EFESI 6:3 - PATHIAN LEKHABU IRTHIANG C.L. Bible (BSI)

³ “Ni ta hrangin sa a ta, irnênga hin dam insôt ni ti,” ti a ni kha.

EFESI 6:3 ပူးပေါင်းရင်းမြစ်များ

ISAIA 3:10

Mi sahai laia chu, “Nin tho insa, nin sinthôna ra ât nin ti,” ti unglân;

JEREMIA 35:7

Kha vai kha ni loiin, sin zong le loi tho loi hrangin a ni tia, grep irhuan khom sin loi hrangin le ircho loi hrangin a ni ihril a ni. Hi ram mikhual anga kin omna ram hin kin om mai theina hrangin itiklai khomin puan ina om mai hrangin thu a ni ipêk a ni.

JEREMIA 42:6

Chongchai hranga nang kin itîrna Rengpa kin Pathian thu kin zôm hrang sikin thil tinrêng kin ta hrangin a ifel hrang a ni,” an tia.

EFESI 6:2

“Ni nu le ni pa chôiindôm roh,” ti hi thupêk laia tep masa tak a ni.

EFESI 6:4

Khan, nangni pahaio, nin nâihai ninginmurtir no unglân, Rengpa irchutirnaa le isepnaa khan enkol ual roi.

DÂN INHNINA 12:25

A thu anga nin tho’n chu Rengpa chu lôm a ta, nin irchihai le nin ta hrangin la sa a ti.

DÂN INHNINA 12:28

Hi ki thuhril murdihai hi zôm rip unglân, Rengpa’n sa a iti lam le a nuamlam kha tho nin ta, nin irchihai le nangni hin kumkhua’n hong sapui nin ti.

DÂN INHNINA 22:7

A tê chu la thei ni ti, a pui rêk chu ni insua hrang a ni; khanchu, ni ta hrangin sa a ta, dam insôt sa ni ti.

DÂN INHNINA 4:40

Khasikin, a thu’nkunghai le a thupêkhai kha zôm roi, nin ta hrangin sa a ta, nin nâi le tehai ta hrangin sa a ti; kumkhuaa nin inei hranga nangni a ipêk rama khan dam insôt nin ti.

DÂN INHNINA 5:16

Rengpa ni Pathianin thu nang a ipêk ang khan ni nu le ni pa chôiindôm ro; khanchu dam insôt ni ta, Rengpa ni Pathian nang ipêk rama khan irhniang ni ti.

DÂN INHNINA 5:33

Rengpa nin Pathianin nin fena hrang a itia khan nin ife thiai hrang a ni; khanchu, dam nin ta, irhniang nin ta, nin ram nei hranga khan sôt tak nin idam hrang a ni.

DÂN INHNINA 6:18

Rengpa ihril ang takin nin râlhai kha nin makunga nangni inhnotsuak pe zit a ti.

DÂN INHNINA 6:3

Khasikin, O Israelhaio, inhre unglân, tho ngêt hrangin irsinsiam roi; nin ta hrangin sa a ta, khuaihlutui le dûttui luangna rama hin nin pahai kuang Rengpa nin Pathian inkung angin a saterengin nin ipung hrang a ni.

RUTHI 3:1

Kha zoiin, Naomi’n Ruthi kuang, “Ki nâinu, ni ta hranga vângsakna in hoitak nang ngaitua pe ki ti.