EZRA 7:10 - PATHIAN LEKHABU IRTHIANG C.L. Bible (BSI)

¹⁰ Ezra’n Rengpa dân chu inhriata zômin le Israel hruaituhai lei inkung le roirêlhai irchûtir hrangin a lungrîla a’rvei maia.

EZRA 7:10 ပူးပေါင်းရင်းမြစ်များ

2 TIMOTHEA toc2 2 TIMOTHEA 4:2

Thu chu hril roh, zoro saa khom, zoro saloia khom, bei mai roh; tuangdiar taka irchutir pumin an dikloina irhmutirin lân, halirchu’n lân, inthor roh.

MATHAIA 7:24

“Khanchu, hi ki thu hi inhriata, zôm murdi chu mi vâr, lungpui chunga in sintu leh irkhek rua a ni.

MALAKIA 2:7

Ochaihai hmûra chu inhriatna a ivong hrang a nia, a bâi ata dân kha an izong ngai hrang a ni; ama kha Sipaihai Rengpa tîrtôn a nia.

JOHANA 13:17

Kha kha nin inhriata, nin zômin chu lôm nin ti.

INPÂKNA HLAHAI 1:2

An lômna chu Rengpa dân zôma hin a ni uala, A Dân thu chu a sûn a zânin an ngaitua ngaia.

EZRA 7:25

“Khan nang Ezra, ni inei Pathian vârna nang pêk angin tui varâl tianga omhaiin roirêl theina hrangin an hruaituhai le roirêltuhai, mi Pathian dân inhriat mi inthanghaiin lân, an hriat loihai chu irchutirhai roi.

INPÂKNA HLAHAI 19:7

Rengpa dân kha a sa’rkipa, hringna a siam insa ngai. Rengpa thu’nhriattir kha iam a oma, mi’nmôl an vârtir ngai;

DÂN INHNINA 33:10

Ni nâi, Jakoba irchi hai kha ni dân irchutir an ta, ni maichâma mirimhoi hâl an ta, Hâlirvôm thilinhlan hâl ngai an ti.

1 THURCHI SUINA 29:18

O Pathian kin irchibul Abrahama hai, Isaka hai, Jakoba hai Pathian, hianga lungrîl hi ni nâihai irputtirhai maiin lân, nangma hranga iamoma an om mai theina hrangin hrunghai ro.

INPÂKNA HLAHAI 10:17

Rengpa, irnênga mi chu ichiom taka om nôk ta loi hrangin, Pa nei loi opbêna tuanghai roirêl pena hrangin, Thuhnuairôlhai nuamlam chu ni ngaitua tâka: An milung kha sinsiam ni ta, ni mikuar chu irngaitir ni ti.

EZRA 7:6

Ezra chu lekha irziaktu, Rengpa Israelhai Pathian ipêk Mosia dân inhre mi tak a ni. Rengpa a Pathianin an ditna sikin a izong murdi a pêk maia.

TITA toc2 TITA 2:1

Nangma’n chu irchutirna hrisêl ni irchutir mai hrang a ni.

INPÂKNA HLAHAI 119:45

Khanchu zalên takin lêng ki ta, Ni’rchutirna thuhai kha ki zong sikin.

INPÂKNA HLAHAI 57:7

Ki milung hi a idet a ni, O Pathian, Ki milung hi a idet a ni. Hla sak ki ta, a ni, inpâkna hla sak ki ti.

2 THURCHI SUINA 30:22

Rengpa biakna hranga an thil neihai leh inkhôm kaihruai an thei sikin, Levi irchihai chu rêng Hezekia’n an pâkhaia. An irchibulhai Pathian Rengpa chu sûn sari thilinhlan an fâk zoiin

2 THURCHI SUINA 19:3

Kha sûnga khom khan satna viat chu ni nei; mihai ibiak Aseri irlim murdi inboia Pathian nuamlam ni izong hi,” a tia.

2 THURCHI SUINA 12:14

Rengpa nuamlam sin tho hrang a ngaitua no sikin thilsual a thoa.

1 SAMUELA 7:3

Khante Samuela khan Israel mihai kuang khan, “Nin lungrîl taka Rengpa tiang nin irnghat tak takin chu, ram dang pathianhai le Asterothi pathiannuhai millim kha nin lai ata pai ving roi. Nin lungrîl kha Rengpa ta hrangin sinsiam unglân, ama sin vai tho roi; khanchu Filistia-hai kut ata hi nangni a isansuak hrang a ni,” a tia.

TITA toc2 TITA 2:15

Hi thuhai hi ni ihril hrang a ni, inthorin lân, irchamnei takin ngohai ro. Tûte’n nang ngainêp no ri sehai.

1 TIMOTHEA toc2 1 TIMOTHEA 3:2

Khanchu Koiindang hruaitu ni hrangin chu sêlna boi, dôngma inkhat nei, insumthei, lungrîl diktak, mi fel, mi lôm dân thei le irchutir thiam mi a ini hrang a ni.

TÎRTÔNHAI SINTHO 1:1

Theofil, ki lekha masaa khan Jisua sintho irphut thu ata irvâna ilâka a om dêna a sintho le a thu irchutir murdi ki’rziak tâka;

DÂN INHNINA 16:12

Hi thu’nkunghai hi ngûk takin zôm unglân, Aigupta rama suak nin ni ngai kha inhre mai ngai roi.

THUPHUANG 22:14

Hringna tuikuanga thei ra kha an fâk theina hrang le khopui kha an lût theina hranga an puan irsûk infâihai chu an vân a sa.

MATHAIA 5:19

Khanchu, hi thupêk laia poimo loitak inkhat khom hi ngainêpa, khaanga mihai irchutir ka chu irvân Rama mi chîn tak ti an ti; aniachu, tukhom, zôma irchutir ka chu irvân Rama mi lian ti an ti.

JOBA 11:13

Ni lungrîl irput dân a dika, Ama tiang ni kut ni pharin chu,

EZRA 7:11

Khan, ama hi rêng Artazerzia ochai, Ezra lekha irziaktu Rengpa thupêk thu le Israel mihai hranga thu’nkung irchû kuanga lekha thonna thu chu a ni.

INPÂKNA HLAHAI 119:112

Kumkhua’n a mong dênin, Ni dânhai chu zôm hrangin ki milung ki’rlêktira.