EZRA 3:8 - PATHIAN LEKHABU IRTHIANG C.L. Bible (BSI)

⁸ Khan Jerusalema Pathian in an intung hnunga kum hni tha hnina nî chu Sealtiela nâipa Zerubabela hai, Jozadaka nâipa Jesua hai, an urêng ochai le Levia irchi danghai sala zôk murdi Jerusalema fehai an rêngin an pûta; Levi irchihai chu kum sômhni chung tianga mihai chu Rengpa in sina hruaitu hrangin an inkunghaia.

EZRA 3:8 ပူးပေါင်းရင်းမြစ်များ

EZRA 4:3

Khannisianlân Zerubabela le Jesua le Israelhai in sûnga ulianhai leh a danghaiin an kuang, “Kin Pathian in sinna hin, nin kopna hrang ite lampui om mah; Persia rêng Kura’n thu a ni ipêk ang hin keinihai vaiin kêng Rengpa Israelhai Pathian in chu kin isin pe hrang,” an tia.

1 THURCHI SUINA 23:4

Mi sînghni le sângminlihai chu tempil sin enkoltuin a siahaia; mi sângruk chu thil irziak infela thu buaihai infel hrang a tia.

NAMBAR 4:3

irtongna Biakbuka sintho thei hrang pasal kum sômthum le sômringa kâra mi chu tephai ving roi.

EZRA 3:2

Khanchu Jozadaka nâipa Jesua le a sangpa ochai le Sealtiela nâipa Zerubabela le a urênghai an hong thoia, Pathian mi Mosia dâna chuang angin hâlirvôm thil irhlanna’n Israelhai Pathian maichâm an siama.

EZRA 5:16

Khanchu Sesbazara kha a fea, Jerusalem biak in lungphûm chu a phûma, khatak ata chu atûn ten hin sin a ni ta; khannisian la’rzoi loi a la ni maia.

ZAKARIA 4:9

Jerubabela kut khan hi nin lung phûmhai hi a phûm tâka, Ama kut dênin puihling a ta, khanchu, sipaihai Rengpa khan nin kuang a ni tîr a nih ti inhre ta nin ta.

ZAKARIA 6:12

Khan Sipaihai Rengpa’n hiang hin a hril tiin ama chu hril ro, ‘Khan ar hming ôn an iti kha, ama chu tuanintung takin la om a ta, Rengpa biakbuk chu lan ding thar nôk a ti.

1 THURCHI SUINA 3:17

Babulon sala hruai rêng Jehoiakina khan nâipasal sari, Sealtiela

EZRA 2:2

Hihai hi Zerubabela, Jesua, Nehemia, Seraia, Reelaia, Mordekaia, Bilsana, Mispara, Bigvaia, Rehuma, le Baasa hai an ni. Israel mi pasal sa tam lam chu:

EZRA 4:24

Kha tena chu Jerusalema Pathian in an isin chu an mâksana; Persia rêng Daria inlal kum hnina dênin an imâksan a ni ta.

EZRA 5:2

Khanchu Sealtiela nâipa Zerubabela le Jozadaka nâi Jesua’n Jerusalema Pathian in chu an hong sin phut nôk tâka; khan an kôla Pathian deipuhai chu anni changpuihai hrangin an oma.

EZRA 10:18

Khan ochai nâihai laia nam dang nupang dôngma lâk an inhriathai chu: Jesua le a urênghai laia Jozadaka nâipa le a urêng Maaseia, Eliazara, Jariba, le Gedalia hai

HAGAIA 1:1

Rêng Daria inlal kum hnina, a tha rukna, kha tha nikho masa taka khan, deipu Hagaia kuanga Rengpa thu kha, Sealtiela nâipa Judai ramoptu Zerubabela kuang le Jehozadaka nâipa ochai intaltak Josua kuang a zuang tunga, hiang hin a ti.