HEBRAI toc2 HEBRAI 6:1

Tho, khasikin Krista thu bul insîr ta loiin, maton tiang fe’n puihling lam pan ta ei ti. Sin chanlamboi thina intung ngai ata irleta Pathian iam hrang lam hai,

FILIPI 2:12

Khanchu, ki indit takhaio, ki om laia ki thu nin izôm ang khan atûn ki om no khomin nin zôm nôk ual a inang a ni. Pathian chi le inthing pumin nin saninhringna irkiptir hrangin sin mai roi.

LUKA 10:42

Inkhat vai kêng a inang, Mari’n thil dik an thanga, ni isutpai hrang ni mah,” a tia.

2 PETERA toc2 2 PETERA 3:8

Inditom takhaio, hi hi irnghil no roi, Rengpa ta hrangin chu sûn khat hi kum sângkhat ang a nia, kum sângkhat khom hi sûn khat ang a ni.

2 KORINTH 5:16

Khasikin mihriam irkhî lamin tûte hril insiat ta no ni ung. Mihriam irkhî dânin Krista lei inhre ta khom unglân, tho ta ma ung.

INPÂKNA HLAHAI 45:10

O, ki nâinu, irngaiin lân, irngaitua’n lân, ni mikuar sung ro; Ni mihai le ni pa ina mihai chu irnghil ro;