EZRA 5:16 - PATHIAN LEKHABU IRTHIANG C.L. Bible (BSI)

¹⁶ Khanchu Sesbazara kha a fea, Jerusalem biak in lungphûm chu a phûma, khatak ata chu atûn ten hin sin a ni ta; khannisian la’rzoi loi a la ni maia.

EZRA 5:16 ပူးပေါင်းရင်းမြစ်များ

EZRA 3:10

Khan a sintuhaiin Rengpa in lung phûm an hor khamin chu ochaihai chu an tukrivo irbelin, bekul chôiin Levia irchi Asafa nâihai chu Israel rêng Davida’n tho hrang dân a lei inkung angin Rengpa inpâk hrangin an inngîrtirhaia.

EZRA 3:8

Khan Jerusalema Pathian in an intung hnunga kum hni tha hnina nî chu Sealtiela nâipa Zerubabela hai, Jozadaka nâipa Jesua hai, an urêng ochai le Levia irchi danghai sala zôk murdi Jerusalema fehai an rêngin an pûta; Levi irchihai chu kum sômhni chung tianga mihai chu Rengpa in sina hruaitu hrangin an inkunghaia.

EZRA 5:14

Khan Pathian ina rângachak le sumrua siam bungrua Jerusalem Pathian ina mi Nebukadnezara ilâksuak, Babulon biak ina a isiahai kha rêng Kura’n Babulon biak in ata a lâksuak nôka, mi inkhat ar hming Sesbazara, ram optu kuang a pêka;

EZRA 5:15

A kuanga khan hi bungruahai hi lan la, fe ro, Jerusalem biak ina sian lân, khan biak in chu a hmun pangaia sin ni ri se, a tia.

EZRA 5:2

Khanchu Sealtiela nâipa Zerubabela le Jozadaka nâi Jesua’n Jerusalema Pathian in chu an hong sin phut nôk tâka; khan an kôla Pathian deipuhai chu anni changpuihai hrangin an oma.

EZRA 6:15

Kha in kha rêng Daria inlal kum rukna Adar tha sûn thum niin chu zoi a ni tâka.

HAGAIA 2:18

Hi tha kuakna, sûn sômhni le sûn minlina a vuan sûn ata hi nakan dênin, matonahai kha ngaitua roi, Rengpa biak in lungphûm nî ata kha ngaitua roi.

ZAKARIA 4:10

Thil chîn terek zorohai hi tu’n mo a hmusit? Râifân takin om an ta, Jerubabela kuta dâr irhlûm inkhâi kha an ihmu hrang a nia; Hi sarihai ngei hi Rengpa mit kha an ni saa, irnêng pumpui chunga hin an irvâk vêl ngai, tiin.

ZAKARIA 4:9

Jerubabela kut khan hi nin lung phûmhai hi a phûm tâka, Ama kut dênin puihling a ta, khanchu, sipaihai Rengpa khan nin kuang a ni tîr a nih ti inhre ta nin ta.

JOHANA 2:20

Judahai khan, “Sûn thum sûngin ni indingtir nôk hrang mo? Hi Tempil sinna hranga hin kum sômminli kiruk a inang kêng,” an tia.