EZRA 3:5 - PATHIAN LEKHABU IRTHIANG C.L. Bible (BSI)

⁵ Kha zoiin chu a nitin thil inhlanhai, tha thar thil inhlanhai, Rengpa hranga sûn an inkung ang takin an sera; an nuam lam taka Rengpa kuanga lôm takin an irhlana.

EZRA 3:5 ပူးပေါင်းရင်းမြစ်များ

2 THURCHI SUINA 31:14

Imna nâipa Korea, tempil nisua tianga mikot hrungtu hruaitutak chu Rengpa kuanga an thilinhlan le ser bîkhai zêk hrangin an inkunga.

EZRA 3:6

Tha sarina, sûn khat nî ata hâlirvôm thil inhlanhai Rengpa kuanga an iphut a ni; khannisianlân Rengpa Biak in lungphûm chu la phûm mahai.

NEHEMIA 10:34

Kin pi le pu in sûng mihai anga a kum tin zoro bîk indanga dân bua irziak anga Rengpa kin Pathian maichâma hâl hrang thinghlek hrangtu inhriatna hrangin ochaihai le Levihai, mipuihai leh tâ kin sâna:

JEREMIA 33:18

khante ki sintho hrang le hâlirvôm thilpêkhai, chîmu thilpêkhai le irbôlnahai inhlan hrangin, Levi irchi ata ochaihai om mai an ti,” a tia.

LEVI DÂN 1:2

Israel nâihai kuang hiang hin ti ro: Rengpa kuang thilinhlan nin hong chôiin nin sa vâi, sehrât laia mani belra le kêl laia mani nin hong ilâk ngai hrang a ni.

LEVI DÂN 1:3

Thilinhlan chu hâlirvôm thilinhlan hrang a ni’n chu sa laia a chal, hmêlveiloi ni a ta, Rengpa lei pom hrangin irtongna puan in mikota an hlantu khan a hong ichôi hrang a ni.

LEVI DÂN 23:2

“Israel mihai chu hril ro: Rengpa chôiindômna kût hranga zoro inkunga omni khitin nin ihmang suam hen hrang a ni. Khahai kha hihai hi an ni.

NAMBAR 28:14

Uain thilinhlan chu hiang hi ni a ti, sehrâtchal leh khan khilât sei inhni ni a ta, belrachal leh khan khilât sei inkhat le a chimrip ni a ta, khan belrate leh khan khilât sei inkhat seng ni a ti. Hi hi kumtuanga a tha tina nikhua masa taka pum hâlirvôm thilinhlan dân hrang chu a ni.

NAMBAR 28:19

Pum hâlirvôm thilinhlan chu Rengpa kuang inhlan nin ta, sehrât tuai inhni, belrachal inkhat, belrate kum khat mi sari inhlan nin ta, an rêngin demnaboi an ini hrang a ni.

NAMBAR 28:27

Pum hâlirvôm thilinhlan Rengpa ta hranga thil mirimhoi chu hiang hin inhlan roi. Sehrâtchal tuai inhni, belrachal inkhat, belrate kum khat mi sari a chal, an rêngin demnaboi an ini hrang a ni.

NAMBAR 29:13

Khanchu Rengpa ta hranga mirimhoi meia thilinhlan pum hâlirvôm thil nin inhlan hrang a ni. Sehrâtchal tuai sômhleithum, belrachal inhni, belrachal kum khata sômhleiminli; demnaboi an ini ngêt hrang a ni.

NAMBAR 29:2

Rengpa ta hranga mirimhoi pum hâlirvôm thilinhlan chu hiang hin inhlan roi. Sehrâtchal tuai inkhat, belrachal inkhat, belrate a chal kum khat mi sari inhlan nin ti.

NAMBAR 29:39

Nin chonginkunghai, nuam thua thilinhlan hai, nin pum hâlirvôm thilinhlan, nin baidi thilinhlanhai, nin uain thilinhlanhai, nin baidi thilinhlanhai, nin uain thilinhlanhai, nin irngeina thilinhlanhai bâka khan hihai hi nin zoro inkung kût, nin nei nia Rengpa kuanga nin inhlan hrang a ni, tiin.

NAMBAR 29:8

Rengpa kuang mirimhoi pum hâlirvôm thilinhlan, hiang hin inhlan roi. Sehrâtchal tuai inkhat, belrachal inkhat le belratechal kum khata sari inhlan nin ta, an rêngin demnaboi an ini hrang a ni.

DÂN INHNINA 12:17

Nin ina khan sôma inkhat, nin bu, uain, sahriak hai le nin sâ vâi le belra pâl laia suak masa tak, nin chonginkungnaa, ngaihoi thilinhlan hai, hruaithe irthârna thilinhlan hai kha fa thei no chin ni;

DÂN INHNINA 12:6

Kha khan nin hâlirvôm thilinhlan hai le nin thilinhlan danghai nin hong inhlan hrang a ni; nin sôma inkhathai, nin thilpêk hai, nin inkung chumna thilinhlan hai, nin nuam thilinhlan hai, nin sâ a tê suak masa takhai, nin hong ichôi ngai hrang a ni.