EFESI 6:20 - PATHIAN LEKHABU IRTHIANG C.L. Bible (BSI)

²⁰ Atûn hin intângna ina om khom inlân, Thurchi Sa palai ki ni. Khasikin, Thurchi Sa insîrna lama khan ki hâi hrang dân taka ki hâi theina hrangin ni chongchai pe ngai roi.

EFESI 6:20 ပူးပေါင်းရင်းမြစ်များ

THUVÂRHAI 13:17

Palai pualoiin buaina an suaktir ngaia, palai iamom rêkin chu irngeina an tungtir ngai.

ISAIA 33:7

En roh, an pasal sahai chu pên tiang an chiara, irngeina zongin an palaihai chu an ichap mur mur a ni ta.

ISAIA 58:1

Rengpa khan hiang hin a ti: “Khêk ra rakin lân, irdîn viat no ro, bekul irhâi angin ni hnuk insuak ro, ki mihai thil tho’nsual, Jakoba irchihai chu hrilhai roh.

JEREMIA 1:17

Irsiam ro, Jeremia; fe’n lân, hril hranga nang ki itihai kha hrilhai roh. Atûn hin anni chu chihai no ro, khano’nchu an makunga thâidôpin nang ki isiam hrang kêng.

JEREMIA 40:1

Sipai hruaitu Nebuzaradana’n Ramah khuaa irthokin a nin sua zoi hnungin Rengpa’n a ni chongpuia. Kha hmuna khan Judai ram le Jerusalema irthokin Babulon rama mi dang intângna ina om hranga hruaia omhai laia khan thîrhruia irkhitin ki iom sa a ni.

TÎRTÔNHAI SINTHO 21:33

Sipai hruaitu inlaltak khan a hong nâia, Paula kha a chela, thîrhrui inhni’n an khittira, tu mo a ini, imo a itho ar dona.

TÎRTÔNHAI SINTHO 26:29

Paula’n, “Sôt sian, sôt no sian, nang vai ni loiin a vuana ki thu irngaituhai murdi khom hi keima anga om hrangin Pathian kuang ki ngên a ni, thîrkol hi chu bun sa loiin,” a tia.

TÎRTÔNHAI SINTHO 28:20

Khasikin nangni hmu le nangni chongpui nuamin nangni ki ikoi buk a ni; Israelhaiin an isabei ngai, kha pa sika khan hi thîrhrui hi ki ibun a ni,” a tia.

TÎRTÔNHAI SINTHO 28:31

Pathian Ram thu a hrila, Rengpa Jisua Krista thu, hâi takin mi ar chutirhaia, tûte’n khap mahai.

TÎRTÔNHAI SINTHO 5:29

Petera le tîrtônhai khan “Mihriam thu nêkin Pathian thu kin izôm hrang a ni.

2 KORINTH 3:12

Kha tûngna kha kin nei sikin kin ihâi a ni.

2 KORINTH 5:20

Khasikin Krista hranga palai kin ni. Pathianin nangni a ngênna kha keinia a ibâng a ni. Krista irthûlin nangni kin ngên: Pathianin râl nin nina irthokin a rualhaiin nangni siam ri se.

EFESI 3:1

Hi sika hin nangni Jentailhai hranga Krista Jisua mi intâng, kei, Paula hin, nangni ki chongchai pe ngai a ni.

EFESI 4:1

Khanchu, nangni a ikoina irphua om hrangin kei, Rengpa sika intâng hin, nangni ki ngên.

EFESI 6:19

Thurchi Sa irthup kha kin hriat theia, hâitaka inpuangsuak hranga ki ngîr tika, Pathianin thu a ni pêk theina hrangin keima ta hrang khomin ni chongchai pe sa ngai roi.

FILIPI 1:20

Ki inuam tak le ki isabei ngit kha ite mualinphoi loia, hâitaka i zoroa khom, hi zoro ngêta khom hin, damin mo ithiin mo, ki taksa Krista chôiindôm hi a ni.

FILIPI 1:7

Nangni ki’rngai tak tak hena, Pathianin hi dongtum a ni ipêk Thurchi Sa ta hranga ki beina le indettirna sin ki thônahai le atûn intângna ina ki om laia ni changpuituhai nin ni sikin ki milunga nin om maia, nin rênga chunga khaang lungrîl irput irhoi khom ki ni.

KOLOSA 4:3

Keini hrang khomin ni chongchai pe roi. A thu hrilna lampui Pathianin a nin hong pena hrangin, lung in ki intângna san Krista thurîl inpuang ki sunzom theina hrangin.

KOLOSA 4:4

Ki insîr hrang lam ang taka kin sîr theina hrangin ni chongchai pe sa roi.

1 THESALONIKA 2:2

Nin inhriat angin Filipi khuaa khan inzakom taka soisak tuang khom inlân, irdoina tamtak kâra nin kuang Thurchi Sa hril hrangin ei Pathianin hâina a ni pêk a ni.

2 TIMOTHEA toc2 2 TIMOTHEA 1:16

Rengpa’n Onesifora in mihai kuanga lungkhamna pe ri se; anni khan voi iza an nin lômtira, lung ina ki intâng hi nin zakpui loiin.

2 TIMOTHEA toc2 2 TIMOTHEA 2:9

Kha Thurchi Sa sika khan intak ki tuanga, mi sual ang dêna thîrhrui ikhit ki ni, Pathian thu chu khit zât ni ma.

FILEMONA toc2 FILEMONA 1:10

Khaang khan, intângna ina intânga ki om laia Kristaa ki nâi Onesima ta hrangin keima irtha tianga pa hin ni kuang ki ingên a ni.

FILEMONA toc2 FILEMONA 1:9

ni lungthungna inhriatin, keima Paula, atûn Krista Jisua sika intângna ina intâng hin, a ngênin nang ki ingên a ni.

1 JOHANA 3:16

Ama’n ei ta hrangin a hringna a ipêka hin, lungthungna kha ei inhriat ta. Eini khomin urênghai hrangin ei hringna hi ei ipêk hrang a ni.

JUDA 1:3

Inditom takhaio, saninhringna ei idong chungchâng hi nin kuang irziak ki nuam tak tak ngaia; Pathianin a mi irthianghai laia iamna thu voikhat nang an kol indettir tâk hi thop ngit hranga nangni inthor hrangin nin kuang lekha irziak a nang ti kin hriata.