FILIPI 1:20 - PATHIAN LEKHABU IRTHIANG C.L. Bible (BSI)

²⁰ Ki inuam tak le ki isabei ngit kha ite mualinphoi loia, hâitaka i zoroa khom, hi zoro ngêta khom hin, damin mo ithiin mo, ki taksa Krista chôiindôm hi a ni.

FILIPI 1:20 ပူးပေါင်းရင်းမြစ်များ

1 PETERA toc2 1 PETERA 4:16

Kristian nin ni sika tuang nin ni’n chu nin inzak hrang ni mah, Krista irhming nin irput sikin Pathian chôiindôm ual roi.

1 KORINTH 6:20

mana irchôk kêng nin ini tâk, khasikin nin takpum kha Pathian roiinpuina hrangin hmang roi.

ISAIA 54:4

Chi no ro, inzak ta no chi ni, mualinphoi ta no chi nia, intem ual ta no chi ni, Ni vânglaia mualinphoinahai chu ni’rnghila, meithâi intirom anga ni omnahai ni’rnghilpaia.

1 THESALONIKA 5:23

Irngeina Pathian ngêt khan nin pumin irthiangtir sianlân, ei Rengpa Jisua Krista zuang nôk tika chu nin irtha le lungrîl le nin taksa a puma sêlna boiin inomtir ri se.

1 JOHANA 2:28

Atûn hin, Nâihaio, a zuang inlâr tika hâi taka ei oma, a zuang Nikhuaa inzak loia ei om theina hrangin Kristaa khan om mai roi.

FILIPI 2:17

Nin iamna sin thôna le irbôlnaa khan inhlana om hrang ni khom inlân lôm ki ti, nangni khom nangni lômpui sa ki ti.

ROM KHUAA MIHAI KUANGA TÎRTÔN PAULA LEKHATHON 8:19

Thil siam murdi’n chu Pathianin a nâihai a hong inlangtir zoro an nghâkhmo tak tak a ni.

2 KORINTH 10:8

Nangni setna hrang ni loia nangni indingna hranga Rengpa’n irchamneina a ni ipêk hi song ual viat khom inlân, inzak ma ung.

2 KORINTH 4:10

Itiklai khomin kin takpum thi theia hin Krista thina kin irput mai ngai, a hringna khom kin takpuma hin an lang theina hrangin.

1 KORINTH 7:34

Khasikin kailangka’n a iom ngai a ni. Dôngmate’n chu a takpum le ar tha inhlan rip a nuam sikin Rengpa sin kha a ngaitua ngai; khannisian, pasal a nei tâkin chu a pasal inlôm a nuam sikin rammual thilhai a ngaitua ngai.

ISAIA 50:7

Rengpa ki Pathianin a ni changpuia, khasika mualphoi ki irlâk loi a ni; lungngar ki lei irsaka, inzak viat loiin.

INPÂKNA HLAHAI 119:116

Ki hring theina hrangin ni chonginkung ang takin tho ro, Ki tûngna hin mualinphoiin nin omtir no roh.

ROM KHUAA MIHAI KUANGA TÎRTÔN PAULA LEKHATHON 5:5

Kha sabeina khan bei nin dongtir maka, Irtha Irthiang a ni ipêk hmangin ei lungrîla hin Pathianin a lungthungna kha a zuang ibuak tâk a ni.

ISAIA 45:17

Rengpa’n Israelhai chu kumtuanga hrangin saninhringhai a ta, itiklai khomin mualinphoi no nihai,” a ti.

KOLOSA 1:24

Nangni sika ki tuangna hin atûn hin ki râi a ifân a ni. A takpum, Koiindang ta hranga Krista tuang bakhai kha ki takpumin ki isunzom mai a ni.

ROM KHUAA MIHAI KUANGA TÎRTÔN PAULA LEKHATHON 12:1

Khasikin urênghaio, Pathian lungkhamna sika hin irbôlna hring le irthiang le Pathian lôm inruk ni hrangin nin takpum kha inhlan hrangin nangni ki ngên a ni; khaang kha nin sintho hrang lam tak a ni.

FILIPI 1:14

Urêng tam ualhai khomin ki thîrkol bun sikin Rengpa an iam uala, chi loiin Pathian thu khom an hril ngam ta.

2 KORINTH 7:14

A kuanga nangni song ngai khom inlân, mualinphoi ma ung. Nin kuang thutak kin hril mai ngai, khaang khan, Tita kuanga nangni ki songna khan a dik iti a ifia a ni.

2 KORINTH 5:15

Khan, a hringhai khan anni ta hrangin hring ta loia, an ta hrang sika thia thoinôktu ta hrang vaia an iam theina hrang takin a ni, mi murdi ta hrangin a ithi kha.

1 KORINTH 15:31

Urênghai, ei Rengpa Jisua Kristaa nangni ki songna kha sâmin, “A nitin thina ki tong ngai,” ki ti a ni.

ROM KHUAA MIHAI KUANGA TÎRTÔN PAULA LEKHATHON 9:33

Pathian Thu Bu khan, “Irngai ta, Zion-a khan tûkna lung le khâlna lungpui ki siaa, Tukhom ama iam murdi’n chu mualinphoi no ni,” ti irziak ang khan.

ROM KHUAA MIHAI KUANGA TÎRTÔN PAULA LEKHATHON 6:19

(Nin inhriat theina hrangin mihriam dânin thu ki insîr a ni.) Nin takpum hrât loizia inhriatin, mihriam takin thu ki insîr a ni, nin takpum ônhai chu matona porinche le inchâina suaka insiat hrangin nin ipêk ngai ang khan, atûn chu felna suaka irthianga hring hrangin pe ual ta roi.

ROM KHUAA MIHAI KUANGA TÎRTÔN PAULA LEKHATHON 6:13

Nin takpum ônhai khom thil saloi thôna hrangin inhmangtir ta no roi; mithi lai ata hring nôk angin Pathian kuang inhlan unglân, nin takpum ônhai khom kha ama kuang felna hriamhrei hrangin pe ual roi.

TÎRTÔNHAI SINTHO 21:13

Paula khan, “Imo nin itina, nin chap nin chapa, bei nin ni indongtira nin dôptir nin itum mo? Rengpa Jisua irhming sika khan Jerusalema khan khit vai mo ki’rhuama, thi khom ki irhuam kêng,” a tia.

TÎRTÔNHAI SINTHO 20:24

Pathian lungkhamna Thurchi Sa insîr hrang sintum Rengpa Jisua Krista’n a ni ipêk zoina hrangin chu ki hringna khom hi ite’n bê ma ung.

JOHANA 21:19

(Kha thu kha Jisua’n an sîr pena chu, Petera thi lam hrang le Pathian a la ichôiindôm hrang a nih ti irhmutir hrangin kha thu kha a insîr a ni.) Kha kha an sîr zoiin chu Jisua’n a kuang, “Ni zui roh,” a tia.

THUVÂRHAI 23:18

Khanchu ni sûnmaton ir-âng a ta, ni sabeina chu inboipaiin om no ni.

THUVÂRHAI 10:28

Mi sahai tûngna chu lômna tiang a pana, mi siahai maton rêk chu irhmangna a ni.

INPÂKNA HLAHAI 119:80

Ki mualinphoi loina hrangin ki lungrîl hi ki thupêka khan sat irkipin om ri se.

INPÂKNA HLAHAI 62:5

Ki hringna, Pathian vai nghâk ro; Ki sabeina hi ama kuang ata suak a ni.

INPÂKNA HLAHAI 25:2

O ki Pathian, nang ki iama, Mualinphoiin nin omtir no’n lân; A ni doituhai ni ingam hrang chu ni phal no roh.

TÎRTÔNHAI SINTHO 4:31

Khaanga an chongchai zoiin chu an omkhômna hmun kha a hong inhnînga, an rêngin Irtha Irthiangin an sipa, hâi takin Pathian thu an hril tâka.

2 KORINTH 3:12

Kha tûngna kha kin nei sikin kin ihâi a ni.

2 KORINTH 7:4

Nangni kin hriat infel oka, nangni ki song tak tak a ni. Kin buaina tinrêng khoma khan lungrîl hrâtna’n ki sip maia; râifânna’n ki isip lêt a ni.