EZRA 5:2 - PATHIAN LEKHABU IRTHIANG C.L. Bible (BSI)

² Khanchu Sealtiela nâipa Zerubabela le Jozadaka nâi Jesua’n Jerusalema Pathian in chu an hong sin phut nôk tâka; khan an kôla Pathian deipuhai chu anni changpuihai hrangin an oma.

EZRA 5:2 ပူးပေါင်းရင်းမြစ်များ

EZRA 1:8

a isiahai kha Persia rêng Kura’n a enkoltu Mithredata kha an kêlsuatira, a tepa, Judahai hruaitu Sesbazara kuang a pêka.

EZRA 10:18

Khan ochai nâihai laia nam dang nupang dôngma lâk an inhriathai chu: Jesua le a urênghai laia Jozadaka nâipa le a urêng Maaseia, Eliazara, Jariba, le Gedalia hai

EZRA 3:2

Khanchu Jozadaka nâipa Jesua le a sangpa ochai le Sealtiela nâipa Zerubabela le a urênghai an hong thoia, Pathian mi Mosia dâna chuang angin hâlirvôm thil irhlanna’n Israelhai Pathian maichâm an siama.

EZRA 3:8

Khan Jerusalema Pathian in an intung hnunga kum hni tha hnina nî chu Sealtiela nâipa Zerubabela hai, Jozadaka nâipa Jesua hai, an urêng ochai le Levia irchi danghai sala zôk murdi Jerusalema fehai an rêngin an pûta; Levi irchihai chu kum sômhni chung tianga mihai chu Rengpa in sina hruaitu hrangin an inkunghaia.

EZRA 6:14

Khan deipu Hagaia le Idoa nâipa Zakaria thuhril sikin Juda ulianhaiin an sin tâka; Israelhai Pathian thupêk ang le Persia rêng Kura le Daria le Artazerzia hai thupêk angin an sina, an zoi tâka.

HAGAIA 2:18

Hi tha kuakna, sûn sômhni le sûn minlina a vuan sûn ata hi nakan dênin, matonahai kha ngaitua roi, Rengpa biak in lungphûm nî ata kha ngaitua roi.

ZAKARIA 4:14

Khan, ama khan, “Hi nâipa inhni, hriak nei tâkhai hi, irnêng pumpui Rengpa kôla ngîrhai kha an ni hi,” a tia.

ZAKARIA 4:4

Khan, vântirtôn ni chongpuitu kuanga khan, “Hi hi imo a ini, ka pu?” tiin ki hong ti nôka.

ZAKARIA 6:11

Khan sumtak le rângachak an thilpêkhai ata kha rênglukhum kha siamin lân, ochai uliantak Jehozadaka nâipa Josua inkhumtir roh.

ZAKARIA 8:9

“Ngam takin om roi! Ki tempil indingthar nôk hranga lungphûm phûma a om laia deipuhaiin thu an lei ihrilhai kha atûn khom kha thuhai dên kha nin inhriat nôka.

2 KORINTH 1:24

Nin iam ngêt hrang thu nangni insîr pe tum ma ung, iamnaa khan nin ngîr indet ti kin hriat sikin. Kha nêkin, nin raifânna hrangin nangni leh sin kin tho ual a ni.