EZRA 3:11 - PATHIAN LEKHABU IRTHIANG C.L. Bible (BSI)

¹¹ “Ama chu a saa, a lungkhamna khom Israel mihai chunga om kumkhua a ti,” tiin Rengpa inpâk le a kuanga lômthu hrilin hlain an saka. Rengpa in lungphûm an phûm tâk sikin Rengpa an inpâkna khan mipuihai chu an khêk sup supa.

EZRA 3:11 ပူးပေါင်းရင်းမြစ်များ

1 THURCHI SUINA 16:34

Rengpa hi a sa hrai sikin lômthu hril roi; Kumtuanga phûkdâi a ni sikin.

INPÂKNA HLAHAI 106:1

Rengpa chu inpâk roi. O Rengpa kuang lômthu hril roi; ama chu a saa: A lungkhamna khom kumkhua’n a iom hrang a ni.

INPÂKNA HLAHAI 107:1

O, Rengpa kuang lômthu hril roi; ama kha a sa sikin: A lungkhamna khom kumkhua’n a iom hrang a ni.

INPÂKNA HLAHAI 103:17

Rengpa lungkhamna rêk chu ama chituhai chunga khan kumtuang ata kumtuang dênin om a ta, A felna khom an tû le tê dênin om a ta,

JEREMIA 33:11

raifânna le lômna khêk irhâihai le irneina hruaithe lômna irhâihai chu lan hre nôk nin ti. Mipuihai chu lômthu hrilna irbôlnahai ki biakbuka hong chôia, hi hla hi an sak lan hria nin ti. ‘Sipaihai Rengpa kuang lômthu hril roi, ama chu a saa, a lungkhamna chu kumkhontuangin a om hrang a ni sikin,’ ti hi. Hi ram hi matona tuanintung taka a iom ang khan siam nôk ki ti, kei Rengpa hin ki iti a ni,” a tia.

INPÂKNA HLAHAI 135:3

Rengpa chu inpâk roi, Rengpa chu a saa; A’rhming inpâkin zâi roi, ama chu lungkhamna a inei a ni.

INPÂKNA HLAHAI 118:1

O, Rengpa kuanga khan lômthu hril roi, ama chu a saa; A lungkhamna lianna chu kumkhontuangin om a ti.

2 THURCHI SUINA 7:3

Irvân ata mei zuang tâk le a in sûng chu Rengpa roiinpuinaa isip chu Israel mihaiin an hong hmuin chu, tuala an hmâi irnêng enin an inboka, Pathian chubai an mûka, a satnahai le a khonzâna nei kumtuangna sikin an inpâka.

ISAIA 12:6

Zion tânga omhmun khuarhaio, Râifân takin zâi unglân, khêk suak roi; Nin laia om, Israel mi irthiang chu a roiinpui ok a ni.

NEHEMIA 12:24

Khan, Levi ulianhai chu: Hasabia, Serebia, Kadmiela, Jesua le Binuia, a urêng, Pathian mi Davida thupêk anga a pâl pâl irthûla, inpâk le lômthu insîr hranghai leh.

ISAIA 44:23

Irvânhaio, lômin zâi roi, Rengpa’n sin a itho a ni ta, irnêng rîlhai khom khêksuak unglân, Ram le thing om murdihaio, khêk murin om ta roi. Jakoba chu Rengpa’n a’rtansuaka, Israelhai laia nin chôiindôm sa tâk.

FESUAKNA 15:21

Miriami’n, anni hrang hla a sak pehaia: “Rengpa chu inpâkin hla sak roi, ama khan inhnêna roiinpui takin an hnê tâk sikin; sakor le a chunga chuang murdi’n tuipuia an pai lût tâka.

LUKA 1:50

A chipuihai chu thoiinthar dênin lung an kham thiai ngai.

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

ISAIA 6:3

“Itinrêng Rengpa chu a’rthiang e, a’rthiang e, a’rthiangliai, irnêng pumpuia a roiinpuina’n a sip,” tiin an irsam irhlôm, an irsam irhlôma.

INPÂKNA HLAHAI 47:1

O mi tinrênghaio, nin kut inbên unglân: Raifânna irhaiin Pathian kuang khêk roi.

1 THURCHI SUINA 16:41

Hemana le Jeduthuna khom mi dang irtansuakhai leh an omsuama, a lungkhamna hek ngai loiin, Rengpa inpâkna hla sak hrang an ni.

NEHEMIA 12:40

Khanchu lômthu hril hrang pâlhai pôl hnihai chu Pathian ina an ngîra, kei leh roirêltu a chimriphai leh,

INPÂKNA HLAHAI 47:5

Pathian chu khêk irhaiin a kâia, Rengpa chu bekul irhai leh a kâi tâka.

JOSUA 6:5

Khan bekul chu inring takin tum an ta, kha kha nin inhriat tika thei dôrin mipui murdi khêk sup sup unglân; kul chu chim rup a ti; khanchu sipaihai kha irdîn ngitin khopui chu lût thei an ti,” a tia.

JOSUA 6:16

A voisari an vêlnaa ochaihaiin bekul an hong tumin chu Josua’n, “Khêk ta roi, Rengpa’n khua hi a ni pêk tâk!

JOSUA 6:10

Josua’n mipuihai kuang, “Khêk roi duah, ki ti tika thei dôrin nin ikhêk hrang a ni, ki ti mân chu nin ikhêk hrang ni ma,” a tia.

2 THURCHI SUINA 5:13

Hiang hi a nia, bekul tumhai le hla saktuhaiin Rengpa inpâkna le lômthu hrilna an itumhai chu hmunkhata inhriat thei a ni; bekul le têngrep le thil dang irhâi an hon suaa, “Ama lak a satak a nia, a khonzâna lak kumtuanga om hrang a nia,” tia Rengpa an hon pâkin chu, Rengpa in chu sûmpuiin a sip zit tâka.

INPÂKNA HLAHAI 100:5

Rengpa chu a saa; A lungkham lianna chu kumkhua’n om mai a ta, A iamomna chu irlo tin tin dênin om a ti.

INPÂKNA HLAHAI 131:1

Rengpa, ki lungrîl hi irpâk maka, Ki mit en khom irsâng ual maka; Ki hranga thil roiinpui takhai le thil irkhêl takhaia changin uksak ngai ma unga.

ZAKARIA 4:7

Tu mo ni ini? o tâng lianpui, Jerubabela makunga khan phâizôl chang mai ni ta; kha khan a lung poimo tak kha a ta hrangin satvurna le, raifânna khêk irhâi leh zuang tung a ta,” tiin a ni sâm tâka.

HAGAIA 2:3

“Hi in hi matona a roiinpui laia hmu, nin laia tu mo la om? Atûn lai hin i angin mo nin hmu? Nin mithmua ite lua a ini loi mo ni ma?