EZRA 1:1 - PATHIAN LEKHABU IRTHIANG C.L. Bible (BSI)

¹ Persia rêng Kura inlal kum khatna deipu Jeremia hmanga a lei ihril tâk kha Rengpa’n an tungtir tâka. Ama thupêk, a ram pumpuihai inhriat hranga tep suak hrangin Rengpa’n Kura lungrîl an thor pea.

EZRA 1:1 ပူးပေါင်းရင်းမြစ်များ

EZRA 1:5

Khasikin, Juda le Benjamina irchi, in sûnga a lu u ualhai, ochaihai, Levi hai, Jerusalema Rengpa in hong sin hranga Pathianin an lungrîla a inthorhai chu an hong sina.

EZRA 4:3

Khannisianlân Zerubabela le Jesua le Israelhai in sûnga ulianhai leh a danghaiin an kuang, “Kin Pathian in sinna hin, nin kopna hrang ite lampui om mah; Persia rêng Kura’n thu a ni ipêk ang hin keinihai vaiin kêng Rengpa Israelhai Pathian in chu kin isin pe hrang,” an tia.

EZRA 6:14

Khan deipu Hagaia le Idoa nâipa Zakaria thuhril sikin Juda ulianhaiin an sin tâka; Israelhai Pathian thupêk ang le Persia rêng Kura le Daria le Artazerzia hai thupêk angin an sina, an zoi tâka.

EZRA 6:22

chol koploi bai kût chu lôm takin sûn sari an hmanga: Rengpa’n anni kha an lômtirhaia, Pathian, Israelhai Pathian in sinna hrangin an kuthai inhrâttir hrangin Assuria rêng lungrîl chu anni tiang a irheitir a ni.

EZRA 6:3

“Jerusalem Pathian in chungchânga rêng Kura’n an lal irphut kumin hiang hin thu a pêka: an irbôlna ngai in chu siaminsat nôk ni sian; a lungphûm khom dettaka phûm ni sianlân.

EZRA 7:27

Jerusalema Rengpa in en inhoitir hrang rêng chu, hianga lungrîl invongtirtu le rêng le roirêltu rêng milian inlârtakhai kôla ki chunga lungkhamna insuatirtu Rengpa, kin pi le puhai Pathian chu inpâkin om ri se.

INPÂKNA HLAHAI 106:46

Suaka hruaitu murdihai chu lung an khamtirhaia.

THUVÂRHAI 21:1

Reng lungrîl chu Rengpa’n a zêka; tui luangna iva korong a isiam angin a nuamna tiang tak an kôitir ngai.

ISAIA 44:28

Kura kuanga khan, “Ki belra enkoltu ni ni, ki thiltum chu hlo nin chuk pe ro, Jerusalem siaminsa nôk sianlân, Tempil sinna hrang lung inphûmtir ro,” ki ti saa.

ISAIA 45:1

Kura chu Rengpa’n rêng hrangin sahriak a pol tâka, nam tinrênghai rûn hrangin a inkung tâk a ni; rênghai an sinthotheina hlîk pe hrangin a tîra; a ta hrangin khopui dâi mikothai Rengpa’n inhong pe a ti. Kura kuang Rengpa’n hiang hin a ti:

JEREMIA 1:1

Hi lekhabu hi Benjamina ram sûnga Anathot khuaa ochaihai laia inkhat Hilkia nâipa Jeremia thu’nsîr chuangna a ni.

JEREMIA 29:10

“Khan Rengpa’n, ‘Babulon rama kum sômsari a hekin chu, nangni ngaisaka, in tianga nangni hruai kîr nôk hranga ki chonginkung thangsua ki ti.

EZEKIELA 38:5

Persia ata Ethiopia, Libia ata a mihai chu a kuang an om saa, an rêngin pho le lukhum an nei senga.

DANIELA 1:21

Khanchu Daniela’n rêng Kura kum khatna dênin a sin mai ta.

DANIELA 2:1

Nebukadnezara roirêl kum hninaa khan, Nebukadnezara’n irmang a neia; a lungrîl a buai pea, in thei loiin a oma.

DANIELA 6:25

Khanchu reng Daria’n, mi tin, nam tin, chong tin hmanga irnênga omhai laia khan lekha a’rziaka, “Nin chunga irngeina inpungin om ri se.

DANIELA 9:2

a roirêl kum khatna khan, keima Daniela’n lekhabua chuang deipu Jeremia kuanga Rengpa thu zuang tung, Jerusalem siatna tung hrang a inkung kumhai chu kin hriat thei tâka, kum sômsarina chu.

JOHANA 1:23

Johana’n, deipu Isaia chong hmangin a sâm: “Keima hi ramchâra ‘Rengpa lampui siam roi tia khêktu kha ki ni,’ ” a tia.