“Kin Pathian inditna chu ama zongtuhai murdi chunga an sana hrangin an langtir maia; a sinthotheina le a ningmurna chu ama mâksantuhai chunga an langa,” tia rêng kuanga kin hril tâk sikin, lampuia kin râlhai ata ni san hrangin ni sipai le sakor chung chuang mi rêng kuanga zong chu inzak ki tia.
Khanchu Jerusalema kîr nôk hrangin tha khatna, sûn sômhleihni nia chu, Ahava tuidung ata kin suaka; kin Pathianin a nin rena, râlhai ata le lampuia ni len ruanghai ata a nin zôktira.
Khan ki Pathianin a ni inuampui lam kin sîra, ki makunga rêng thuhrilhai khom. Khanchu anni’n, “Thoi ei ta, indingtir tak tak ei ti,” an tia. Khanchu kha sin sa tho hrangin an kut an inhrâttira.
khan rêng ram nghâktu Asafa hmu hrangin irhrungna kul inkhâr enna, khopui kul hrang le, ki va iomna hrang in le thing an ni pêk theina hrang lekha ni pe sa ro,” ki tia. Khan ki Pathianin a nin dit sikin rêng kuanga ki izong ang a ni pêka.
Ama kha nin hmu tena chu lômin hong har thei nin ta, ilhling incher thar angin irnoi nutin om nin ti. Kei Rengpa hin ki siahlohai ki changpuihai ngaia, ki râlhai chunga ki ning an mur ngai ti inhre ta nin ti.