EZRA 1:2 - PATHIAN LEKHABU IRTHIANG C.L. Bible (BSI)

² “Persia rêng Kura’n hiang hin a ti, ‘Rammuala ram murdi chu Rengpa irvân Pathianin a ni pêk ta; khan Judai rama Jerusalema in sin hrangin thu a ni pêka.

EZRA 1:2 ပူးပေါင်းရင်းမြစ်များ

1 RÊNGHAI 8:27

“Khannisian nang Pathian tak hin irnêng mihai laia hin om nuam ual le nang irhoitir ma ung? Irvâna lua om loi ni nia. Ki tempil sina hin om nuam theiin mo?

2 THURCHI SUINA 2:12

Hurama’n, “Rengpa Israelhai Pathian irnêng le irvân siamtu, Rengpa in le rêng in sin hranga vârna inhriatna nei nâipasal vâr tak rêng Davida pêktu chu inpâkin om ri se.

EZRA 1:5

Khasikin, Juda le Benjamina irchi, in sûnga a lu u ualhai, ochaihai, Levi hai, Jerusalema Rengpa in hong sin hranga Pathianin an lungrîla a inthorhai chu an hong sina.

EZRA 3:7

Lung tukhai le kuttheithiamhai sum an pêka; Persia rêng Kura iphal dân angin, Sidar thing Lebanon ata tuipuia Jopa tena lei la hrangin Sidon le Tura mihai chu fâk nêk le sahriakhai an pêka.

EZRA 4:3

Khannisianlân Zerubabela le Jesua le Israelhai in sûnga ulianhai leh a danghaiin an kuang, “Kin Pathian in sinna hin, nin kopna hrang ite lampui om mah; Persia rêng Kura’n thu a ni ipêk ang hin keinihai vaiin kêng Rengpa Israelhai Pathian in chu kin isin pe hrang,” an tia.

EZRA 5:15

A kuanga khan hi bungruahai hi lan la, fe ro, Jerusalem biak ina sian lân, khan biak in chu a hmun pangaia sin ni ri se, a tia.

EZRA 6:10

Khan kêng irvân Pathian kha mirimhoi irbôlnahaiin an irhlan thei hrang, rêng le a nâihai an dam sôt theina hrangin an ichongchai thei pehai hrang.

EZRA 6:3

“Jerusalem Pathian in chungchânga rêng Kura’n an lal irphut kumin hiang hin thu a pêka: an irbôlna ngai in chu siaminsat nôk ni sian; a lungphûm khom dettaka phûm ni sianlân.

EZRA 7:12

“Renghai rêng Artazerzia’n, ochai Ezra, irvân Pathian dân irziaktu chubai ki mûk.

NEHEMIA 1:4

Khan hiang hi a nia, kha thu kha kin hriatin chu ki toiraka, ki chapa, sûn iza vêl mani chu a sân ki ngûipuia; bu ki ngheia, irvân Pathian makunga ki chongchaia,

NEHEMIA 1:5

“O Rengpa, irvân Pathian, Pathian roiinpui le ichiom, nangma lungthunga ni thupêk pomtuhai chunga thuthung intunga lungkhamna inlangtu;

INPÂKNA HLAHAI 136:26

O irvân Pathian kuang khan lômthu hril roi; A lungkham lianna chu kumkhua’n om a ti.

INPÂKNA HLAHAI 85:2

Ni mihai pualoina ni ngaidama, An sual murdi nir khû zoi tâka.

THUVÂRHAI 21:1

Reng lungrîl chu Rengpa’n a zêka; tui luangna iva korong a isiam angin a nuamna tiang tak an kôitir ngai.

ISAIA 41:2

A fena hmun tina a hrât maia, Nisua tianga nang a koitu hi tu moh a ini? rênghai, namhai a inhnêhaia, khandaiin nêngpil an changhaia, Phâivua’n bu’rsi a isêm invuang angin, a thal hmangin a’rzûl indarhai ngai.

ISAIA 44:26

ki siahlohai thu kin detpuihaia, ki tîrtônhai iti hlo kin chuk pehai ngai. Jerusalem khua chu lua nôk an ta, Judai rama khuahai khom inding nôk an ti, a siathai khom siaminsa nôk ki ta,” ki tia.

ISAIA 44:28

Kura kuanga khan, “Ki belra enkoltu ni ni, ki thiltum chu hlo nin chuk pe ro, Jerusalem siaminsa nôk sianlân, Tempil sinna hrang lung inphûmtir ro,” ki ti saa.

ISAIA 45:1

Kura chu Rengpa’n rêng hrangin sahriak a pol tâka, nam tinrênghai rûn hrangin a inkung tâk a ni; rênghai an sinthotheina hlîk pe hrangin a tîra; a ta hrangin khopui dâi mikothai Rengpa’n inhong pe a ti. Kura kuang Rengpa’n hiang hin a ti:

ISAIA 66:1

Rengpa’n hiang hin a ti: “Irvân ki rêngtoihmun a nia, irnêng hi ki ke irnghatna a ni; i anga in moh nin ni isin pe hrang, khôn mo ki iom hrang?

JEREMIA 10:11

Nangma’n anni chu hiang hin ni inhril ngêt hrang a ni; irnêng le irvân siamtu ni loi, pathianhai chu insiat ni an ta, hi irnêng chunga hin kho hmuna khom hmu ni ta no ni.

JEREMIA 27:5

“Ki sin thotheina irkhêl tak le ki’rtha hrâtna’n rammual mihriam le irnênga mihriam murdi ki siama; ki mi inthang kuang ki pêk ngai.

JEREMIA 29:10

“Khan Rengpa’n, ‘Babulon rama kum sômsari a hekin chu, nangni ngaisaka, in tianga nangni hruai kîr nôk hranga ki chonginkung thangsua ki ti.

DANIELA 1:21

Khanchu Daniela’n rêng Kura kum khatna dênin a sin mai ta.

DANIELA 2:21

Hunbihai le zorohai an danglam theia: rênghai a sonpai theia, rênghai an dettir thei: Mi vârhai kuang vârna a pêka; an hretheitu kuang inhriat theina a pêka.

DANIELA 2:28

khannisian thil irthup inpuangtu Pathian chu irvâna a oma, rêng Nebukadnezara hi thil la hong om hrang a inhriattir nuam a ni hi te. Ni’rmang le ni zâlhmuna inlârna omzia chu hiang hin a ni.

DANIELA 4:25

Mihriam lai ata inhnotsuak ni ni ta, ni omna hrang chu ramsahai laia ni a ti, sehrât angin hloisûl fa ni ta, irvân irdo’n nang buak a ta, ni chunga zoro sari hek a ti; anchungtakpu’n mihriamhai inlalna ram chunga thu a neia, a inuam tak a pêk ngai a nih ti nin hriat mân chu.

DANIELA 4:32

Mihriam lai ata inhnotsuak ni ni ta, ni omna hrang chu ramsahai laia nih a ti: sehrât angin hloisûl fa ta ni ta, ni chunga zoro sari hek a ti; anchungtak khan mihriamhai inlalna ram chunga thu a neia, a inuam takhai a pêk ngai a nih ti nin hriat mân chu” tiin.

DANIELA 5:23

irvân Rêngpa nêkin ni lian uala, a ina bûr bêlhai ni lâka, nang le ni mi lianhai ni dôngma le ni lâksîrhaiin uain inna’n nin hmanga; sumruhai, rângachakhai, dâr le thîr, thinghaiin lunga isiam pathianhai hmu theiloi, irngai theiloi, inhre theiloi kha nin chôiindôma; khan Pathian ni hringna murdi a kuta omtu khom inzak loiin.

DANIELA 6:25

Khanchu reng Daria’n, mi tin, nam tin, chong tin hmanga irnênga omhai laia khan lekha a’rziaka, “Nin chunga irngeina inpungin om ri se.

JONA 1:9

Ama khan an kuang, “Hebrai mi ki nia; tuikhanglian le rammual siamtu Rengpa, irvân Pathian kha ki chi”, a tia.