EZRA 7:7 - PATHIAN LEKHABU IRTHIANG C.L. Bible (BSI)

⁷ Reng Artazerzia an lal kum sarina khan Israel irchia mi senkhat, ochai senkhat, Levi irchi senkhathai, hla sak ngai mi senkhat hai, mikot hrungtu senkhathai le Nethinim mihai chu Jerusalema an hong fea.

EZRA 7:7 ပူးပေါင်းရင်းမြစ်များ

NEHEMIA 10:28

Khan, mi dang, ochaihai, Levihai, mikot hrungtuhai, hlasaktuhai, Nethinim hai le Pathian dân zôm tuma kha rama mihai lak ata irkiang murdihai, an dôngma le an nâihai, a sia le sa inhriat thei dôrhaiin,

NEHEMIA 2:1

Khan hiang hi a nia, rêng Artazerzia kum sômhni an lal kum, Nisan tha uain an sôm zoiin uain kha ki lâka, rêng ki pêka. Matona khan chu a makunga beidong hmêl irput ngai ma unga.

EZRA 7:24

khan ochaihai, Levi irchihai, hla saktuhai, mikot hrungtuhai, Nethinim hai, ni Pathian ina sinthotuhai hi inhminhai ro, thil man omhai, irnêng manhai khom chôi ta loi hrangin nang kin hriattir.

EZRA 6:14

Khan deipu Hagaia le Idoa nâipa Zakaria thuhril sikin Juda ulianhaiin an sin tâka; Israelhai Pathian thupêk ang le Persia rêng Kura le Daria le Artazerzia hai thupêk angin an sina, an zoi tâka.

EZRA 7:8

Khan, rêng kha kum sari an lal kum, a tha ringa nî chu Jerusalema a hong fea.

NEHEMIA 12:1

Sealtiela nâipa Zerubabela le Jesua kôla fe ochaihai le Levihai chu hihai hi an ni: Seraia, Jeremia, Ezra hai,

NEHEMIA 1:1

Hakalia nâipa Nehemia thuhai chu hiang hin a nia, kum sômhnina, Kisleu thaa rêng khopui Susa-ah ki om laiin,