FILIPI 2:17 - PATHIAN LEKHABU IRTHIANG C.L. Bible (BSI)

¹⁷ Nin iamna sin thôna le irbôlnaa khan inhlana om hrang ni khom inlân lôm ki ti, nangni khom nangni lômpui sa ki ti.

FILIPI 2:17 ပူးပေါင်းရင်းမြစ်များ

NAMBAR 28:6

Hi hi a ni, a nitina pum hâlirvôm thilinhlan chu, Sinai tânga khan fâk chi thilinhlanhai a lei om baka. Kha kha Rengpa ta hranga mirimhoi chu a ni.

NAMBAR 28:7

Khan uain thilinhlan hrangin uain khilât sei khat chu maichâma ni ibuak hrang a ni.

TÎRTÔNHAI SINTHO 20:24

Pathian lungkhamna Thurchi Sa insîr hrang sintum Rengpa Jisua Krista’n a ni ipêk zoina hrangin chu ki hringna khom hi ite’n bê ma ung.

TÎRTÔNHAI SINTHO 21:13

Paula khan, “Imo nin itina, nin chap nin chapa, bei nin ni indongtira nin dôptir nin itum mo? Rengpa Jisua irhming sika khan Jerusalema khan khit vai mo ki’rhuama, thi khom ki irhuam kêng,” a tia.

ROM KHUAA MIHAI KUANGA TÎRTÔN PAULA LEKHATHON 12:1

Khasikin urênghaio, Pathian lungkhamna sika hin irbôlna hring le irthiang le Pathian lôm inruk ni hrangin nin takpum kha inhlan hrangin nangni ki ngên a ni; khaang kha nin sintho hrang lam tak a ni.

ROM KHUAA MIHAI KUANGA TÎRTÔN PAULA LEKHATHON 15:16

Jentailhai chu Irtha Irthianga Pathian kuang, lôm inruka irbôlna hranga, inhlan hrangin Thurchi Sa hril hi ki ochai sin a ni.

2 KORINTH 12:15

Nangni changpuina hrangin ki inei murdi lôm takin hmang zoi ki ta, keima khom irhmang zoiin om ki ti. Lung nangni ki thung okna sika khan lung nin ni ithung bak loi hrang ma ni?

2 KORINTH 4:12

Kha omzia chu keinia thina’n sin a thoa, nangnia hringna’n sin a itho a ni.

2 KORINTH 6:10

Lungdûk irsak ni khom unglân, ki lôm mai; inriang kin ang, khannisian, mi tamtak kin irchong; ite neiloi kin ang, khan khoma thil tinrêng kin nei zit.

2 KORINTH 7:4

Nangni kin hriat infel oka, nangni ki song tak tak a ni. Kin buaina tinrêng khoma khan lungrîl hrâtna’n ki sip maia; râifânna’n ki isip lêt a ni.

FILIPI 1:20

Ki inuam tak le ki isabei ngit kha ite mualinphoi loia, hâitaka i zoroa khom, hi zoro ngêta khom hin, damin mo ithiin mo, ki taksa Krista chôiindôm hi a ni.

FILIPI 2:18

Khaang dênin, nangni khom lôm unglân, ni lômpui sa roi.

FILIPI 2:30

Nangnihaiin changpuina nin ni ipêk thei ban kha, ama’n ni pêk a tuma, a sân irnak song tak takin Krista sinthôna sika, a lei thipui vâng vâng a ni.

FILIPI 4:18

Nin thilpêk murdi ki lei donga, ki nei intam ta. Epafrodita kuta nin thil hong thonhai kha ki lei hmua, ki’rhniang tâk e. Kha kha mirimhoi thilinhlan, pominruk, Pathian nuamlam a ni.

KOLOSA 1:24

Nangni sika ki tuangna hin atûn hin ki râi a ifân a ni. A takpum, Koiindang ta hranga Krista tuang bakhai kha ki takpumin ki isunzom mai a ni.

1 THESALONIKA 2:8

Khaang dôra nangni kin irngaiinnat hi, lung nangni kin thung sikin. Pathian Thurchi Sa vai ni loiin kin hringna ten khom nangni kin ipêk ngam a ni.

2 TIMOTHEA toc2 2 TIMOTHEA 4:6

Kei chu inhlan hranga ti ki ni ta, rammual ata ki fe suak zoro a tung ta.

1 PETERA toc2 1 PETERA 2:5

Khanchu nangni khom lung hring ang hong niin irtha tianga in hrang angin bukkhôm roi. Kha khan Jisua Krista zâra Pathian pom inruk, irtha tiang irbôlna inhlan hrang, ochai irthiang hong ni nin ti.

1 JOHANA 3:16

Ama’n ei ta hrangin a hringna a ipêka hin, lungthungna kha ei inhriat ta. Eini khomin urênghai hrangin ei hringna hi ei ipêk hrang a ni.