EZRA 9:6 - PATHIAN LEKHABU IRTHIANG C.L. Bible (BSI)

⁶ “O ki Pathian, nangma tianga hor hei hi kin zaka, ki hmâi a isen hlut hlut ngai a ni, ki Pathian, kin inchâinahai chu ni delpha thei rakin a punga, kin thei loinahai hin irvân a suna.

EZRA 9:6 ပူးပေါင်းရင်းမြစ်များ

THUPHUANG 18:5

A sualna khan irvân a phâka, Pathianin a thilsual tho kha a inhriat chian a ni.

INPÂKNA HLAHAI 38:4

Ki pualoinahai khan ki lu hi a ngîm paia, Puakrik tak, ki izoiloi hrang ang hi a ni.

2 THURCHI SUINA 28:9

Samari khuaa khan Rengpa deipu inkhat Obeda a oma, Israel sipai rualin Judai ram ata an suaka, an ichelhai le Samari khuaa lût hrang kha a lei hmuhaia, an kuang, “Nin irchibulhai Pathian Rengpa chu Judahai chunga a ninginmura, nangni a inhnêtir tâk a ni; khannisian nin thata, an chunga nin nunsiatzia a ihmu mai a ni.

LUKA 15:21

A nâipa khan, ‘Ka pa, irvâna Pathian chunga le ni chunga thil ki tho’nsual a ni, ni nâipaa irti inruk ni ta ma ung,’ a tia.

JOBA 42:6

Khasikin ki irtir tâk a ni, nêngpila toiin, Vâiphin irthu’n ki irsîr a ni ta, a tia.

EZRA 9:15

O Rengpa Israelhai Pathian, nang chu ni fela; a la zôk thei kin nia, a vuana keini ang hin, irngai ro, theiloi changin ni kôla kin oma, hihai sikin tûte ni makunga ngîr thei kin iom loi a ni,” ki tia.

ROM KHUAA MIHAI KUANGA TÎRTÔN PAULA LEKHATHON 6:21

Atûna nin inzakpui tak, thil nin lei itho ngai kha, nin inlâppui mo? Kha khan a mong taka chu thina an tunga.

EZEKIELA 16:63

Ni sintho murdihai ki ngaidam zit tika inhriat ni ta, ni hmâimôk rup a ta, inzak sikin ni bâi a kak thei ta loina hrangin,” ti hi Rengpa pathian thusuak a ni.

JEREMIA 31:19

Ni nir heikîrtir zoiin chu ki’rsîra, kin hriatthiam zoi tena chu ki’rlet tâka. Ki vânglaia ki’rhming siatna pêlin mualphoi le inzakin ki iom a ni,’ tiin.

JEREMIA 8:12

Ki mihaio, hi thil porinchehai nin tho sikin nin inzak mo? a ni, ite inzak viat mak chêi; nin hmâi ten lua sen thei mah! Khasika khan mi dang an rîl tâkhai angin inrîl nin ta, dûk nangni ki tho ni tâka chu, nin mongna ni a ti, keima Rengpa’n ki iti a ni.

JEREMIA 6:15

hi thil intiromhai an tho sika khan an inzak ma ni? Inzak mahai; an zak dân lua an inhriat loi a ni. Khasik taka khan mi dang an rîl tâkhai angin inrîl an ta, dûk ki thohai ni taka chu an mongna ni a ti,” keima Rengpa’n ki iti a ni.

JEREMIA 3:3

Annihai tak sika hin kêng rua tho maka, rotui hnungkhôn khom a itho ta loi a ni. Kha tena khom khan notizuar ni la hmang maia. Inzakin ni biang sen zel suak maka.

ISAIA 59:12

Ni makunga chu kin pualoinahai hi irthup thei ni mah: Kin sualnahaiin mual an phoia, kin pualoina chu kin inhriat maia, kin inchâinahai khom irnghil ma ung.

ISAIA 1:18

Rengpa khan, “Thoi hong roi lei ngaitua irhlôm rei! Nin sualhai kha seninlâr angin om ta khomsian, ivur angin la vâr a ta; senduk angin sen ta khom sianlân, belra mul angin om ta a ti.

JOBA 40:4

keima mi chanlamboi hin, itin mo nang ki isâm thei hrang? Ki bâi ki inhruk a ni.

EZRA 9:13

Kin sintho insual sikin le inchâinahai sikin kin chunga hianga thil a hong itung a nia, nang kin Pathianin kin inchâinahai nêka irnêpin deng ni nin thei zoia khom a la omhai khom ni ni la hôi pe ti inhre maiin,

IRPHUTNA 13:13

Khan, Sodom khua mihai chu Rengpa mithmua a satêrenga sual sin tho an nia.

LUKA 18:13

“Khâzana irfuangtu chu inhnung tiang a ngîra, irvân tiang khom tang ngam maka, ‘O Pathian, keima mi sual hi lung nin kham roh,’ tiin a rôp ar chûm tâka.

1 RÊNGHAI 8:47

ni mihai chongchaina chu sâmhaiin lân, kha an omna ram ata an sual an irleta, an insiatnahai ata thupha an hong zongin chu, O Rengpa, an chongchaina lei sâmhai roh.

JEREMIA 51:9

Ram dang mi khataka omhaiin, ‘Babulon ram chu changpui hrang ei nuama, khannisian an hnung hrai tâk. Tho ama chu masan ei ta, in sûng tiang lei fe ta rei. Pathianin ar nakhrât murdi’n Babulon chu a insiatchit a ni tâk hi,’ ti an ti,” a tia.

FESUAKNA 32:31

Mosia chu Rengpa kuang a kîr nôka, “Hi mihai hin sual ichiom tak an lei tho tâka, rângachak tui leh millim an siama, Pathian angin chubai an lei imûk a ni ta.

LEVI DÂN 26:40

“Nin ni doia, nir heisanin kha mihai khan an pahai leh thilsual an tho a nih ti inhre suak an ta,

NEHEMIA 1:6

Israel irchihai sualna, ni chunga kin inchâina ngaidam ki’rzong sûng hin ni mit mengin ni mikuar lei sungin lân, ni siahlo chongchaina, a sûn a zânin ni siahlo Israel irchihai ki zong pehai hi, le’rngaiin lân; kei leh ka pa in sûng mihai kin sual tâka.

INPÂKNA HLAHAI 38:5

Kin vêtna sikin Ki sabêhai hi a thu’n a hmon zoi ta.

CHAP HLA 3:42

“Thil saloi thoin ei rotsana, nangin ni ngaidam mak che.