EZRA 7:25 - PATHIAN LEKHABU IRTHIANG C.L. Bible (BSI)

²⁵ “Khan nang Ezra, ni inei Pathian vârna nang pêk angin tui varâl tianga omhaiin roirêl theina hrangin an hruaituhai le roirêltuhai, mi Pathian dân inhriat mi inthanghaiin lân, an hriat loihai chu irchutirhai roi.

EZRA 7:25 ပူးပေါင်းရင်းမြစ်များ

EZRA 7:10

Ezra’n Rengpa dân chu inhriata zômin le Israel hruaituhai lei inkung le roirêlhai irchûtir hrangin a lungrîla a’rvei maia.

DÂN INHNINA 16:18

Rengpa nin Pathianin khopui nangni a ipêkna kipa roirêltu le hruaitu hranghai inkung ngai roi.

JAKOBA toc2 JAKOBA 1:5

Nin laia tukhomin vârna ar samin chu mi murdi kuanga inhnar loia phal taka pe ngaitu Pathian kuang ngên ri se, pêk ni a ti.

MALAKIA 2:7

Ochaihai hmûra chu inhriatna a ivong hrang a nia, a bâi ata dân kha an izong ngai hrang a ni; ama kha Sipaihai Rengpa tîrtôn a nia.

INPÂKNA HLAHAI 19:7

Rengpa dân kha a sa’rkipa, hringna a siam insa ngai. Rengpa thu’nhriattir kha iam a oma, mi’nmôl an vârtir ngai;

MARKA 6:34

Jisua kha irkuang ata a chumin chu mipui tamtak a hmua, enkolpu nei loi belra ang an ni sikin lung an khamhai tak taka, sathnem irngai takin ar chutirhai tâka.

MATHAIA 13:52

Khan, Jisua’n an kuang, “Khasikin, Dân irchutirtu, vân Ram thu irchu tâk ka chu, in neipu’n, ar chon kok ata thil milui le thil thar kêlsuatu ang hi a ni,” a tia.

THUVÂRHAI 6:23

An thupêkhai kha vâr irtêk ang kha a nia; an hrilna khan hringna lampui nang irhmutir a ti.

THUVÂRHAI 2:6

Rengpa kêng vârna mi pêk ngai, ama bâia irthokin inhriatna le inhriat thiamna a isuak ngai a ni.

NEHEMIA 9:3

An omna hmun chita an ngîra, kha nikhua hmun minlia semin, hmunkhat chu Rengpa an Pathian dân bu an tepa; khan hmun minlia sena hmunkhat dang sûnga khan thupha an chôia, Rengpa an Pathian an biaka.

EZRA 7:14

Pathian dân ang taka Judai ram le Jerusalem thurchi inhriat infel hrangin.

EZRA 6:6

Reng Daria khan hiang hin a sâma: “Eufrates nitâk tianga ram optu Tatenaia hai, Sethar-bozenaia hai le an isinpui Eufrates nitâk tianga omhaio: Tempil chu hong nâi no roi,

1 THURCHI SUINA 23:4

Mi sînghni le sângminlihai chu tempil sin enkoltuin a siahaia; mi sângruk chu thil irziak infela thu buaihai infel hrang a tia.

1 THURCHI SUINA 22:12

Vârna le hmangrua inhriat theina nang pe sianlân, Israel mihai chu Rengpa ni Pathian dân hrangin roirêl pehai thei ni ti.

1 RÊNGHAI 3:28

Israel mi murdi’n rêng thurêl kha an inhriatin chu a sân an inzâ ual uala, Pathianin roirêl theina dik tak a pêk ti an inhriat suak a ni.

KOLOSA 1:28

Krista thu kha mi murdi laia kin hrila, Kristaa ei puihling chit theina hrangin vârna tinrêngin mi tin kin irchuin kin kaihruai ngai a ni.

IRPHUTNA 41:38

khanchu Faroa’n a sinthotuhai kuang khan, “Hianga Pathian irtha iompui mi hi mo hmusuak thei ni ni?” a tia.

IRPHUTNA 41:39

Faroa khan Josefa kuang, “Pathianin hihai murdi hi nang a inhriattir sikin, nangma anga mi bengvâr le thiam hi om mahai:

2 RÊNGHAI 17:27

Rengin, “Suaka kin ichel ochai inkhat kha insuain lân, an ram Pathian dân irchutira, an laia oma irchutirhai hrangin tîr roi,” a tia.

EZRA 10:4

Tho hi thu hi nangma chunga irnghat a nia, keini khom nangma tianga om kin nia, hâitakin omin lân tho roh,” a tipuia.