FILIPI 2:13 - PATHIAN LEKHABU IRTHIANG C.L. Bible (BSI)

¹³ Ama nuamlam tho tum hrang le tho thei hranga nangnia sintu kha Pathian a ni.

FILIPI 2:13 ပူးပေါင်းရင်းမြစ်များ

1 RÊNGHAI 8:58

A thu zôm theina hrangin ni ompui sianlân, khanchu an dit lam takin lêng thei kin ti, kin puhai kuanga a thupêkhai murdi kin zôm theina hrangin.

2 THURCHI SUINA 30:12

Judai rama khom Pathianin sin a thoa, rêng le a rualhai thu anga lungrual taka Pathian nuamlam tho an irzuk ok tâka.

EZRA 1:1

Persia rêng Kura inlal kum khatna deipu Jeremia hmanga a lei ihril tâk kha Rengpa’n an tungtir tâka. Ama thupêk, a ram pumpuihai inhriat hranga tep suak hrangin Rengpa’n Kura lungrîl an thor pea.

EZRA 1:5

Khasikin, Juda le Benjamina irchi, in sûnga a lu u ualhai, ochaihai, Levi hai, Jerusalema Rengpa in hong sin hranga Pathianin an lungrîla a inthorhai chu an hong sina.

EZRA 7:27

Jerusalema Rengpa in en inhoitir hrang rêng chu, hianga lungrîl invongtirtu le rêng le roirêltu rêng milian inlârtakhai kôla ki chunga lungkhamna insuatirtu Rengpa, kin pi le puhai Pathian chu inpâkin om ri se.

NEHEMIA 2:4

Khanchu rêng khan, “Imo ni izong?” a tia. Khanchu irvân Pathian kuang ki chongchai tâka.

JOBA 33:29

Pathianin hi thil murdihai hi, mihriamhai hrangin voihni, voithum an tuangtir ngai.

INPÂKNA HLAHAI 110:3

Ni râlhai ni doi ni sûn chu Ni mihai chu mâni irchamin hong irpe an ta; Zîng irdo angin ni vânglaihai chu ni tâng irthianga khan ni kuang hong an ti.

INPÂKNA HLAHAI 119:36

Huatirhamna lama ni loiin ni dân zômna tiang khan ki milung hi irlêktir roh.

INPÂKNA HLAHAI 141:4

Pualoina thilhai thil tho’nsual mihai thopui hranga khan, Ki lungrîl hi thil saloi tiang rêng rêng inpêttir no’n lân; An fâk tui takhai kha nin fatir no roh.

THUVÂRHAI 21:1

Reng lungrîl chu Rengpa’n a zêka; tui luangna iva korong a isiam angin a nuamna tiang tak an kôitir ngai.

ISAIA 26:12

Rengpa’n lungirngamna a ni pêka, kin sinthohai khom hi, nangma ni itho pe ving a ni,

JEREMIA 31:33

Kha ni tena Israel in sûngkuahai le ki thuthung hrang chu hi hi a ni. An lungrîla ki dân sia ki ta, an milunga irziak sa ki ti. Kei an Pathian ni ki ta, anni chu ki mihai ni an ti.

JEREMIA 32:38

Khanchu ki mihai ni an ta, keima an Pathian ni ki ti.

LUKA 12:32

Pôl tômtehaio, chi no roi, Ram nangni pêk hi nin pa nuamlam tak a ni.

LUKA 2:14

“Anchungtaka khin Pathian roiinpui takin om sianlân, Irnênga a lômhai kuang irngeina lêng ri se,” an tia.

JOHANA 3:27

Johana’n a sâma, “Pathianin a pêk no’n chu tukhomin ite dong thei mahai.

JOHANA 6:45

Deipuhaiin, ‘Mi murdi Pathianin irchutir a ti,’ tiin an irziak. Mi tin, Pa thu inhriata, a kuang ata irchu chu ki kuang an hong ngai.

JOHANA 6:65

Khasikin kêng nin kuang, “Pa’n fe theina nangni a pêk no’n chu tûte ki kuang hong thei mahai, ki iti kha,” a tia.

TÎRTÔNHAI SINTHO 11:21

Rengpa’n anni kha a changpuihaia, mi tam takin an iama, Rengpa tiang an irhei ta.

ROM KHUAA MIHAI KUANGA TÎRTÔN PAULA LEKHATHON 12:3

Pathian ni ipêk lungkhamna sika hin nin laia tukhom irngaiinhlu hrai loi hrangin nangni ki ingên a ni. Pathianin mi tin kuang iamna a ipêk ang takin, mâni irphu tôk lungrîl irput roi.

ROM KHUAA MIHAI KUANGA TÎRTÔN PAULA LEKHATHON 9:11

nâite suak mân a sia mo a sa mo an ti thei mân khan Pathianin a nuamlam angin inkhat kha a inthang a nih ti an lang:

ROM KHUAA MIHAI KUANGA TÎRTÔN PAULA LEKHATHON 9:16

Khasikin, mihriam nuam lama mâni sinthoa ni loiin, Pathian lungkhamnaa a irnghat ual a ni.

1 KORINTH 12:6

sinthotheina khom chi dang dang a oma, Pathian inkhat kuanga om a ni, mi tin kuang sinthotheina pe ngaitu kha.

1 KORINTH 15:10

Khannisianlân, Pathian lungkhamna sikin ki ini nih ki ni ta. A lungkhamna ni pêk hi a korong ni mak e, tirtôn danghai nêkin ki sin intam kêng, khannisianlân, keima isin ni mah, ki kuanga om Pathian lungkhamna isin a ni ual.

2 KORINTH 3:5

Keini ringotin chu chuk ma unga, keini itho anga insîr hrang ite om mah, kin ichukna chu Pathian ni ipêk a ni.

EFESI 1:11

Thil tinrêng hi Pathian lungdo le ti lam taka tho a ni; Khante, Pathianin a phuta a ti lam angin Kristaa a mihai ni hrangin a ni inthang tâk a ni.

EFESI 1:5

Ama nuamlam le a tum lam ang taka Jisua Krista zâra a nâi ni hrangin a ni lei inkung sa ta.

EFESI 1:9

Pathianin a lungdo irthup Krista zâra zoi a itum kha zoiin a nin hriattir ta.

EFESI 2:8

Lungkhamna sika iamnaa saninhring nin ni; nangni itho suak ni maka, Pathian thilpêk a ni.

2 THESALONIKA toc2 2 THESALONIKA 1:11

Hi sika hin Pathianin nangni a ikoina irphua nin om theina hrang le sat nin nuamna murdi le iamna sika nin sinthohai kha, a hrâtnaa nangni ar kiptir theina hrangin, mong loiin nangni kin chongchai pe ngai.

2 TIMOTHEA toc2 2 TIMOTHEA 1:9

Ei sintho sika ni loiin ama tum dân a ni ual sikin lungkhamna’n a ni saninhringa, irthiang taka hring hrangin a ni ikoi a ni. Krista Jisuaa khan irnêng irsiang mân daiha a lungkhamna kha a ni pêk tâka.

1 PETERA toc2 1 PETERA 1:3

Ei Rengpa Jisua Krista Pathian le Pa chu inpâkin om ri se. Jisua Krista kha mithi lai ata kaithoiin sabeina hring nei hrangin a za’rngaina roiinpui tak khan a nin hring nôk tâka.