EZRA 4:24 - PATHIAN LEKHABU IRTHIANG C.L. Bible (BSI)

²⁴ Kha tena chu Jerusalema Pathian in an isin chu an mâksana; Persia rêng Daria inlal kum hnina dênin an imâksan a ni ta.

EZRA 4:24 ပူးပေါင်းရင်းမြစ်များ

HAGAIA 1:15

rêng Daria inlal kum hnina, a tha rukna, kha tha sûn sômhni le sûn minlinaa khan.

JOBA 20:5

mi sual râifân chu sôt ngai maka, Pathian inhre loi mi lômna chu mit khapkâr vai hrang ang a ni.

NEHEMIA 6:9

“An sintho chu hlo an chuk loina hrangin an kuthai a’rzalin a om ta,” tia mihai ihril a nia. Khasikin o Pathian, ki kuthai hi nin hrâttir pe roh.

NEHEMIA 6:3

Khan keima’n anni kuang, “Sin roiinpuitak ki thoa, khasikin hong thei no ning; nangni kuanga ki hong kârin ki sin a’rngam hrang sikin,” tiin mi ki tîra.

EZRA 6:1

Khanchu rêng Daria’n thu a pêka, Babulon-a an irchon bukkhômna, lekhabu in chu an zonga.

EZRA 5:5

Khannisianlân an Pathian mit chu Juda ulianhai chunga a chuma, Daria kuang an thu kha a tunga, a sâmna an inhriat nôk mâka chu an ram optuhai khan inmatirhai ual mahai.

1 THESALONIKA 2:18

Nangni hong pan kin tum ngaia, keima Paula ngêt hin voihni voithum ki tum tâka, khannisian setana’n a ni khâl ngai a ni.

EZRA 4:23

Khanchu rêng Artazerzia lekha kha Rehuma le lekha irziaktu Simsaia le a rual danghai makunga an tep zoiin chu irhnot takin Jerusalema Juda omhai kuang an fea, thuneina insuain an inmâksantirhaia.

EZRA 5:1

Kha zoroa khan deipu inhni Hagaia le Idoa nâipa Zakaria haiin Judai ram le Jerusalema Juda omhai laia Israelhai Pathian irhmingin thu an hrila.

EZRA 6:14

Khan deipu Hagaia le Idoa nâipa Zakaria thuhril sikin Juda ulianhaiin an sin tâka; Israelhai Pathian thupêk ang le Persia rêng Kura le Daria le Artazerzia hai thupêk angin an sina, an zoi tâka.

DANIELA 9:25

Khasikin Jerusalem inding nôkna siam insat nôkna hranga thupêk a suak ata hriak inthek rêng a om nî tena hapta sari ni a ta, ti inhre thei ro; khan hapta sômruk le hapta hni, kholâi le irnênghai siam ni a ta, zoro buai lai taka khom.

HAGAIA 1:1

Rêng Daria inlal kum hnina, a tha rukna, kha tha nikho masa taka khan, deipu Hagaia kuanga Rengpa thu kha, Sealtiela nâipa Judai ramoptu Zerubabela kuang le Jehozadaka nâipa ochai intaltak Josua kuang a zuang tunga, hiang hin a ti.

HAGAIA 2:15

Atûn ata nakan ten khomin Rengpa biak ina lung nin ichung irchuan mân, matona thil kha ngaitua ngai roi.

ZAKARIA 1:1

Daria inlal kum hnina, tha riatnaa deipu Zakaria kuanga khan Rengpa thu a zuang tunga:

EZRA 3:8

Khan Jerusalema Pathian in an intung hnunga kum hni tha hnina nî chu Sealtiela nâipa Zerubabela hai, Jozadaka nâipa Jesua hai, an urêng ochai le Levia irchi danghai sala zôk murdi Jerusalema fehai an rêngin an pûta; Levi irchihai chu kum sômhni chung tianga mihai chu Rengpa in sina hruaitu hrangin an inkunghaia.

EZRA 4:5

Persia rêng Kura inlal sûng chu, Persia rêng Daria inlal dênin an sintumhai sin thei loi hrangin a hrilpui hrang irbe’n an om ta.

EZRA 6:15

Kha in kha rêng Daria inlal kum rukna Adar tha sûn thum niin chu zoi a ni tâka.

DANIELA 11:2

Atûn hin thudik nan entir ki ti. Irngai ro, Persia rama khan, rêng inthum hong suak an ta, a minlinapu tena chu a danghai nêkin irchong a ta; ar chongna sikin irsong a ta, Grik rama mihai inphûthai a ti.

HAGAIA 2:18

Hi tha kuakna, sûn sômhni le sûn minlina a vuan sûn ata hi nakan dênin, matonahai kha ngaitua roi, Rengpa biak in lungphûm nî ata kha ngaitua roi.