EZRA 4:2 - PATHIAN LEKHABU IRTHIANG C.L. Bible (BSI)

² Jerubabela le an in sûnga a lu u ualhai kuang an va fea, an kuang, “Nangni sinpui kin ti; keini khomin nin izong ang hin, nin Pathian zong kin ti; hitaka ni hong hruaitu Assuria rêng Esarhadona an lal lai ata a kuanga kin irbôl ngai kêng,” an tia.

EZRA 4:2 ပူးပေါင်းရင်းမြစ်များ

IRPHUTNA 10:11

kha ram ata a suak zoiin, Assuria rama a lûta, Ninevi khua, Rehobot-ir khua, Kala khua,

2 RÊNGHAI 17:24

Assuria rêngin Babulon hai, Kuth hai, Iva hai, Hamath le Sefarvaim khuaa omhai chu a hruaia; Israel suaka hruaia omhai irthûlin Samaria rama an omtira; kha khuahai kha an luaa an iom a ni ta.

2 RÊNGHAI 17:41

Hi mihai hin Rengpa chu chubai ar hmingin an imûk a ni, an millim chubai mûk an la irhnik ual a ni, an irchihai khomin atûn ten an la itho mai a ni.

2 RÊNGHAI 19:37

Nisroka tempila Pathian a biaka, a kûn lai takin a nâipa Andramelek le Sarezera haiin khandaiin an tuk thata, Ararat rama an rotsan tâka. A nâipa Esarhadona chu ar thûlin an lal nôk ta.

EZRA 1:5

Khasikin, Juda le Benjamina irchi, in sûnga a lu u ualhai, ochaihai, Levi hai, Jerusalema Rengpa in hong sin hranga Pathianin an lungrîla a inthorhai chu an hong sina.

EZRA 2:2

Hihai hi Zerubabela, Jesua, Nehemia, Seraia, Reelaia, Mordekaia, Bilsana, Mispara, Bigvaia, Rehuma, le Baasa hai an ni. Israel mi pasal sa tam lam chu:

EZRA 3:12

Ochai le Levia irchi leh a ina a lu u ual tamtakin, a in milui hmutuhai putarhai chu an mithmua hi lungphûm hi an hmu nôkin chu an chapa; mi tamtak lôm sikin an khêka:

EZRA 3:2

Khanchu Jozadaka nâipa Jesua le a sangpa ochai le Sealtiela nâipa Zerubabela le a urênghai an hong thoia, Pathian mi Mosia dâna chuang angin hâlirvôm thil irhlanna’n Israelhai Pathian maichâm an siama.

NEHEMIA 9:32

Khasikin, kin Pathian, roiinpui, itinrêngthothei le ichiom, thuthung dêna lungkhamna inlangtu khan kin rênghai kin mi lianhai, kin ochaihai, kin deipuhai, kin pi le puhai le ni mihai murdi chunga Assuria rênghai inlal lai ata atûn tena dengtheina hong omhai hi a mai maiin insâp no’n lân.

INPÂKNA HLAHAI 73:8

An innuisana, sual takin nêpsiana thu an insîra: Lârirpâk takin an chong ngai.

ISAIA 37:37

Assuria rêng Senakeriba chu entinin a neia, en nuam loiin, Ninevi khuaa a om tâka.

ISAIA 37:38

An pathian Nisroka ina pathian biaka a kûn laiin a nâi Adrammeleka le Sarezera khan khandaiin an tuk thata, Ararat rama an rota. A nâipa Esarhaddona chu ama irthûlin an lal ta.

HOSEA 14:3

Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

GALATIA 2:4

Iamtu dol, Jisua Krista Zalênna ei nei enirchik hranga an laia lût inrukhaiiin chu suaka nin lûttir an tuma.

2 TIMOTHEA toc2 2 TIMOTHEA 3:8

Jannia le Jambria’n Mosia an idoi anga khan, kha mihai khom khan thutak hi an doi ngai, lungrîl siat zoi tâka, iamna lama khom Pathian nuamloina lam mi an ni.