FILIPI 1:6 - PATHIAN LEKHABU IRTHIANG C.L. Bible (BSI)

⁶ Nangnia hi thil sa insuaktu khan Krista Nikhuaa puihling dênin a tho mai ki iam ngit a ni.

FILIPI 1:6 ပူးပေါင်းရင်းမြစ်များ

INPÂKNA HLAHAI 138:8

Rengpa khan ki kuanga a chonginkung chu hlen a ta; Kumkhua’n om a ti. Nangma kut sinthohai hi hlo inchuk roh.

JOHANA 6:29

Jisua’n, “Pathian sin nin itho hrang chu hi hi a ni, a mi tîr hi iam roi,” a tia.

TÎRTÔNHAI SINTHO 11:18

Hi chong hi an inhriat le chu sêl ta mahaia, “Khaang khan a ni’n chu, Pathianin Jentailhai khom irleta, hring hranga zoro’nchum a ipêk a ni kha te,” tiin Pathian an inpâk ta.

TÎRTÔNHAI SINTHO 16:14

Khahai laia mi ar hming Ludi Thuatira kho mi puan senduk zuar ngai, Pathian chi mi nupang inkhatin kin chong an hriata, khanchu, Paula thu’nsîr kha zôm hrangin Rengpa’n a lungrîl an vâr pea.

1 KORINTH 1:8

Ei Rengpa Jisua Krista Nikhuaa khan khom sêlna boia nin omna hrangin ama khan a mong dênin nangni indet a ti.

2 KORINTH 1:15

Khahai murdi kha kin hriat infel, voi hni satvura nin om theina hrangin nangni hong hro bak ki tum.

2 KORINTH 2:3

Ki hong tika nin lômtir hranghaiin ki milung inna loina hrangin kha lekha kha nangni ki hong ithon a ni. Ki râi a fânin chu nangni khom nin râi a fân sa ngai tih kin hriat sikin.

2 KORINTH 7:16

Nangni ki’rnghat zit thei sikin ki lôm tak tak a ni.

2 KORINTH 9:4

Makedonia rama mihai ngânin kin pâla ni zuang zuiin, nin irsiam loi zuang hmu ta duaihai sian, nangni kin iiam lia le te, nangni vai ni loiin, keini hi mualinphoiin kin iom hrang kêng.

GALATIA 5:10

Rengpa inkhata om suam ei ni sikin lungrîl dang la’rput mak chêi, keima’n chu ki iam ngit a ni; nangni inbuaitir chu, tukhom ni sian, hrem la tong a ti.

EFESI 4:12

Khaang khan, Krista takpum sin inngîrna hrangin Pathian mihai murdi Kristian sinthônaa sin an tho theina hrangin, kha kha a itho a ni.

FILIPI 1:10

Khanchu, thil sa ualhai kha inthang thei nin ta, Krista Nikhuaa khan irthiang le sêlnaboi lei ni nin ta,

FILIPI 1:29

Krista sika ama nin iiam vai ni loiin, ama sika nin ituang sa hrang khomin phal nin ni.

FILIPI 2:12

Khanchu, ki indit takhaio, ki om laia ki thu nin izôm ang khan atûn ki om no khomin nin zôm nôk ual a inang a ni. Pathian chi le inthing pumin nin saninhringna irkiptir hrangin sin mai roi.

FILIPI 2:13

Ama nuamlam tho tum hrang le tho thei hranga nangnia sintu kha Pathian a ni.

FILIPI 2:16

Khanchu, môk intân ni loia, môk sinsôl ni ual loiin, Krista Nikhuaa chu song hrang nei thei ki ti.

KOLOSA 2:12

Baptismaa khan a kuang phûm sa nin nia, mithi lai ata ama kaithoitu Pathian sinthotheina iam sikin amaa khan kaithoi sa nin ni.

1 THESALONIKA 1:3

Iamna sika irnak nin isonghai, lungthungna sika nin sin intamzia haia, ei Rengpa Jisuaa sabeina nin sip indetziahai, ei Pa le Pathian makunga kin inhriat mai ngai a ni.

2 THESALONIKA toc2 2 THESALONIKA 1:11

Hi sika hin Pathianin nangni a ikoina irphua nin om theina hrang le sat nin nuamna murdi le iamna sika nin sinthohai kha, a hrâtnaa nangni ar kiptir theina hrangin, mong loiin nangni kin chongchai pe ngai.

2 THESALONIKA toc2 2 THESALONIKA 3:4

Thu nangni kin ipêk angin nin zôma, nin izôm mai khom Rengpaa khan kin iam ngit a ni.

FILEMONA toc2 FILEMONA 1:21

Nang ki ingên hi hlo a chuk ngêt sabei ngitin ki irziak a ni, ki sabei nêka irkhêlin ni itho lele ki iam sa a ni.

HEBRAI toc2 HEBRAI 10:35

Khanchu nin hâina kha irhmangtir no roi, lômman roiinpui tak a inei hrang a ni.

HEBRAI toc2 HEBRAI 12:2

Jisua, ei iamna irphutna le mongna tiang kha en ngit ei ti. Ama khan a matona raifânna sika khan mualinphoina kha ngainêpin Krosa khan a tuanga, atûn chu Pathian rêngtoihmun chang tiang a hong toi ta.

1 PETERA toc2 1 PETERA 5:10

Sôtnote nin tuang zoiin, Kristaa a kumtuang roiinpuina chang hranga nangni koitu, lunginkhamna sip Pathian khan nangni zuang inngîrtir a ta, siaminsa irkipin, inhrâtin nangni indet a ti.

2 PETERA toc2 2 PETERA 3:10

Rengpa Nikhua chu inru angin a zuang itung ngêt hrang a ni. Kha tika chu irhai inring tak le irvân khi kâng irhmang zit a ta; irnêng le a sûnga thil om murdi khom irhmang zit a ti.