EZRA 1:3 - PATHIAN LEKHABU IRTHIANG C.L. Bible (BSI)

³ Nin laia ama mihai murdi chunga Pathian chu om ri se; khanchu Judai ram Jerusalema fehai sian, Rengpa Israelhai Pathian, ama chu Jerusalema om Pathian in chu hong sin ri sehai; ama chu Pathian a ni.

EZRA 1:3 ပူးပေါင်းရင်းမြစ်များ

1 RÊNGHAI 18:39

Mipuihaiin kha thil kha an hmu’n chu irnênga an khûksadela, “Rengpa hi Pathian chu a ni, Rengpa hi Pathian tak lele chu a ni hi te,” tiin an khêk suak tâka.

1 RÊNGHAI 8:23

a chongchaia, “O Rengpa Israelhai Pathian, chung vânhai le, hnuai rama khom, nangma anga Pathian dang rêng om mahai. Ni mihai le nin thuthung chu nin hriat maia; a dik takin ni thupêk an zôm photin chu, ni lungkhamna nin langtir ngaia.

1 THURCHI SUINA 28:20

Reng Davida’n, a nâipa Solomona kuang, “Ni tumna inthûktirin lân, irnaksongin lân, sin phut ta ro, tûte’n nan hnungtir no ri sehai, ki Pathian a sin ki itho pe ngaiin nang ompui a ti. Rengpa’n a tempil ni sin zoi mâka nan tha no ni.

EZRA 1:4

Mi tukhom, kho hmuna khom inhnotsuaka om khom ni sian, an omna hmuna Pathian in hrangin, an nuam thua tho hrang ni loiin, sumru, le rângachak, bungruahai le sahai khom lei changpui ri sehai,’ tiin.

EZRA 4:3

Khannisianlân Zerubabela le Jesua le Israelhai in sûnga ulianhai leh a danghaiin an kuang, “Kin Pathian in sinna hin, nin kopna hrang ite lampui om mah; Persia rêng Kura’n thu a ni ipêk ang hin keinihai vaiin kêng Rengpa Israelhai Pathian in chu kin isin pe hrang,” an tia.

EZRA 5:13

Khannisianlân Babulon rêng Kura inlal kumin, rêng Kura’n hi Pathian in sin insa nôk hrangin thu a pêka.

EZRA 5:3

Khaangin tui varâl tianga ram optu Tatenaia le Sethar-bozenaia le an rualhai an kuang an va fea, hiang hin an va ti pehaia, “Hi in sin nôk hrang le hi kul zoi hrangin tu’n mo thu nangni a ipêk?,” an tia.

EZRA 6:7

hi Pathian biak in an isin nôk hi ite tihai ta no roi; Judahai optu le Juda hruaituhaiin hi Pathian in hi a hmun pangaia sin ri sehai.

INPÂKNA HLAHAI 132:13

Rengpa khan Zion chu an thanga; A omna hrangin a nuama.

INPÂKNA HLAHAI 83:18

Nangma vai hi JEHOVA irhming irput, Irnêng murdi chunga Anchungtak ni nih ti an inhriat theina hrangin.

ISAIA 37:16

“Itinrêng Rengpa, Israelhai Pathian, cherub chunga toi, nang vai hi Pathian chu ni nih, ram roirêltu ni nia, irnêng irvân khom hi nangma isiam a ni.

ISAIA 44:28

Kura kuanga khan, “Ki belra enkoltu ni ni, ki thiltum chu hlo nin chuk pe ro, Jerusalem siaminsa nôk sianlân, Tempil sinna hrang lung inphûmtir ro,” ki ti saa.

ISAIA 45:5

Kei hi Rengpa chu ki ni, tûte dang om mahai, Keima ti no chu Pathian dang om mahai. Ni nin hriat no nâkin, nang ki irvôtir a ni ta,

JEREMIA 10:10

Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

DANIELA 2:47

Rêngin Daniela kuang khan, “Hi thilirthup ni inpuang theinaa hin, nin Pathian chu pathiante-hai Pathian, rênghai RENG, thilirthup inpuangtu a lei ini pial kêng a ini,” a tia.

DANIELA 6:26

Ki ram op sûnga hin Daniela Pathian hi biakhai sian chi ri sehai, tiin thupêk ki siam. Ama chu Pathian hring a nia, a det kumkhuaa, a ram chu insiat thei ni no nia, a op khom a hek tenin op a ti.

MATHAIA 28:20

Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

TÎRTÔNHAI SINTHO 10:36

Ama khan irtharngamna Thurchi Sa Jisua Krista, mi tinhai Rengpa bâia insîrin Israelhai an pêltir ti nin inhriat, Jisua chu mi murdi Reng a ni.

DÂN INHNINA 32:31

An râlhai khomin an Pathian kha Israelhai Pathian nêkin chu a nêp ual ti an inhriat.

JOSUA 1:9

Hâitakin irnak la roh ki iti kha inhriat mai ro, chi no’n lân, rot no ro; kei Rengpa hin ni fena tina nang ki ompui mai a ni,” a tia.