EFESI 6:9 - PATHIAN LEKHABU IRTHIANG C.L. Bible (BSI)

⁹ Khan, nangni hruaituhaio, khaang dênin an chunga tho roi. Nin suakhai le nin Hruaitu, theibîk neiloi kha, irvâna a om ti inhre maiin irngô irhal ma roi.

EFESI 6:9 ပူးပေါင်းရင်းမြစ်များ

NEHEMIA 5:5

kin taksa laka kin urênghai taksa ang a nia, kin nâihai khom an nâihai anga om an nia: khannisian hi kin nâinuhai le kin nâipasalhai hi mi siahlo hrangin suaka kin ithunhai zoi hrang a nia: kin nâi senkhathai chu suaka an ilût zel a ni ta: a san hrang dân inhre loi, mihaiin kin loi le kin grep irhuanhai an inei a ni tâka,” iti pâl khom an oma.

JOBA 34:19

Hruaituhai khom indit bîkhai ual maka, Mi irchonghai khom inrianghai nêkin en irsânghai mah. Ama kut suak ving an nia.

INPÂKNA HLAHAI 140:12

Rengpa khan dengtheina tuanghai chu an chungchânga thop a ti, ti kin hriata, Mi irsamhai hrangin roirêl dik inlang a ti.

THUHRILTU 5:8

Inrianghai chu sorkârin dengintheitirhaiin felna le dikna chu an chunga tho pehai loia an iom ni hmu khomin, ni charindong no roh. Ram hruaitu murdihai chu anni nêka irsâng ualhaiin an en zuihai maia, khan anni nêka irsâng ualhai khom chu an la oma.

ISAIA 47:6

Ki mihai chunga hin ki ning an mura, ki mi inthanghai ki soisakhaia, ni kuta ki hong pêk tâka, lung len kham mak chea. Putarhai khom irdîn viat loiin ni hmanghai maia.

DANIELA 3:15

Atûn hin bekul, theihle, perkhuang, rosem, têngrep le serânda irhâinei murdi an ringa khûksadela ki millim siam chubai nin la mûk hrangin chu la sa a ta; nin mûk nuam noa ni’n chu, kha zoro zel khan hâlirvômna meipuia lût nin ti; ki kut ata sansuak theitu pathian chu tu mo a ini hrang?” a tia.

DANIELA 3:6

mi tukhom khûksadela chubai mûk loi chu, kha zoroa zel khan kângirhmangna meipuia pai ni nin ti,” tiin.

LEVI DÂN 19:13

Ni bômhai huang no’n lân, an thil nei irchûpuihai no ro, ni kuanga irhlo chu zân khat khom a hlo khap pe no roh.

MALAKIA 3:5

Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

MATHAIA 22:10

Khanchu siahlohai kha lamliana an fea, mi an ihmu murdi, mi sa le mi sia, an hong koi bûmhaia, irneina in kha mipuiin an sip ta.

MATHAIA 22:8

Khanchu a siahlohai a koia, an kuang ‘Irneina hruai kha siam zoi a ni ta, khannisianlân, ki mi fialhai kha fâkrua ni mahai.

MATHAIA 24:48

Khannisianlân, siahlo saloi a niin chu, a milungin ka pu chu hong lat no nih ti a ta,

MATHAIA 24:51

A pu khan inhnot suakpai a ta, vârirlethai idong anga kha indong a ti. Kha khan chap le irkamnôina om a ti.

MATHAIA 7:12

“Khanchu, thil i khom mi’n nin chunga an itho nin inuam hrang ang khan mi chunga khom tho ngai roi; kha kha Dân le Deipuhai thu a lei ini chian a ni.

LUKA 6:31

Nin chunga mihaiin, nin nuamlam an itho ang dênin mi chunga khom tho roi.

JOHANA 13:13

Nangni’n, Irchutirtu le Rengpa nin ni ti ngai, nin ti indik, ki ni ngeia.

TÎRTÔNHAI SINTHO 10:34

Petera’n thu an sîra: “Pathianin mi tinrêng ir-ang natin a ni en tih kin hriat infel ta.

ROM KHUAA MIHAI KUANGA TÎRTÔN PAULA LEKHATHON 2:11

Pathianin mi theibîk nei mah.

1 KORINTH 1:2

Korinth khuaa Pathian Koiindang om, mi irthiang ni hranga koi, Krista Jisuaa irthiangtir le hmun tina ei Rengpa Jisua Krista, (anni le eini Rengpa) irhming irlam murdihai chubai kin mûkhai.

1 KORINTH 7:22

Suak, Rengpa’n a ikoi chu Rengpa insua suak a nia, khaang dêna khan suak ni loi Krista’n a ikoi khom kha Krista suak a ni.

DÂN INHNINA 10:17

Rengpa nin Pathian hi pathianhai Pathian, rênghai Reng, Pathian roiinpui, sinthothei le ichiom tak kha a ni; tûte theibîk nei maka, inthêm inhnê thei lak ni ma.

KOLOSA 3:25

Thil dikloi thotuhai khan thil dikloi an itho man hmu an ti, Pathian chu tûte theibîk nei mah.

KOLOSA 4:1

Hruaituhaio, nangni khomin irvâna Hruaitu nin nei tih inhriatin, nin suakhai chunga dik tak le satakin itinrêng tho roi.

JAKOBA toc2 JAKOBA 2:13

Mi chunga za’rngaina nei loia thilthotu chu za’rngaina boiin a chunga roirêl pe ni a ti; khannisian, za’rngaina hin chu roirêlna an hnê ngai.

JAKOBA toc2 JAKOBA 2:8

“Nangma lung ni irthung angin ni bômhai lung ni ithung hrang a ni,” ti Lekha Thua chuang Dân roiinpui tak hi, nin zômin chu nin tho’n sa;

JAKOBA toc2 JAKOBA 5:4

Irngai u ta, nin loia sinthotuhai hlo nin khit pehai kha an khêka, bu âttuhai khêk irhai kha Itinrêng Rengpa mikuar inhriata a tung ta.

1 SAMUELA 15:17

Samuela’n, “Nangma insâpin mi chînte angin irbe khomin lân, Israel nam pumpui hruaitu kêng ni ini, Rengpa’n Israelhai rêng ni hranga sahriak nang a irthutir a ni.