FILIPI 2:16 - PATHIAN LEKHABU IRTHIANG C.L. Bible (BSI)

¹⁶ Khanchu, môk intân ni loia, môk sinsôl ni ual loiin, Krista Nikhuaa chu song hrang nei thei ki ti.

FILIPI 2:16 ပူးပေါင်းရင်းမြစ်များ

INPÂKNA HLAHAI 40:9

Inkhômna roiinpui tak kha felna thurchi sa ki tâng insampuia; O Rengpa, irngai ta, Ki bâi hi inhnar no ning ti nin hriat.

INPÂKNA HLAHAI 71:17

O Pathian, ki nâipangte ata nangin ni nir chutira; Atûn ten ni sintho irkhêlhai chu kin hriattir ngai.

ISAIA 49:4

Ki sinthôna chu maimang a changa, thil chanlamboiin irtha ki paia, thosuak ite nei ma ung ki irti a ni; khannisian ki chungthu hi Rengpa irêl hrang a ni, Ki sintho ang taka ni pêktu chu Pathian a ni.

MATHAIA 10:27

Inthima nangni ki ihril hi sûn khovâra insîr unglân, inrûka nin inhriat hi in chunga chuangin tânginsampui roi.

LUKA 12:8

“Nangni ki hril, mihai makunga ni thop ka chu Pathian vântîrtônhai makunga Mihriam Nâipa hin thop a ti.

JOHANA 6:63

Hringna pêktu chu Irtha a ni; taksa kha kâmnang ma. Nin kuanga thu ki insîrhai hi Irtha le hringna a ni.

JOHANA 6:68

Simon Petera’n a sâma, “Rengpa, tu kuang mo kin ife hrang? kumtuang hringna thu ni nei khate,

TÎRTÔNHAI SINTHO 13:26

Urênghai, Abrahama irchihai le nangni Pathian chi mi dang murdihaio, kha saninhringna thu kha ei rênga kuang a zuang itung ta a ni.

1 KORINTH 1:8

Ei Rengpa Jisua Krista Nikhuaa khan khom sêlna boia nin omna hrangin ama khan a mong dênin nangni indet a ti.

1 KORINTH 9:26

Khasikin thiltum neiin ki intân ngai a ni. Phâivua irchûmtu ang khan chu irchûm ma ung.

GALATIA 2:2

Pathianin a ni tîr sika fe ki ni. Hruaitu lian ualhai vai an bingin ki’rhmupuihaia, Jentailhai kuang Thurchi Sa tâng ki insampui hi anni inhriata kin sîr pehai nôka; zoro lei thenga ki sinthôna mo, atûn laia mo, mâkana sôl ki ni loina hrangin.

GALATIA 4:11

Nangni hrangin ki zoro chanlamboiin pai ki tih ti ichi a om a ni.

FILIPI 1:10

Khanchu, thil sa ualhai kha inthang thei nin ta, Krista Nikhuaa khan irthiang le sêlnaboi lei ni nin ta,

FILIPI 1:6

Nangnia hi thil sa insuaktu khan Krista Nikhuaa puihling dênin a tho mai ki iam ngit a ni.

1 THESALONIKA 2:19

Kin sabeina mani, ki raifânna mani, ei inhnêna chôiindômna rênglukhum isong hrang hi i ma ni? Ei Rengpa Jisua a zuang tika, a makunga chu nangni ngei hi nin ini loi hrang ma ni?

1 THESALONIKA 3:5

Iamnaa nin det mai le det mai loi inhre loia om kin thei ta no sikin, Timothea kha kin hong itîr a ni, inthêmtu’n inthêmpai hrangin kin sin sôlna chanlamboi a chang thei itinin tia kin hong itîr a ni.

HEBRAI toc2 HEBRAI 4:12

Pathian thu chu a hringa, sin a tho theia, i ang dôra khandai hriam ngaih tak nêk khomin a ngaih uala, hringna le irtha irbunnahai, ru’rbun le irtin hai dênin a sunkhoi chit theia, lungrîla ngaituana le tumnahai hi an hriat thei zôi zel ngai a ni.

1 PETERA toc2 1 PETERA 1:23

Chi siat thei ata ni loiin chi siat thei loi Pathian kumtuang thu hring ata suakinthar nin ni.

1 JOHANA 1:1

A phut ata om, kin mikuara kin inhriat tâk, kin mita kin ihmu, ngûk taka kin ien, kuta kin itôn, hringna Thu kha kin irziak a ni.

THUPHUANG 22:17

Khan, Irtha le moi khan, “Hong roh!” an tia. An hriat murdi’n, “Hong roh!” ti sa ngêt ri se. Tukhom a tuiinhrâl murdi chu hong roi; a nuam murdi’n hringna tui hi manboiin in ri se.