EZRA 10:18 - PATHIAN LEKHABU IRTHIANG C.L. Bible (BSI)

¹⁸ Khan ochai nâihai laia nam dang nupang dôngma lâk an inhriathai chu: Jesua le a urênghai laia Jozadaka nâipa le a urêng Maaseia, Eliazara, Jariba, le Gedalia hai

EZRA 10:18 ပူးပေါင်းရင်းမြစ်များ

ZAKARIA 3:1

Khan, ochai inlaltak Josua, Rengpa vântirtôn makunga ngîr le a doitu hrang setana ama chang tianga ngîr kha a nin entira.

HAGAIA 1:1

Rêng Daria inlal kum hnina, a tha rukna, kha tha nikho masa taka khan, deipu Hagaia kuanga Rengpa thu kha, Sealtiela nâipa Judai ramoptu Zerubabela kuang le Jehozadaka nâipa ochai intaltak Josua kuang a zuang tunga, hiang hin a ti.

EZRA 5:2

Khanchu Sealtiela nâipa Zerubabela le Jozadaka nâi Jesua’n Jerusalema Pathian in chu an hong sin phut nôk tâka; khan an kôla Pathian deipuhai chu anni changpuihai hrangin an oma.

EZRA 3:2

Khanchu Jozadaka nâipa Jesua le a sangpa ochai le Sealtiela nâipa Zerubabela le a urênghai an hong thoia, Pathian mi Mosia dâna chuang angin hâlirvôm thil irhlanna’n Israelhai Pathian maichâm an siama.

EZRA 2:2

Hihai hi Zerubabela, Jesua, Nehemia, Seraia, Reelaia, Mordekaia, Bilsana, Mispara, Bigvaia, Rehuma, le Baasa hai an ni. Israel mi pasal sa tam lam chu:

1 TIMOTHEA toc2 1 TIMOTHEA 3:11

An nupanghai khom, khaang dênin mi mahripom, mi nuiso ngai loi, insumthei, lam tinrênga mi iamom an ini hrang a ni.

EZEKIELA 44:22

Ochai tukhomin nupang mâka om rêng rêng an ilua hrang ni ma, Israel dôngmate irthiang mani, aninole, ochai dangin a ithisan, meithâi vai kêng an ilua hrang.

JEREMIA 23:14

Kha nêka sual ual Jerusalema deipuhaiin sual an isin ki ihmu a ni. An uirea, chong minlak an hrila; thil saloi tho hrangin mihai an changpuia, tukhomin thil saloi sin an mâk no hrang sikin. Ki ta hrangin chu an rêngin Sodom le Gomora mihai anga taksa sual an ni.

JEREMIA 23:11

Khan Rengpa’n, “Deipuhai le ochaihai chu Pathian nei loi an nia, ki biak in sûng ngeia thil saloi tho’n ki ihmuhai a ni.

NEHEMIA 13:28

Khanchu ochai inlal Eliasiba nâi, Joiada nâipa pasal khat chu Horan mi Sanbalata mâkpa a nia, khanchu ki makung ata ki’rzûlpaia.

NEHEMIA 12:10

Khan Jesua’n Joiakima a neia, Joiakima’n Eliasiba a neia, Eliasiba’n Joiada a neia.

NEHEMIA 8:7

Khan Jesua hai, Bania hai, Serebia hai, Jamina hai, Akuba hai, Sebethaia hai, Hodija hai, Maaseia hai, Kelita hai, Azaria hai, Jozabada hai, Hanana hai, Pelaia hai, le Levi haiin mipuihai chu dân an hrilfia pehaia; mipuihai chu an omna hmuna an om maia.

NEHEMIA 8:4

Khan khaang hrang piala an isin thing dokâng irsânga khan lekha irziaktu Ezra chu a ngîra; a sîr chang tiang khan Matithia, Sema, Anaia, Uria, Hilkia, le Maaseia hai an ngîra; a vei tiang khan Pedaia, Misaela, Malkija, Hasuma, Hasbadana, Zekaria le Mesulama hai.

EZRA 9:1

Khahai kha a’rzoiin chu, mi lianhaiin, “Israel mihai le ochaihai, Levi irchihai chu hitaka mihai leh hin ite danglamna boiin, Kanaan hai, Hit hai, Periz hai, Jebus hai, Amon hai, Moab hai, Aigupta hai, Amor hai sintho intirom an itho angin an thoa.

LEVI DÂN 21:7

Ochai chu a’rthianga, notizuar tâkhai, mi imâkhai, ruatharte irditpui tâkhai dôngma’n a inei hrang ni ma.

EZRA 9:2

An nâinuhai khom an nâipasalhai leh an irneipola; kha irchi irthianghai kha, hi rama mihai leh hin an irneipol tâka; an milianhai le roirêltuhai hi irneinahai hin a tu tak mo an inih ti an ni hong hrila.

EZRA 10:17

Khan tha khatna sûn khat ni chu nam dang nupang dôngma neihai chu an infel thei tâka.

HAGAIA 1:12

Khanchu Sealtiela nâipa Zerubabela le Jehozadaka nâipa ochai inlal tak Josua le mi la omsun murdihai khan Rengpa an Pathian irhâi le Rengpa an Pathianin a itîr anga hong, deipu Hagaia thu kha an irngai tâka; mihai khan Rengpa kha an chi tâka.

HAGAIA 2:4

O Zerubabela, atûn chu hâitakin om roh, ti hi Rengpa thu suak a ni; o ochai inlaltak Josua, Jehozadaka nâipa, nang khom hrât takin om roh, khan, nangni hi rama mi murdihaio, hrât takin om sa roi ti hi Rengpa thu suak a ni. sin tho roi, nin kuang ki oma, ti hi Sipaihai Rengpa thu suak a ni:

ZAKARIA 6:11

Khan sumtak le rângachak an thilpêkhai ata kha rênglukhum kha siamin lân, ochai uliantak Jehozadaka nâipa Josua inkhumtir roh.

EZRA 2:36

Ochaihai: Jesua in mihai laia Jedaia irchihai chu 973.

EZRA 3:8

Khan Jerusalema Pathian in an intung hnunga kum hni tha hnina nî chu Sealtiela nâipa Zerubabela hai, Jozadaka nâipa Jesua hai, an urêng ochai le Levia irchi danghai sala zôk murdi Jerusalema fehai an rêngin an pûta; Levi irchihai chu kum sômhni chung tianga mihai chu Rengpa in sina hruaitu hrangin an inkunghaia.

JEREMIA 23:10

Ram chu Rengpa ta hranga iamom loi mihaiin an sipa; pualoi hringnunhai hmangin an irchamneina an ihmang insual a ni. Rengpa khosâlna sikin ram chu a ngûia, sûl hringna hmunhai a châr zoi tâk.